RASUL 28:8 - PERJANJIAN BARU NALCA YUBA

⁸ Ban salek enyek, Malta mok soko damnya Publius alja neyung bera hyak nauba saragenaʾ ber-ber anaʾ neiknaʾ salawoka diasa ab nauba ulumok. Dara Paulus bera naubenya neiknaʾ salamoknya bek kemel biniboka, alja nong eilibik soruka diyiwoka heng uboka mololomok enyek, naubenya bera seleb meremok.

RASUL 28:8 交叉參考

MATIUS 10:1

Dara onoʾ yok sum enyek, Yesus ara alja yuba doro diriga ban nang ek yoululum aboka ebmamagosuk. Anya sikenek bisaʾ yakoka, nimi nonga malya uboka neiknaʾ salalesuknya hwen damba migib elegosuk.

MATIUS 10:8

Anya neiklemeija nimi hwelemnelum, somogomeija nim embengaʾ suboka bukillilemnelum, nimi bokaʾ malya ulusil neiknaʾ delesilya nimi bokaʾ donaʾ elegoka bisaʾ gologesilinya nera yaklemnelum. Ugunda ban unulumakaʾ damok amba dara, deknenggublum, or salyaʾ dob loblum. Anasa ugumbabya deknaʾ loboka, or salyaʾ eleganalum.

MATIUS 12:13

Dara onoʾ Yesus ara soruka darasam heimoknya bek, ”Anja soruk nginigalom,” hyok. Wera bera soruk nginigok dara, darasam eik soruk enesoʾ anyek eikaʾ dok.

MATIUS 9:18

Wera Yesus ara anam wenyaboka lelesuk salek, nimi ben hnon Imik Neyung e bo ulumoknya Yesus ak yok. Bera Yesus adyaʾ saramek sam koma lumugoka lebokaʾ ara, ”Nadya gelma era wene salek hyak dib somogal. Bok neyung anda yeindeboka anja soruka salal yabamen enyek, merewanamlaʾ bar,” hyok.

MARKUS 16:18

sikda bagaʾ soruka salawoka, nimi somoknaʾ meka delemeijaʾ anaba, somoknaʾ damoka sikenek mekaʾ yanggunumla. Sikda nimi neiklemeijaʾ ak, soruka dililemeija enyek, neiklemeija nim era, gobdo merelemnemak,” wenyaboka lebsuk.

MARKUS 5:23

Anya alja Yesus ak, ”Neyung o, nadyaʾ mek gelma era, hyak dubhin daknunaʾ aboka ulumlaʾ anasa, nadyaʾ ek yeiniboka, anya soruk al eilib dibmen enyek merewoka eikaʾ ulululaʾ aboka yalom,” wenyaboka yeiriwoka molowok.

MARKUS 6:5

Wera ban heik enyek anara, Yesus ara, yokaʾ senenggomaʾ lok soʾ migib ununaʾ ara hnon unuwanggubuk bok, alda neiknaʾ nimi wene nim ok, alja soruka sikenek salawoka hwebsuk.

MARKUS 7:32

Dara anyaganera, nimi be hnon o ounugoka yuba pe sanggulumoknya bek bo yeekanya, soruka diyiboka hweblulaʾ aboka, molowek.

LUKAS 13:13

Dara Yesus adya gel genyek soruka dibok dara, wene salek enyek, gel gera jongaʾ sekoka, Imik Neyung ak giblemok.

LUKAS 4:40

Wera sin dangoka henga wekel bok salek era, nimi yok-yok neiknaʾ salalemoknya nera, alak bo yalamek. Dara alja soruka sik eilib yok-yok diyiboka, sikenek hwelesuk.

RASUL 28:7

Dara Paulus bek bagaʾ si samok soko berem era, Malta moko soko damnya Publius bedya soko ek ulumok. Wera soko damnya bedya nuk hyak perobaʾ leboka, nadya ek yanalum aboka doro diyiwoka li winilya unuwosuk.

RASUL 28:9

Paulus bedya ban unuwoka hwemok anyek nim okoka eiyiwoka, mek dubuk sokok an neiklemek nim era, Paulus bek yalamek dara, Paulus bedya sikenek meriyisuk.

RASUL 9:40

Petrus bedya anyagan engero bulumek nimi danyek, ugunda nidyaʾ goboka beiyik bululum aboka, albeyok anyagan koma lumugoka Imik Neyung ak heng uboka molomok. Wera Petrus bera Dorkas gedya beʾ gala gouboka beiyimek ak keeboka lemokja, ”Tabita o, anda buklom,” hyok. Dara, Dorkas gera henga gwelegoka kemelemok enyek, Petrus bek eiyimok dara, alda bukumok.

1 KORINTUS 12:28

Anasonya neikik, Imik Neyung yuba donaʾ nim emba dara, Imik Neyung adya orowek men ellaʾ gigiro gegewoka sekiyimok. Men Imik Neyung yuba lenaʾ gak nang, penenya nera ununumnaʾ len nang, winilinya nera neksin nang, dara sikda yokaʾ-yokaʾ migibaʾ unuro yabalemek nang, dara nimi merellisin damba hnon, yok aran damba hnon, yok nanga bo usin danasa hnon, onoʾ dagalongnaʾ ara, yok-yok yuba san damba hnon, sekiyisuk.

1 KORINTUS 12:9

Dara onoʾ al neik Geisinya bedya, dib senewolulaʾ aboka migibaʾ eleklamla. Onoʾ neik Geisinya bedya hnon nim ek, nimi merellisin migibaʾ damok eleklamla.