FILEMÓN 1:5 - Lengua Sur (Enxet) Nuevo Testamento

⁵ hakte ekleg'ak axta ko'o amya'a ektémakxa apchásekhayo exchep tén han ektémakxa mey'áseyam ma'a Wese' egegkok Jesús, tén han apkelásekhayo exchep ma'a apyókxoho énxet'ák apteme nak Dios énxet'ák apagkok.

FILEMÓN 1:5 交叉參考

LOS HECHOS 20:21

Eltennasegkek axta ko'o énxet'ák judíos seltémo elyakmagkasek apwáxók, tén han ma'a énxet'ák metnaha nak judíos, tén han seltémo etnehek melya'áseyam ma'a Wese' egegkok Jesús.

ROMANOS 12:13

Kólpásem Dios énxet'ák apagkok ma'a ektémakxa nak ekha eyéméxchexa aksok, kólahapmakha cha'a meyk'a kélagkok.

1 CORINTIOS 16:1

Emenyék ko'o altennásekxohok kéxegke m'a aksok peya axta kólánchesásekxak ẽlyáxeg'a apteme nak Dios énxet'ák apagkok apkelpagkanamap. Tásek kóltehek ma'a sektahakxa axta seláneya ko'o énxet'ák apchakneykekxexa nak ma'a yókxexma Galacia.

GÁLATAS 5:6

Nentemék agkok negko'o negyepetcheyo Cristo, méko katnehek ekha enxoho sẽlkahaso kélyenyekhamol'a egyempehek esenhan ma'a méko enxoho. Akke tásek keytek negko'o m'a magya'áseyam nak, cham'a magya'áseyam sentemésesamol'a ekha nelásekhamaxkoho.

EFESIOS 1:15

Ekya'ásegkok ko'o ekyetna kéxegke megkólya'áseyam Wese' egegkok Jesús, tén han ekyetna kélásekhayo apxámokxoho ektaha nak Dios énxet'ák apagkok,

COLOSENSES 1:4

hakte nenlegágwakteyk axta negko'o amya'a ektémakxa megkólya'áseyam kéxegke Cristo Jesús, tén han ekyetna kélásekhayo m'a apyókxoho ektaha nak Dios énxet'ák apagkok,

1 TESALONICENSES 3:6

Kaxwo' eyke, apwakteyk Timoteo apkenyekto m'a tegma apwányam Tesalónica, ensántegkesek axta negko'o amya'a ektakmela ektémakxa megkólya'áseyam kéxegke, tén han ektémakxa kélásekhamaxkoho ekyetna nak kélnepyeseksa kéxegke. Ẽltennásakteyk axta megkamassegweykmo exnek cha'a ekxeyenma kélwáxok negko'o yetlo segásekhayo, tén han kélmáheyo kélagko' hek hẽlwetekxak makham negko'o, ekhawo ektémakxa nak han negko'o xa negmáheyo ólwetekxak kéxegke.

FILEMÓN 1:7

Awanhok agko' ko'o ekpayheykekxa ewáxok, ekwaskápekxók nahan eñama m'a ektémakxa nak sẽlásekhayo exchep, eyáxeg, xép keñamak kélpeykesásekxo apwáxók apyókxoho énxet'ák apteme nak melya'áseyam.

1 SAN JUAN 3:23

Apkeltamhok negko'o Dios antehek magya'áseyam Jesucristo aptaha nak Dios Apketche, tén han apkepmenyého ólásekhaxkohok negko'o ekhawo m'a apkeltamhókxa axta antehek Dios.