SAN JUAN 14:3 - Lengua Sur (Enxet) Nuevo Testamento

³ Atakhekxak sat ko'o, sat awatak makham ma'a sekpenchesa enxoho seláneso yakwánxa kólhakha kéxegke m'a néten, yakwayam enxoho anaklósawatak kéxegke, yakwayam enxoho nahan kólhakha m'a yakwánxa nak axek ko'o.

SAN JUAN 14:3 交叉參考

SAN JUAN 12:26

Enxet ektahakxa enxoho apmáheyo etnehek seláneykha ko'o, hetlawha sat; exnók sat nahan ma'a sekhámxa enxoho. Táta sat egkések yakwayam kóltehek kéláyo m'a énxet apteme nak seláneykha ko'o.

SAN JUAN 14:28

Kélleg'ak axta kéxegke sekxéna ko'o peya atakhekxa', tén han peya awatak makham yakwayam axnaták kélnepyeseksa kéxegke. Nakso' agkok selásekhayo ko'o kéxegke, kalpayhekxak kélwáxok kélyekpelcha enxoho peya amyekxak ko'o m'a aphakxa nak Táta, hakte maxnawo ko'o Táta.

SAN JUAN 14:4

Kélya'ásegkók kéxegke ámay ekmaheyak nak ma'a yakwánxa nak amhagkok ko'o.

SAN JUAN 17:24

“Táta, egkések axta ko'o exchep xa énxet'ák nak, emenyék nahan ko'o hexhok xamo' xa énxet'ák nak, cham'a yakwánxa nak axnók ko'o, yakwayam enxoho elwetak ektémakxa nak ko'o seyeymáxkoho, cham'a seyeymáxkoho segkésa axta exchep; hakte eyásekhayók axta exchep amonye elánamáxche axta keso náxop.

LOS HECHOS 1:11

Aptahak axta apkeláneya s'e: —Enxet apkeleñama nak Galilea, ¿Yaksak ektaha kélenmexo nak néten? Cháxa Jesús apha axta kélnepyeseksa kéxegke xa kélya'áseykxo nak néten, sat nahan katnehek apkexyekmo sat xa ektahakxa nak kélwet'a apmeyákxo m'a néten.

ROMANOS 8:17

Hegwakxohok sat nahan negko'o xa nenxawé m'a sempagkanchesama axta Dios hegmeyásekxak, cham'a sẽltennasama axta, cháxa peya sat anxawhok xamo' Cristo xa, eyámnaksoho enxoho nenlegagkoho xamo' ma'a Cristo, yakwayam enxoho ampasmok ma'a ektémakxa nak apcheymákpoho.

FILIPENSES 1:23

Eyapagkánexchek ko'o alyésha xa ánet nak. Mók ekxeyenma ewáxok nahan, emenyék watsapok yakwayam axhok xamo' Cristo, hakte xénchek ko'o ewáxok ektakmela agko' hetnehek ko'o xa ektaha nak.

2 TESALONICENSES 1:12

Kéxegke sat kanyék kélteméseso eyeymáxkoho apwesey Wese' egegkok Jesús, keñe sat kéxegke kólxawak ma'a ektémakxa nak apcheymákpoho Wese' egegkok Jesús, eñama apméso naksa Dios ma'a ektémakxa nak segemleykekxoho, tén han eñama m'a Wese' egegkok Jesucristo.

2 TIMOTEO 2:12

nenlegágkok agkok negko'o, hegwakxohok sat negko'o xa m'a aptémakxa nak Wese' apwányam Dios; agkok anxénak apwesey Cristo, mexének sat nahan negko'o xa negwesey;

HEBREOS 9:28

ekhawo ektémakxa nak han Cristo ektéma wánxa xama apmeyásamákpekxoho Dios yakwayam enxoho exámhok apmaséseso melya'asáxma énxet'ák. Keñe sat henxekmósakpekxohok makham, háwe eyke kaxwo' yakwayam ey'ótak mólya'asáxma, wánxa aksa yakwayam elwagkasek teyp ma'a énxet'ák ektaha nak apkelhaxanma.

APOCALIPSIS 3:21

Enxet'ák ektahakxa enxoho apkelmalanma, agkések sat ko'o yakwayam exek nekha sektáhano sekhamakxa nak, ekhawo ektémakxa axta ko'o xa sekmalanmá, ekhákxek axta m'a nekha aphamakxa nak Táta.