RASUL 24:25 - PERJANJIAN BARU NALCA YUBA

²⁵ Bok Paulus bedya jong unaʾ yub ab, ganya siklewoka unaʾ yub ab, eimik Imik Neyung adya nidyaʾ yana lelewanasil yuba lel yabok dara, Feliks dubnya bera hyak loka daboka Paulus bek, ”Wera nera anda seleb leblam anasa, anda or bimenekanya, onoʾ yok sum lebnesilim senewanamna salek enyek, el bululum henya dara, anak el yananjak,” hyok.

RASUL 24:25 交叉參考

MATIUS 22:5

Bok yub en beiyisuk nim edya danyek, yanamab senewanggumek. Sikda nidyaʾ ara sikja wa ganya dokol bilimek. Hnon nim era sikja wak sam bilimek, hnon nim era sikjaʾ bonaʾ memelamla ak sam wel bilimek.

YOHANES 16:8

Wera, Geisinya ben yalya dara, soko nim edya malya unaʾ ek hnon, pe unaʾ ak hnon, yana lelesinaʾ ak hnon, sikja seinilimakaʾ anyek, nenegom aboka, okoka neknesil.

RASUL 10:42

Yesus anyek, Imik Neyung adya aldib nimi nidyaʾ embengaʾ ulumak nim eb, seleb somogomek nim eb, yana lelesinaʾ anya sekiyiwok aboka, nimi yok nim ek perob lero yanggan yuba lero yabalemnelum aboka nuk orugosuk.

RASUL 17:13

Wera Yahudi nang edya Tesalonika heikek ab sam kelemek enyek, Paulus bera Berea heik Yesus yuba nim ek leboka unulamla an yuba kemek dara, sikbabya Berea heikek yeiniboka, nimi ganya soro-wara eiyiwoka, nimi nidyaʾ ganya ara yu neniyisik.

RASUL 17:2

Wera Paulus bera on ulumok so wek adya, alda Yahudi nang edya Imik Neyung ek byuk. Dara, Imik Neyung yuba momnya dobokaʾ anasa leboka, sikda neikaʾ ganya amomaʾ ubdangoka ulumek. Dara, Paulus bera ban unulumok salek ebaʾ moruwoka Sabat mem sum li winilya gobdo lemok.

RASUL 17:32

Atena nim edya Paulus bedya nimi somogoka embengaʾ subnaʾ yuba lelemok enyek, nimi hnon adya sondaʾ anasa lelemla aboka Paulus bek oksellilimek. Anya onoʾ hnon lelemekja, ”Nunda hnon kebnemab anasa, onnya nenyek hnon yok sum saawoka lebsilom,” aboka lelemek.

RASUL 2:37

Wera nimi nidyaʾ Petrus bedya wenyaboka lelemok anyek kemek dara, nimi nidyaʾ ganya soldowoka obdangamek. Dara, Petrus bek hnon, yok yuba lenaʾ gak nang ek hnon, ”Hemyab o, wera nunda hekaʾ huwanamab do?” aboka heisik.

RASUL 24:15

Dara onoʾ, sik Yahudi nang adya Imik Neyung unuwanamla senelemak sok, naba neikik eimik era nimi embengaʾ ulumek ara somogorob nim era suboka embengaʾ buknemak senelamna. Nenyek dara, or perob ok ulumak nanga hnon, malya unaʾ unulumak nanga hnon, unuwanasil ara nara dib senelamna.

RASUL 24:26

Feliks bedya nen wenhyok ok ab dara, alja dara, Paulus bedya eimik rupiah hnon eleganenel senewoka diri ulumok. Wera wen senen ganya bomok adya, wera Paulus bek henga geregemek bok, Feliks bedya nab neikaʾ yuba salamnanam anasa e yoululum aboka, liga gong oruklesuk.

RASUL 26:28

Danyek Agripa bedya Paulus bek lemok ara, ”Anja nak wene sab-sab Imik Neyung yuba doboka ganya dangawanamla senelenelem de?” hyok.

RASUL 9:6

Dara on yub adya Saulus bek, ”Wera anda bukmenekanya, heikek men berra wekel bilom. Seleb bimen danyek, anak eimik era yokaʾ-yokaʾ anja unuwanalam ara neknenjak,” hyok.

ROMA 12:1

Wera anasa hemyabo nim o, Imik Neyung adya angoo yadyek senewoka arasisinaʾ amba leboka, anedya ugunda ugunja nong enyek embengaʾ gebman, hyak pe yok munaʾ elegoka, an nenyek Imik Neyung ara pewanel senewanamlaʾ ara an anasa, nara ugunuk wenewanasin. Wera an nenyek ugunja eleknaʾ hyak pe eleklelumaʾ nong ara al an ulumla.

ROMA 14:12

Anasa, nunda yok-yok aljaʾ saramek sekoka, nara anasa-anasa unulamsa aboka al hogung ak laga wenyhenemab.

ROMA 2:16

Nadya perob lero yanggan yub lelemnaʾ sunuwoka, nimi ganya lomok yokaʾ-yokaʾ doknolomakaʾ ulusilaʾ nidyaʾ ara, Imik Neyung adya Kristus Yesus pik uboka yana lelewanesil sum era, banera unuwanamla.

1 KORINTUS 4:5

Anasa wera, ugunja men, bera malya ubla, bera pewal aboka, berra aboka yana leleldanggom. Alda diri ulumunaʾ ara Wenelelesilnya bedya yalyekanya, al adya yok-yok damoka nidyaʾ gunaʾ lomok sam doknolomlaʾ ara, poboka laga nenewanamla. Imik Neyung adya, onoʾ nimi ganya lomok mouboka seinilemaknya nera, laga nenewanamla. Ban sum enyek, nimi nidyaʾ ara, Imik Neyung adya sikenek unuro yana lelewoka gigiwanesil.

