RASUL 9:38 - PERJANJIAN BARU NALCA YUBA

³⁸ Yope heikek ara, Lida heik ab dara, hyak oka, mok gom anasa, Yesus yuba doboka Lida heikek ulumek nang edya Petrus bera Yope heikek ulumla an yuba kemek dara, ban wenyaboka e yorurum aboka, ”Men hyak berra aboka yalom,” aboka el bururum aboka penya nang orugusik.

RASUL 9:38 交叉參考

RASUL 10:5

”Anasa, wene salek enyek, nimi si Simon, hiboka dara Simon Petrus alameknya benyek, Yope heikek e yanok aboka nimek orugalom.

RASUL 10:8

Wera Kornelius bedya alak hekaʾ huboka lemok anyek nidyaʾ nekoka lebgogomok dara, Yope heikek bululum aboka orugosuk.

RASUL 11:13

Wera danyek, Kornelius bedya alak Imik Neyung bedya lero be hnonja alja ek sam sekoka alak sam lemok yub era nak anaso unuwanyok aboka, nimi ben hnon si ara Simon Petrus benyek Yope heikek ulumla anyek, e yanok aboka nim orugeisilom aboka nak wenyaboka lebnyok aboka nuk nekesuk.

RASUL 11:26

seleb eibdangerek dara, onoʾ Antiokhia heikek bobdanga yeiniboka, anyagan yuba donaʾ nim eb neikaʾ uboka, nimi nauba ak yuba leb elegoka, sikba yuba doboka ulumek salek era gibnaʾ hnonok gobdo lemok. Dara, ban Antiokhia heikek ab men youbuka, Yesus yuba doro diriga ban nang ek Kristen nang aboka si sib einimek.

RASUL 11:5

”Nara Yope heikek sam henga uboka mololamsa enyek, ononaʾ dib bo aawanyok ak eibsa. Dara al onoʾ ara akleng yuba dombadya gonggaragoka hnonok hiboka boksom akleng eneso ak, nara ulumsa ak sam imik ab ara doblinggemokaʾ ak eiyimsa.

RASUL 9:19

Wera Saulus bera denaʾ debgogowok dara, onsok migib umok. Dara, Saulus bera Yesus yuba doro diriga ban nang eblaboka neikaʾ Damsyik heik ara li wen mabek.

RASUL 9:32

Petrus bera yok-yok moka biniboka, Imik Neyung yuba doboka ulumek nim ek kemel giriklesuk. Dara ono yok sum enyek, Petrus bera Lida heik sam munaʾ Imik Neyung mab ek kemel bilisuk.

RASUL 9:36

Dara onoʾ Yope heikek ara gel hnon, alja si nera Tabita gek ulumok. Dara, alda Yesus ak dib senewoka domok gel ulumok. (Alja si nera Yunani yub adya dara, Dorkas alamek, nera nunja yub era bei busaʾ pam alamab.) Dara, gel gera perobnya nok unuwoka, bonaʾ garan ulumna nim ek arawoka ulusuk.

RASUL 9:42

Petrus bedya ban unuwoka hwemok yub era, Yope moka nidyaʾ oboka lelemok dara, anadya nimi nauba Wenelesilnya bek dib senemek.

RASUL 9:43

Wera Petrus bera anyagan mok goulunaʾ aklenga wilimoknya alja si nera Simon bedya ek li wenebadya neikaʾ maboka ulumek.