3 Dios Egyap tén han Wese' egegkok Jesucristo sat etnehek apméso naksa kéxegke m'a ektémakxa nak segemleykekxoho, tén han egkések ma'a meyke ektahakxa egwáxok nak.
Keytek sat cha'a kélnepyeseksa kéxegke m'a ektémakxa nak segméso naksa Wese' egegkok Jesucristo m'a segemleykekxoho nak, tén han ma'a Dios segásekhayo nak, exek sat nahan cha'a kélwáxók Espíritu Santo kélyókxoho kéxegke.
Dios Egyap tén han Jesucristo Wese' egegkok sat etnehek apméso naksa kéxegke m'a ektémakxa nak segemleykekxoho, tén han ma'a meyke ektahakxa egwáxok nak.
Agkéshok cha'a ko'o ekpayheykekxa ewáxok Dios, cham'a ekxeyenwákxoho enxoho ewáxok xép neyseksa sekteme nempeywa nelmaxnagko,
