WAHYU 6:1 - PERJANJIAN BARU NALCA YUBA

¹ Dara nara kemelamsa enyek, domba me ara mem an beknaʾ denenaʾ sekbadya ulumokaʾ ak anyeb, mennya nek bakokaʾ ak eibsa. Anya, dombadya gamyakaʾ anyek, mennya nedya liming yub anasoʾ ak bii aboka, ”Yanggalom!” al yabok ak kebsa.

WAHYU 6:1 交叉參考

YOHANES 1:29

Ampum ara, Yohanes bedya Yesus ara alak yalamokaʾ eiyimok dara, ”Soko nimi malya unaʾ doboka boboganesilnya Imik Neyung domba pam ara kendululum.

RASUL 4:20

Nunda seleb eiyinum kenum anyek lelenam ara, hyak lobnenggunusinim,” arek.

WAHYU 11:19

Wenyek Imik Neyung bedya e imik heikek ara, bak lobookanya, alja orowek mem golongaʾ era, seleb laga dookanya, ebnaʾ ab, liming yub gururu anaʾ ab, sogoumaʾ ab, saragenaʾ mok dok ab, anera nauba ul yabok.

WAHYU 13:8

Dara ban yu nongaʾ ak ara, sokok an ulumak nimi nidyaʾ ara, alak giblemnemak. Bok anam soko uyiwanggom salek enyek ab moruwoka orob domba me aljaʾ nim embengaʾ un buku lomok sam si unggulumlya nim era, ban yu nongaʾ ak giblemnemak.

WAHYU 14:2

Anya onoʾ nara, nauba mek lumdam yuba ollallek alamla anaso ab, senenggom liming yub anaso ab hnon, imik sam ab unuru wenyalamokaʾ ak kebsa. Ban yub en sanaʾ ara, nim adya henga nauba geregoka doblemak benggong yub enesoʾ ak lelemok.

WAHYU 19:6

Dara nara, onoʾ nimi gonga longowoka yuba irir aboka salamna anaso ab, mek lumdam yub ollallek anaʾ anaso ab, liminga gururu anaʾ yub anaso ab dara, an unurub digum anasoʾ adya wenyalamokaʾ ak kebsaʾ ara, ”Haleluya! Nunjaʾ Wenelesilnya Imik Neyung senenggom migib yaknya bera, wera seleb dubnya dangoka wenel yabalasil. Imik Neyung ak or giblenob e!

WAHYU 4:8

Dara, ban dombadya gamyakaʾ nidyaʾ ara, nidyaʾ ola hnabbadya dara-dara ulumok. Bok darasam sikja lomok ak dara, nidyaʾ heng doka yakaʾ ak ulumek. Anya sik ban gamyakaʾ edya dara, inimnek yubyek buluk lobongganggonggom, bera sobaʾ sebelsinilimek. ”Geisa, geisa, geisa! Wenelesilimnya Imik Neyung hyak senenggomnya geisa ok ulumla! Youmaʾ, wen, eimik sobaʾ ulumnalanya benyaʾ, geisa ok ulumla!” wenyalamek.

WAHYU 5:1

Dara, nara kemel yabasa enyek, domba me senenggom ekla bunaʾ ak sam bukoka, kerob buku hnon, momnya dara-dara domekaʾ anyek, sekbadya beknaʾ denenaʾ denemekaʾ ak, alja sirik sorukuk, salamokaʾ ak eibsa.

WAHYU 5:12

Sikda yuba yeiriwoka saboka wenyalamekaʾ ara, ”Orob domba pam me nenyek danyek, damnya bedya len migib ab, bonaʾ dub ab, ella unaʾ damok ab, yeirin migib ab, alak nauba senewoka gibnaʾ ab, si imik nenenaʾ ab, giginaʾ nauba ab dara, alak danyek dobnamla,” wenyaro seblemek.

WAHYU 5:8

Ban unu dol yabok dara, an dombadya gamyakaʾ eb, domdaraʾ badya nonga kaboka wa borob nang eb dara, al saramek hogung oumub ligiwek. Dara, sikda yok-yok benggong hnonok, emas mek hmeiya hnonok, gen-gen song meklaʾ adyok deknemokaʾ anyek salawek. Anera munaʾ Imik Neyung mab adya molonaʾ era an.

WAHYU 6:3

Wera onoʾ domba me ara penenyaʾanya beknaʾ denenaʾ bakal yabok dara, dombadya gamyakaʾ anyek, penenya nedya lel yabokja, ”Yanggalom!” al yabok ak kebsa.

WAHYU 6:5

Dara onoʾ domba me ara winilinya beknaʾ denenaʾ bakal yabok dara, winilinya gamyakaʾ era, ”Yanggalom!” al yabokaʾ ak kebsa. Anya nara, wera, abaksin pama hnon, honga mirinokaʾ ak ulumookanya, an eilib abakamoknya bera, igina sununaʾ ak alja sorukuk salamokaʾ ak eibsa.

WAHYU 6:7

Wera onoʾ domba me ara domnya beknaʾ denenaʾ bakal yabok sab-sab, nara kebsa enyek, domnya gamyakaʾ edya, ”Yanggalom!” al yabokaʾ ak kebsa.

WAHYU 8:1

Domba me adya sek beknaʾ denenaʾ bakal yabok enyek, imik heikek ara wene salek setengah jam yuba unuruwaʾ orokaʾ anyek deso aro lobok.