RASUL 5:15 - PERJANJIAN BARU NALCA YUBA

¹⁵ Dara, yokaʾ-yokaʾ hyak senenggomaʾ anaba dib dangalamok wek adya, nimi neiklamna nim era ekla manaʾ ak dubuk gom, esonaʾ yanganaʾ ak gom, mayiwoka pikik nimi yabalamna ak bo beil balamek. Wera, Petrus be yabelya dara, alja ganya yamaʾ edya hnon nim ek dara, bebegeisilya dara, merewanok senewoka unulumek.

RASUL 5:15 交叉參考

MATIUS 14:36

Anya sikja, neyung o, nun dam nang anja akleng ek sam mekaʾ bebegananjab dara, merewanamab aboka Yesus ak molowek. Dara, nimi neiklemek nimi nidyaʾ ara, Yesus adya akleng ek bebegemek dara, sikda merewek.

MARKUS 6:55

Dara mok soko enyek an nim era, neiklemek nimi mok soko me nidyaʾ yeiriwoka eboka, Yesus ak bo yanggek. Wera onoʾ kebna enyek, Yesus ara wera anyagan ul yabel hen dara, wene salek neiknaʾ nim era, esonaʾ adya yangawoka Yesus ak bo yalamek.

YOHANES 14:12

”Heknedya nak dib senewanenel dara, nadya welemsa wa nera, alba unuru welemnamla. Dara, nara Neyung bek binimnaʾ anasa, alda nauba so welemnamla asinaʾ ara, dib lemna.

RASUL 28:9

Paulus bedya ban unuwoka hwemok anyek nim okoka eiyiwoka, mek dubuk sokok an neiklemek nim era, Paulus bek yalamek dara, Paulus bedya sikenek meriyisuk.

RASUL 5:16

Dara, Yerusalem moka heik berem ulumok heik nim gong era, sikja neiknaʾ nang boboka nauba mamaklemek. Dara, neiklamna nim eb, bisaʾ gologosin nim eb, hwebsinok aboka bo yalamek dara, nidyaʾ meriyiwoka hwelesik.