SAN JUAN 1:47 - Lengua Sur (Enxet) Nuevo Testamento

⁴⁷ Xama axta apwet'a Jesús apxegakmo Natanael, aptahak axta appakmeta s'e: —Cháxa apxegakmo aptaha nak nakso' Israel xa, melyexancháseykha anhan xama énxet enxoho.

SAN JUAN 1:47 交叉參考

SAN JUAN 2:25

Axta keyméxchek kóltennaksek Jesús apkeltémakxa xa énxet'ák nak, hakte apya'áseykegkoho apagko' etnehek ma'a ektémakxa nak elchetamso apwáxók énxet.

SAN JUAN 4:16

Aptahak axta apcháneya Jesús kelán'a s'e: —Kaltennásekxa atáwa, keñe sat keyxyók makham se'e.

SAN JUAN 8:31

Aptahak axta Jesús apkeláneya judíos ektaha axta apteme melya'áseyam se'e: —Kélyaheykekxók agkok kéxegke sektémakxa nak cha'a sekpeywa, kóltehek sat kéxegke ekmámnaksoho seltámeséyak;

SAN JUAN 8:39

Aptahak axta énxet'ák apcháneya Jesús se'e: —¡Abraham negko'o egyap! Wánxa agkok, aptahak axta apchátegmowágko Jesús se'e: —Nakso' agkok kéltaha kéxegke Abraham apketchek, kóllána m'a apkeláneya axta cha'a Abraham.

ROMANOS 9:4

Hakte Israel aptawan'ák neptámen ma'a, apkelmomchek axta nahan Dios aptéma apketchek xa. Aphegkek axta Dios nepyeseksa xa yetlo apcheymákpoho, apmésegkek axta anhan ma'a ekhémo mók apkelpakhetchásamákpoho nak Dios, tén han ma'a Moisés segánamakxa apagkok, apmések axta anhan ektémakxa nelpeykesamo Dios kañe' tegma appagkanamap, apmésegkek axta anhan appeywa yakweykenxa etnehek.

ROMANOS 9:6

Magwanchek anxének megkatnama m'a aptémakxa axta appeywa Dios apmésama m'a énxet'ák Israel; hakte háwe apyókxoho énxet Israel aptawan'ák neptámen apteme ekmámnaksoho apkeleñama m'a nepyeseksa énxet'ák Israel.

FILIPENSES 3:3

Hakte negko'o nenteme m'a ekmámnaksoho sẽlkahaso kélyenyekhamol'a egyempehek, negko'o nelpeykesamol'a cha'a Dios eñama senteméseso m'a Espíritu apagkok nak. Kelpayheykxek nahan egwáxok negko'o nentaha Cristo Jesús énxet'ák apagkok, mantahak cha'a negko'o negáyo m'a kéltemésesamakxal'a cha'a egyempehek.

1 SAN PEDRO 2:1

Kólyenyaw kéxegke m'a ekyókxoho ektémakxa nak nentémakxa ekmaso, tén han ma'a ekyókxoho ektémakxa nak nelyexancháseykha egmók, kólyenyaw nahan ma'a nelmeyókasamáxkoho egagko' nak nentémakxa, tén han ma'a nelyásekkáseykha, tén han ma'a ekyókxoho ektémakxa nak nenxeyenma naksa egmók.

1 SAN PEDRO 2:22

Axta elaneyk mey'asáxma Cristo xama enxoho, axta nahan elyexancháseykha xama énxet enxoho.

APOCALIPSIS 14:5

Axta etnék nahan cha'a apkelmopwána amya'a xa énxet'ák nak, hakte méko axta apkeltémakxa ekmaso xama enxoho.