2 Apkelanak axta sẽlpextétamo kélteté kélpátek am'ák, appekkenchesek axta apkátek Jesús, kéltaxneyásekxeyk axta nahan Jesús apáwa hómáyok.
Keñe axta aplágwokmo Herodes tén han ma'a sẽlpextétamo apagkok, apáwa aptakmela axta kéltaxneyásekxak Jesús ektémol'a wese' apkelnakta peya yesmésakpok. Keñe axta Herodes apcháphásekxo makham Jesús aphakxa Pilato.
Aptekkek axta yókxexma Jesús yetlo kéltetcheso apkátek am'ák, tén han yetlo aptaxneykekxa m'a apáwa hómáyok axta. Aptahak axta Pilato s'e: —¡Keso énxet se'e!
