SAN JUAN 14:2 - Lengua Sur (Enxet) Nuevo Testamento

² Awanhexma yakwayam anxek ma'a Táta apxagkok; maltennaksek axta ko'o peya alánegwakxések kélxanak kéxegke méko enxoho neghakxa m'a.

SAN JUAN 14:2 交叉參考

SAN LUCAS 14:22

Nano' axta entahak aptaha apcháneya wese' apagkok apchásenneykha s'e: ‘Wese', elanak xeyk ko'o m'a apkeltamhókxa exchek alának xép, awanhek eyke makháxma s'e.’

SAN JUAN 13:33

Etchek selásekháyo, megkawegkók sat cha'a ko'o sekha kélnepyeseksa kéxegke. Hélchetmok sat kéxegke, hawók ektahakxa axta seláneya énxet'ák judíos se'e sektahakxa nak seláneya kéxegke: Megkólwanchek sat kólmahagkok ma'a yakwánxa nak amhagkok ko'o.

SAN JUAN 13:36

Aptahak axta Simón Pedro apkelmaxneyeyncha'a Jesús se'e: —Wese', ¿háxko yakwánxa emhagkok? —Mopwanchek hétlók xép ma'a yakwánxa nak amhagkok, —axta aptahak apchátegmowágko Jesús—, wánxa agkok, axayók sat eyke hemhágkakxak xép.

SAN JUAN 14:28

Kélleg'ak axta kéxegke sekxéna ko'o peya atakhekxa', tén han peya awatak makham yakwayam axnaták kélnepyeseksa kéxegke. Nakso' agkok selásekhayo ko'o kéxegke, kalpayhekxak kélwáxok kélyekpelcha enxoho peya amyekxak ko'o m'a aphakxa nak Táta, hakte maxnawo ko'o Táta.

SAN JUAN 16:4

Eltennásek ko'o kéxegke xa, yakwayam enxoho kaxénwakxohok kélwáxok sektéma selánagkama kéxegke, cham'a, ektaha sat kéxegke xa. “Axta eyke altennasók kéxegke sekxo' agko' xa, hakte selxegexma'a axta kéxegke.

SAN JUAN 17:24

“Táta, egkések axta ko'o exchep xa énxet'ák nak, emenyék nahan ko'o hexhok xamo' xa énxet'ák nak, cham'a yakwánxa nak axnók ko'o, yakwayam enxoho elwetak ektémakxa nak ko'o seyeymáxkoho, cham'a seyeymáxkoho segkésa axta exchep; hakte eyásekhayók axta exchep amonye elánamáxche axta keso náxop.

LOS HECHOS 9:16

Axekmósek sat ko'o yakwánxa katnehek ekyawe aplegeykegkoho m'a énxet nak, ko'o eñamakxa.”

2 CORINTIOS 5:1

Negko'o nenteme negyetchásamáxkoho xama tegma apkeñama nak keso náxop, ektémol'a tegma kélpakxenwayamla'a yakwatakxoho; wánxa agkok, negya'ásegkok eyke negko'o senlánesa Dios tegma memassegwayam ma'a néten megkatnaha nak énxet apkelané, cham'a kélmaséseykmo enxoho se'e tegma nak.

1 TESALONICENSES 5:9

Hakte axta hempagkanmak negko'o Dios yakwayam henlegásesagkohok, wánxa agkok, empagkanchek axta yakwayam anxawak nelwagkásamáxche teyp eñama m'a Wese' egagkok Jesucristo.

TITO 1:2

ektaha nak ekteméseso ekmámnaksoho m'a nelhaxneykha nak yakwayam anxawak ekyennakte egnenyek megkatnegwayam enéxa. Apxeyenmék axta Dios keytek ekyennakte egnenyek amonye apkelané axta keso náxop, cham'a Dios metné nak apmopwána amya'a.

HEBREOS 11:10

Hakte axta apkelhaxanmak Abraham ma'a tegma apwányam aptaha nak memassegwayam, aptaha nak Dios apkelané yakwánxa katnehek apkelánamap, Dios apagko' nahan apkelané xa tegma nak.

HEBREOS 13:14

Méko negko'o tegma apwányam memassegwayam keso náxop, wánxa agkok, negketamchek eyke negko'o m'a tegma apwányam apyetna nak egmonye.

HEBREOS 6:20

cham'a aptaxnegwánxa axta anhan Jesús yakwayam enxoho agkegwának ólántaxnegwók negko'o xa m'a; aptemegwákxeyk axta apkemha apmonye appasmo apkelmaxnéseso Dios énxet'ák apagkok ma'a, megkatnegwayam enéxa, ekhawo ektémakxa axta aptamheykha Melquisedec.

HEBREOS 9:8

Cháxa segya'asáseykegkoho axta Espíritu Santo megkamayhamakxa axta makham ma'a nentaxnamakxa nak kañe' tegma appagkanamap ektahakxa nak ekpagkanamaxchexa agko', cham'a ekyetnamakxa axta makham émha amonye apwáxok xa tegma appagkanamap nak.

APOCALIPSIS 1:5

tén han eleñama m'a Jesucristo, aptaha nak ekmámnaksoho agko' apxeyenma aptémakxa Dios, aptaha axta nahan apmonye apxátekhágwayam nepyeseksa apkeletsapma axta, aptaha nak han ekha kélyaheykekxoho nepyeseksa kelwese'e apkelwányam nak keso náxop. Egásekhayok negko'o Cristo, egmasésesek axta nahan mólya'asáxma, cham'a apyegkena axta éma apagkok,

APOCALIPSIS 21:2

Ekwet'ak axta ko'o tegma apwányam aptakmalma Jerusalén aphaxnagkok, apweywentek axta apkeñama m'a néten, apkeñama m'a nápakto' Dios, penchásamáxchek axta kéláneykekxa ektémol'a kelán'a ektaxneykekxa ektaxno yakwayam kalyamhápok.

APOCALIPSIS 3:12

Enxet'ák ektahakxa enxoho apkelmalanma, atnésesek sat ko'o elámha Dios tegma appagkanamap apagkok, melantépekxók sat cha'a m'a; ataxaksek sat ko'o Dios ahagkok apwesey xa énxet'ák nak, tén han ataxaksek ma'a Dios tegma apwányam apagkok nak apwesey, cham'a kaxwé Jerusalén apkeñama nak néten, apkeñama nak ma'a Dios ahagkok; ataxaksek sat nahan ko'o kaxwé sekwesey xa énxet'ák nak.

APOCALIPSIS 3:21

Enxet'ák ektahakxa enxoho apkelmalanma, agkések sat ko'o yakwayam exek nekha sektáhano sekhamakxa nak, ekhawo ektémakxa axta ko'o xa sekmalanmá, ekhákxek axta m'a nekha aphamakxa nak Táta.