RASUL 7:32 - PERJANJIAN BARU NALCA YUBA

³² Nara anja neyung yab youmaʾ nang edya Imik Neyung ulumna e. Nara Abraham bedya, Ishak bedya, Yakub bedya, sikja Imik Neyung era nara alan ulumna e, hyok. Dara, Musa bera loka daboka ber-ber alamookanya, kemenaʾ loboka hogung lilibdangamok.

RASUL 7:32 交叉參考

MATIUS 17:6

Wera Yesus adya yuba doro diriga ban nang era, Imik Neyung adya Yesus ak wenyal yabok yub enyek kel yabeekanya, hyak loka daboka sik nonga gololong aboka sokok sam malyinggyik.

MATIUS 22:32

Nara Abraham bedya Imik Neyung ulumna, Ishak bedya Imik Neyung ulumna, Yakub bedya Imik Neyung ulumna. Wera, Imik Neyung ak dara, somoklomak nim edya Imik Neyung unggulumla. Alda nim embengaʾ ulumak nim edya Imik Neyung ulumla! wenyaro momnya dobok,” hyok.

MATIUS 22:46

Dara, nimi hnonok sibin anaba, Yesus ak yuba saaboka doro sabnenggubek. Anasa ban sum enyek ab moruwoka, Yesus ak ara, yokaʾ-yokaʾ hnon asaʾ ganya boboka heinggulumek.

LUKAS 5:8

Simon bera, anyek unumokaʾ ak eiyiboka, Yesus adyaʾ saramek koma lumugoka giboka, ”Wenelesilimnya o, nara malya unaʾanya ulumnaʾ anasa, nak anyeb lo bilom,” hyok.

RASUL 3:13

Orok, Abraham beb, Ishak beb, Yakub beb, nunja neyung yabo sikja giblemeknya Imik Neyung bedya, ban unumla adya alja me Yesus imik nenewal. Al Yesus anyek, ugunja dub nang ek oblulum aboka doboka elegel bililum. Pilatus bedya henga lobnunaʾ aboka ulumok bok, ugunja alja saramek ab wekdo dorogolum.

RASUL 7:31

Dara Musa alda nera hekaʾ do senewoka ganya loka daboka, nemen oka gelelinga biniboka keeboka borolomok enyek, Wenelesilnya Imik Neyung bedya yub era uk bokaʾ lomok ab uboka lemokja,

IBRANI 11:16

Bok wenera sikda hyak perob heik hnonok ok ubsibya senelemakaʾ ara, imik heik ok ulumla. Anasa Imik Neyung ara ban hnonok heik era siksamba meewoka solosilaʾ anasa, Imik Neyung ak ara sikja Imik Neyung aboka si silimneseng dara, alda alya dabnenggunumso.

WAHYU 1:17

Nara benyek eilil yabasa dara, na nong ara somoganya benesoʾ ak, aljaʾ yan berem glob lobsa. Bok aljaʾ sirik soruk era nak diyiwoka lebnyokaʾ ara, ”Anda lok ganya bonggom, mem. Nara men youboka ulusenya bera, onoʾ eimik sidyaʾ daknananya ulumna.