2 KORINTUS 5:10

Nunda nidyaʾ ara aldib Kristus adya yana lelewanasilaʾ ak sam bo beil binisil. Wera sokok an wen ulumab salek enyek, pe unulumabaʾ gom, malya unulumabaʾ gom ara, nunja unulumabaʾ sunuwoka deknesil.

2 KORINTUS 6:2

Imik Neyung yuba bukuk ara, Imik Neyung adya, ”Nadya sumen arawanenggen senemsa sum era anja molonaʾ era, seleb kebgesa, nadya blebnamna senemsa sum era, anak aranggesa,” aro lebok. Onoʾ hnon lebokaʾ ara, ”Wera sumen era, arawanenggen senelamna sum dal. Wera sumen era, blebnesin senelamna sum ulumla,” aro lebok.

GALATIA 3:22

Bok, Imik Neyung yuba momnya dobokaʾ adya eleganesin amokaʾ ara, sikja Yesus Kristus ak dib senelemak nim ek elegosululaʾ aboka, Imik Neyung yub adya, nimi nidyaʾ ara, malya unaʾ lomok gobdo ulumak aboka, deneblebsuk.

GALATIA 5:23

ganya sokok neneldanaʾ ganya hnon, pe keeboka diri uldan ganya hnon, ulumla. Yok-yok unuwanalum an yub edya dara, ban ganya danyek boboka unaʾ ara, hnon mem anggulumla.

2 TIMOTIUS 4:1

Yesus Kristus ara sokok an eikaʾ ulumak nimi hnon, somoklomak nimi hnon, yana lelewosununaʾ aboka yanamla. Dara, alda laga danamlakanya, alda dubnya dangoka wenelemnesilnya nenesa leboka, Imik Neyung saramek sam hnon, Yesus Kristus saramek hnon, ban nenyek unululomaʾ aboka molowagenaʾ ara,

TITUS 1:8

Dara onoʾ, alja ek sam nimi yalamak dara, perobaʾ leboka doro diyiwoka, alda perob unaʾ anyek perob senelelanya benyek, ganya siklewoka diri ubdangoka, pelelanya benyek, geisa ganya boboka, yamal longgululanya bek ululul.

IBRANI 12:21

Dara banyek kemenaʾ ara hyak lok nong anasa Musa bera wenhyok, ”Nara hyak nauba lok nonga dabnelekanya, ber-ber alanel,” hyok.

IBRANI 3:13

Bok, ugun gangganek ara, sondaʾ damok malya unaʾ adya nimi ben hnon alja ganya gasa darawalyek anasa, ugunda nimi ben hnonja hnonnya bek, sumen or anam alalum salek era, ugunda li sobaʾ pe wenewoka unuldalalulum.

IBRANI 4:1

Wera anasa, an Imik Neyung adya dek-deka sonaʾ ak weknelum hyokaʾ ara, anam or ululabok anasa, nim ugun gangganek ara ben hnon weknenggublyek anasa, hyak pe diri uldalamnemab.

IBRANI 6:2

mek danaʾ yuba hnon, nimi soruka diyiwoka heng ubokaʾ len yuba hnon, somogamna nimi suboka embengaʾ bunaʾ yuba hnon, igina yakaʾ ubmoruwanesil yuba hnon, nenyek egomnaʾ dibaʾ saawoka iknenggulumnamab.

IBRANI 9:27

Imik Neyung adya nim ara lika hnonok somoganamlaʾ seleb dara, eimik yana lelewanamna aboka seleb orowek garawok.

YAKOBUS 2:19

Ugunda Imik Neyung ara al hnonok ulumla senewoka dib senelelum gom? Nera onoʾ bisaʾ anaba alba dib senewoka, lok anasa ber-ber alamla.

1 PETRUS 3:15

Bok ugunja ganya lomok ara, Kristus ara nunjaʾ Wenelesilnya ulusululaʾ aboka dibaʾ memaʾ nenewoululum. Ugunja Imik Neyung adya eimik era anyek eleganesilaʾ dobnemab senewoka diri ululumaʾ anyek, yok nim edya ugunuk heibnesak dara, nunda anasa ulumab aboka orowek seinibgoboka pe neknelum.

2 PETRUS 1:6

Dara, ugunda geremseng nang uboka, hnonda ugun nong anyek pe diri uldalalulum. Dara onoʾ pe diri uldalamunuk ab dara, yokaʾ-yokaʾ lanawanamlya sum enesa leboka, ugun nong ara ganya migibaʾ gebdangoka pe ubmoruwanob senen ulululum. Onoʾ ganya migibaʾ gebdangoka pe ulmorulumunuk ab dara, Imik Neyung adya anaso ubseng senelamlaʾ sunuwoka ulululum.

1 YOHANES 3:10

Anara Imik Neyung mab ulumak, nenera Iblis mab ulumakaʾ aboka, beknaʾ damoka ella dangalamabaʾ ara ban adya. Heknedya Imik Neyung seinilamlaʾ ak ununggulumla gom, al kab ek wanaʾ unggulumla gom dara, wera bera alda Imik Neyung alja me unggulumlaʾ ara an.

1 YOHANES 3:7

Najabo yab o, yok nim edya ugunuk malya ub elegosunuk senewoka, ugun moumen sene pika yaraldanggom mem. Kristus adya pe unulamla sok, onoʾ perob ok unulumak nim era, perobaʾ nenelamla nim era an.