YOHANES 4:1 - PERJANJIAN BARU NALCA YUBA

¹ Yahudi nang edya Yohanes Pembaptis bera mek so meka dalasil bok, Yesus ak dara, nauba meka daboka nimi doro dililamla an yuba kemek.

YOHANES 4:1 交叉參考

LUKAS 1:76

Anya anda najab o, anak dara, Wenelesilnya bedya pika meewoka yarawalom aboka, anda men mengewanelam anasa, Imik Neyung hyak imik ululanya bedya ununumnaʾ lenya aboka si silimnenjak.

LUKAS 19:31

Nimi yok nim edya, ugunda pam ara hekasa soudyaʾ loblerum aboka heibsija dara, Wenelesilnya bedya do yoururum, amlaʾ anasa ulunam, henerum,” hyok.

LUKAS 19:34

Dara sikja lebdekja, ”Wenelesilnya bedya na dobnamna amlaʾ anasa ulunam,” herek.

LUKAS 2:11

Sumen era ugunsamba, nimi blebsinaʾ dubnya, Wenelesilnya Kristus benyek, Daud bedya heikek beibla.

LUKAS 7:13

Wera Yesus ara me dam gel genyek eibuk dara, hyak angoo yadyek senewookanya alak lebokja, Genong o, anda engenaʾ ara mem!

LUKAS 7:19

Dara Yohanes Pembaptis bera alja mabo penya nang ek yoururum aboka, sikda Yesus ak heil binirum aboka lebsukja, ”Neyung o, anda eimik yanamla hyoknya ben gom, nunda yoknya bek diri ulumnemab gom?” aboka hei yanarum aboka orugosuk.

YOHANES 3:22

Ban nen seleb dara, Yesus ara alja diriga ban nang eb, Yudea sokok bilimek. Dara, sikeneblaboka minggu penya so ulumeekanya, nimi hnon meka dalasuk.

YOHANES 3:26

Dara, hnon nang ara Yohanes Pembaptis ak biniboka, ”Neyung neklesilimnya o, anab neikaʾ Yordan mek inik ulurumukanya, nuk amasulumnya bera, wera albabya nimi meka dalasilikanya, nimi nauba alak mamagal balamak,” hyek.

RASUL 10:36

”Hem yab o, Israeli nim ek Imik Neyung adya lesuk yub era ugunda seleb ella ululum. Ban lesuk yub era, Yesus Kristus adya ganya hekdangoka un yub ek lebsuk. Ban Yesus ara nimi nidyaʾ siksamba Wenelesilnya ulusil.

1 KORINTUS 1:17

Kristus nak bokol yeilinyok era, nimi meka dalasululaʾ aboka ubnenggunyok, bok alda perob lero yangganaʾ yuba lelelulaʾ aboka, bokol yeilinyok. Bok, Kristus gal dubuk somogok yuba migib era, salyaʾ lelem dalyek aboka, nimi geremseng adya yuba lelelulaʾ aboka, senewanggunyok.

1 KORINTUS 15:47

Men uyimoknya Adam bera, soko yokaʾ ak doboka uyimok, bok eimik Adam bera, imik heikek abaʾ ara yeilimok.

1 KORINTUS 2:8

Dara, wen sokok an dub nang ulumak nim edya dara, Imik Neyung adya geremseng unaʾ nunsamba beiyisukaʾ ara, ella danggumek. Anasa wera, sikda hnon ella uluseng bok dara, Wenelesilnya hyak perobnya bera oboka gal ak glabnenggumneseng.

2 KORINTUS 4:5

Yuba lel eleklesabaʾ ara, nun nong anyek geklewoka lel eleknenggulusab. Alda yub enera, Yesus Kristus ara Wenelesilnya nong ara an, an yub enyek, lel eleklesab. Bok, nuk dara alsamba leboka, ugunuk arasin nang ulumab aboka lel eleklesab.

YAKOBUS 2:1

Nadya hemyab o! Ugunda senenggomaʾ Wenelesilnya Yesus Kristus bek, dib senelelum nim ululumaʾ anasa, nimi hogung ak keeboka webeldanaʾ ara mem.

WAHYU 19:16

Hnon aljaʾ akleng ek ara, anya eilik ab dara, Mok soko me dub nang nidyaʾ dubnya ulumlakanya, nidyaʾ wenelesak nang dubnya ulumla, wenyaboka momnya domek si nenyek ulumokaʾ ak eibsa.