APOCALIPSIS 15:2 - Lengua Sur (Enxet) Nuevo Testamento

² Ekwet'ak axta makham ko'o xama aksok ekyetchesamaxkoho wátsam ekwányam elyenma, táxa axta nahan ekyepetche, apchaknáha axta nahan nekha wátsam ekwányam ma'a ektaha axta apkelyaphogweykmoho apkenmexa m'a aksok nawhak eklo tén han apkenmexa m'a kéleykmáseso kélheyaseykegkoho nak aksok nawhak eklo, cham'a aksok nawhak eklo ekha nak elkahaso. Yát'axpog apyawe axta nahan apkelmeykha xa énxet'ák nak, ektaha axta Dios apkelmeyáseyak.

APOCALIPSIS 15:2 交叉參考

APOCALIPSIS 4:6

Máxa axta anhan wátsam ekwányam ekyetna amonye xa taháno ektakmalma nak, máxa axta aksok elyenmal'a. Ekwet'ak axta anhan ko'o aphó énxet neyseksa xa taháno nak, tén han ma'a neyáwa, xámok axta kélakta'ák apnenyek, tén han ma'a akkapok.

APOCALIPSIS 12:11

Apkelmalanchek axta ẽlyáxeg'a xa eñama m'a apyegkenma axta éma apagkok Nekkések Apketkok eñama nahan ma'a apkellegaso axta amya'a ektakmela agko' xa énxet'ák nak; axta elayeyk eletsapok apmayheykegkok axta aksa eletsapok.

APOCALIPSIS 5:8

Xama axta apma weykcha'áhak kélpexteteykxoho xa Nekkések Apketkok nak, apkeltekxeyágkek axta aptapnák ma'a hawók nápakha énxet apkeleñama nak néten nápakto' ma'a Nekkések Apketkok. Axta anhan apkeltekxeyágkok aptapnák xa veiticuatro apkelámha apmonye'e nak. Apyókxoho axta apkelmeykha yát'axpog apyawe xa énxet'ák nak, egheykok ekyátekto elyenma axta nahan apkelmeykha yetlo ekláneyo aksok ekmátsa ekpakneyam éten agkok ma'a kañe'. Cháxa nempeywa nelmaxnagko aptamheyak nak cha'a m'a ektaha nak Dios énxet'ák apagkok.

APOCALIPSIS 21:18

Meteymog ekyennakte axta nahan elánamáxche kélhaxtegkeso nepyáwa xa tegma apwányam nak, keñe axta sawo ekyátekto elyenma m'a tegma apwányam nak, máxa axta m'a sokpeysyam la'a elyenma.

1 SAN PEDRO 1:7

Hakte máxa sawo ekyátekto elyenma ekmomnáwa m'a ektémakxa nak megkólya'áseyam kéxegke: kéméxchek sekxo' kólyekkónek ma'a ektémakxa nak megkólya'áseyam, ektémol'a sawo ekyátekto elyenma ekmomnáwa kólyekkónek kólyenyók neyseksa táxa. Magya'áseyam elenmáxamáxkohol'a ektémakxa segyekkónma, yeykhágweykmók ma'a ekwánxa nak ekmomnáwa sawo ekyátekto elyenma étsagkasamáxkohol'a. Temegkek agkok ekyekkónamaxche megkólya'áseyam kéxegke xa ektaha nak, kalkohok sat kélwáxok kéltahakxa kéxegke, kóltemésesek sat kéleymáxkoho kéxegke, tásek sat nahan katnehek kélxénamaxche, cham'a senxekmowáseykpoho sat Jesucristo.

SAN MATEO 3:11

Yegmen ko'o ekmáha sekyakpásásegko kéxegke yegmen yakwayam enxoho wának kólyakmagkasek kélwáxok; wánxa agkok, énxet apxegakmo nak netámen ko'o eyakpásesagkok sat kéxegke Espíritu Santo tén han yetlo táxa. Apmopwána eghak ma'a maxnawok ko'o, megkapayhawok alsókasek ko'o apkeltéto apmagkok.

APOCALIPSIS 13:14

Axta keñamak elyexancháseyncha'a apyókxoho énxet'ák apheykha nak keso náxop eñama m'a aksok sempelakkaso nak agweta', cham'a kélhayo axta kalának keto' ekyagkakxa m'a émha amonye aksok nawhak eklo nak, keltamhok axta nahan kalanaxchek kéleykmáseso ekhawo xa émha amonye aksok nawhak eklo nak, cham'a ekyáktama nak makham, ñekhe m'a kélyetxakxama nak sókwenakte kélyensasama.

1 SAN PEDRO 4:12

Elyáxeg selásekhayo, nágkólchenatches aksa kélwet'a enxoho ekyentaxno kéllegeykegkoho, ektémol'a aksok negkenatcheso nak agweta'.

APOCALIPSIS 13:1

Ekwet'ak axta ko'o ektepa aksok nawhak eklo neyseksa wátsam ekwányam, siete axta ekyókxoho akkatkók keñe axta diez ekyókxoho m'a kepet'ák. Etcheso akkátek axta cha'a eghak ma'a ekyókxoho kepet'ák nak, yetnegkek axta nahan kéltáxeso ekwanyémo Dios ma'a akkatkók nak.

APOCALIPSIS 13:17

Méko axta kawának kamok ekha ekyanmaga aksok méko enxoho kélkahaso ekwesey m'a aksok nawhak eklo nak, méko axta anhan kawának keyñekxa', esenhan ma'a megkeytna enxoho ekwánxa nak número ekwesey.