RASUL 4:1 - PERJANJIAN BARU NALCA YUBA

¹ Wera, Petrus beb Yohanes be, nimi yok nim ek anam yuba salarek salek, Yahudi Imik Neyung yuba donaʾ gak nang eb, Imik Neyung ek keeboka diri ulumek nang dubnya eb, Saduki nim eb, Petrus Yohanes ak yeilimek.

RASUL 4:1 交叉參考

MATIUS 16:12

Wera danyek, Yesus adya yuba doro diriga ban nang era, roti gwanenga werelemak welenaʾ ek lenggulumok bok, alda Parisi nim eb, Saduki nim eb dadya sikja neknaʾ enesa lelemlaʾ ak senewoka ella dek.

MATIUS 22:16

Anasa Parisi nim era, sikja yuba doro diriga ban nang hnon, Herodes bek sam ab nim hnon, Yesus ak sam bokek. Dara nim enedya Yesus ak, ”Neyung neklesilimnya o, neyung aldib ok unululamaʾ ara numba ella ulenjab. Neyung anda yuba neklesilim dara, nimi hogung ak keeboka neknenggulusilimikanya, yok nim edya perob seinilimaknya nera loboka, alda Imik Neyung adya senelamlaʾ anyek ok neklesilimaʾ anasa, pelelam.

MATIUS 27:20

Bok Imik Neyung yuba wa gakaʾ dub nang eb, Yahudi soko dub nang eb dadya, yok nim ek dukaʾ lolowoka, Barabas bek dara nunsamba henga lob lobnesilem, alda Yesus ak dara, dibaʾ oboka gal ak glabnemak henelum aboka yeiriwoka lelemek.

MATIUS 27:41

Anasonya neneba, Imik Neyung yuba wa gakaʾ dub nang eb, yuba neksin nang eb, Yahudi dub nang eb dadyaʾ anaba, alak wenyaboka walamekaʾ ara,

MATIUS 3:7

Parisi nim eb, Saduki nim eb, nimi Yohanes bek meka dabsululaʾ aboka yalamek. Bok Yohanes bedya kemelemok enyek, nang enyek yekaʾ ak eibuk dara sikenek, ”Ugunda hyak malya unaʾ hwam nim ek ululum! Ugunuk ara heknedya Imik Neyung adya obnesilaʾ ak sam ab dara, blebdanalum asuk do?

LUKAS 20:1

Yok sum enyek, Yesus ara Imik Neyung e eremek wekoka, Imik Neyung adyaʾ perob lero yanggan yuba nim ek lel eleklesuk enyek, Imik Neyung yuba wa gakaʾ dub nang eb, yuba neksin nang eb, Yahudi sokok dub nang eb dadya, Yesus ak yeiniboka,

LUKAS 22:4

Anasa wera Yudas bera alda biniboka yuba wa gakaʾ dub nang eb, Imik Neyung e bo diri ulumek nang eb, Yesus ara hekaʾ huboka obnelum aboka yuba dil binimok yuba saboka sunuwanobaʾ aboka byuk.

YOHANES 15:20

Wa wenanya bera, alja neyung bek ab imik so unggulumla seleb wenyamsaʾ ara, beklulum. Dara, sikda nak olonyek dara, ugumba olomnesak. Sikda nadya yuba kelenyek dara, ugumba ugunja yuba kelemnesak.

YOHANES 18:3

Dara, Yudas bera orowek ella ulumok bok adya, Yahudi yuba wa gakaʾ dub nang eb, Parisi nang eb dadya, orugusik Imik Neyung e diri ulumek nang eb, Romawi yin bonaʾ nang eb dara, yin ab, wesaʾ ab, doluknaʾ gamaʾ ab, boboka Yudas be we mengelemok pik yeilimek.

RASUL 4:6

Dara, sikda Yahudi nang Imik Neyung yuba wa gakaʾ dubnya Hanas beb, Kayafas beb, Yohanes be hnon, Aleksander beb, Hanas al nang yilaʾ nidyaʾ ara, mamagomek.

RASUL 5:17

Wera ban unubgiga balamek adya, Yahudi yuba wa gakaʾ dubnya beb, alak sikja aralamek nang nidyaʾ eb, nera Saduki nim edya, men Imik Neyung yuba domek nim ek hmana leboka yok so unuwanob senemek.

RASUL 5:24

Dara, Imik Neyung ek keeboka diri ulumek nang dubnya beb, Yahudi yuba wa gakaʾ dub nang eb, unuwal aro bilimek enyek, seleb kemek dara, sikja ganya eboka, angoo hekaʾ hnon danamla do senewoka loka dasuk.

RASUL 5:26

Dara, diri ulumek nang dubnya beb, alak aralamek nang eb biniboka, Imik Neyung yuba doboka lelemek nim ek onsok bo yeilisik. Bok, sikda dukaʾ lolom-lolom anaʾ loboka, or namenaʾ bo yeilimek. Nera yeiriwoka henga goubuka ul yabibya dara, nimi nauba ulumak nim edya nuk girik adya obsijek aboka gelelenga namenaʾ bo yeilimek.

RASUL 6:12

Dara ban unuwoka, Yahudi yuba dam nang ek hnon, sikja yuba neksin nang ek hnon, nimi salyaʾ yok nim ek hnon, doblomek. Dara, sikda Stefanus bek henga goubuka, Yahudi yuba sanaʾ gak nang ek bo bilimek.

RASUL 6:7

Wera danyek, Imik Neyung yub ara, onoʾ mok soko oboka lelebgiga yabalamok. Dara, Yerusalem heikek ara, nim Imik Neyung yuba doro diriga ban nang era nauba danggiga balamookanya, onoʾ al Yahudi yuba wa gakaʾ dub nang nauba eneba, Yesus ak dib senewoka Imik Neyung yuba dib domek.