WAHYU 18:2 - PERJANJIAN BARU NALCA YUBA

² Dara alda yuba migibaʾ nauba bii aboka, ”Seleb malyinggil! Ban Babel nauba heik era seleb malyinggil! Anya, wenera bisaʾ gong danyeb, yu hwam ganya adya un oulyanga dal. Anya ane lomok an nidyaʾ ab, hyak malya anasa lek senelemak wining gong eb danyek, ulumak.

WAHYU 18:2 交叉參考

WAHYU 1:15

Benedya yan era gabya weʾ uka singilamlaʾ anasoʾ anyek singelemok. Alja yub era, mek lumdam yub anasoʾ anyek olalalak alamok.

WAHYU 10:3

Dara, alda yu nong ulumla singa gam edya yeiriwoka ngoublamla sok, yuba nauba bii alamok. Wenyalamok dara, sekbadya liming era yuba sab onowek.

WAHYU 11:8

Dara sikja beʾ era, senenggom heik yabalamak pikek, Sodom, Mesir aboka sunuwoka silimak heikek anyeganyebaʾ ara, sikja Wenelesilnya be oboka glabameijaʾ heikek an beibnemak.

WAHYU 14:15

Wera onoʾ yok leronya be hnon, Imik Neyung e lomok ab gobdo dorogoka yibuk. Benera alda yeiriwoka bii aboka, ban debaʾ dubuk bulumoknya bek an, ”Soko ara hwiboka, yongowamen salek anasa, anja hlenaʾ parang salalamaʾ adya, or hlero yabamenekanya, or yongowonggalom!” wenyaboka lebok.

WAHYU 14:8

Dara onoʾ penenya lero hnon, men lero ek dolgounul yeindeboka lebokaʾ ara, ”Seleb malyinggil! Ban Babel heik senenggomaʾ ara, seleb malyinggil! Alda yok-yok mok nimi nidyaʾ ak, alja malya ulumokaʾ adya, Imik Neyung ak yu sen-sen anaʾ nenewoka, alja alak igina kwenaʾ ara, onoʾ sikenek nidyaʾ benewosuk ak ara, wera seleb malyinggil,” wenyaboka lebok.

WAHYU 16:13

Dara yu hwam unaʾ ganya winilya enyek, hyeiya anasoʾ ak hnon eibsa. Ban hyeiya era, naga bagaʾ edya si ak hnon, yu nongaʾ adya si ak hnon, sonda amba bobnenewoka len nang edya si ak hnon, goboka lanawok.

WAHYU 16:19

Dara ban naubaʾ soboka ulumek heik era joboka, winilya gebookanya, soko dubuk an nauba solomek heik eneba, soldowoka urub-urub hyok. An unuwok ara, hnonda Imik Neyung ara Babel heik amba, ganya bekokokanya, alsamba Imik Neyung adya yu sen-sen anaʾ anggur mek enyek memewoka elegok.

WAHYU 17:18

Hnonda ban eiblam gel gera, sokok sam an dub nang wenesin dub heik era al an,” wenyaboka neknyok.

WAHYU 17:5

Dara alja asok ok ara, yok si gunuwoka sin si nenyek momnya domek. Ban unu momnya domek si nera, ”Babel heik hyak senenggom nong heik era, nimi sokok an malya dangoka, salyaʾ dongon gelewa sikjaʾ genong genyaʾ!” wenyaboka webemek.

WAHYU 18:10

Anya onoʾ alja gwegoka unulamlyaʾ, hyak okna anyek, nuk doroweisilyek senewoka, mok seklemnemak. Dara sikda, Lok bar, Babel heik ara, hyak migib nong bok, alak igina dobokaʾ ara, hyak omom nong! Wera wene salek ok bok, anak igina kwenaʾ adya, seleb malya gebgel,” wenyaboka lebok.

WAHYU 18:21

Wera nen seleb dara, lero be hnon hyak senenggomnya bedya, nauba girik dam e girik enesoʾ ak, dobsalawoka, mek gwanek bobogol yabookanya lebokja, ”Babel heik nauba si sinaʾ heik era, ban anaso unu yeiriwoka boboganamlaʾ adya, hyak gobdo soldowanamlakanya, hnon saawoka eibnenggunumak.

WAHYU 5:2

Onoʾ hyak senenggom lero edya, ”Heknyek an sekbadya beknaʾ denenaʾ ara glokoka kerob buku era, alja baknamso geknenanya bera ulumla goma?” senenggomaʾ yuba saboka wenyal yabokaʾ ak eibsa.