RASUL 21:37 - PERJANJIAN BARU NALCA YUBA

³⁷ Dara wera, Paulus bera yin bonaʾ nang adya sikja gasa ek bo weknunaʾ ul yabok salek, Paulus bedya senenggom yin bonaʾ dubnya bek, ”Or nara anablaboka mek yuba sabnenam gom?” aboka heimok. Dara yin bonaʾ dubnya bedya, ”Anda Yunani yub ara ellaʾ salalam gom?” aboka heimok.

RASUL 21:37 交叉參考

LUKAS 21:15

Ugunjaʾ isaʾ nang edya, ugunuk malya nenewoka obneboka, ugunja lebnemun yub era sondaʾ amba lebak senen dalyek aboka, nadya ugunuk sabnemun yub eb, ella dangan geremseng eb eleganesin.

RASUL 19:30

Dara ban unulumek sum enyek, Paulus beneba sikenek lebsunun senewoka bunun senemok enyek, Epesus heikek sam Imik Neyung yuba doro diriga ban nang adya, anda banggom aboka lelemek anasa lomok.

RASUL 21:19

Wera Paulus sikenek seleb gibsuk dara, alda sikenek Imik Neyung al Paulus be pik uboka, yok sokok Yahudi gom nim ek sam yokaʾ-yokaʾ perobaʾ unulusukaʾ anyek laga nekesuk.

RASUL 21:34

Bok ban salek enyek anyagan ulumek nim edya dara, ”Paulus ben an hnon unulamla,” alamek dara, onoʾ hnon yok nim edya dara, ”Anyek hnon unulamla,” aboka lelemek. Wera sabsobuk-sabsobuk abdangoka lelemek adya, yin bonaʾ dubnya bera damok ara anyek senewoka elgom anasa, al adya dara, Paulus bek doboka bobmunukanya, yina bonaʾ nang ulumek ek bo bululum aboka orugosuk.

RASUL 22:24

Wera danyek yin bonaʾ dubnya bedya, ”Paulus bera ek bo binilumukanya, alak legebnaʾ adya oboka heibnelumukanya, hekasa Yahudi nang era alak anaso ebngalagoka lelemak do aboka ella danamab,” hyok.

RASUL 23:10

Wera hyak senenggomaʾ mala dibaʾ lanabdangoka oldal yibik dara, anyagan yin bonaʾ dubnya bedya dara, unuldeijekanya, Paulus bek giliwoka gal wabnaʾ geboka obijek aboka, yin bonaʾ nang hnon ak, Paulus be doboka bo bimunukanya, e lomok bo bululum aboka orugusuk.

RASUL 23:16

Bok Paulus bek unuro obnemab aboka gegel yabek anyek, Paulus ben eilibsal gedya me nedya kebok. Dara, al mam Paulus bera, al ulumok ek wekoka, ”Wera mam o, obnemab senelenjak,” wenyaboka nekdo bilimok.