RASUL 21:13 - PERJANJIAN BARU NALCA YUBA

¹³ Bok Paulus bedya lebok ara, ”Ugunda nenera hekasa engelelum adya, nadya ganya soldol meneklenulum do? lemok. Nara Yerusalem heikek ab salawoka henga gereganenok aboka ok bununaʾ aboka unggulumna. Alda Wenelesilnya Yesus si amba leboka somogonun aboka ulumna,” hyok.

RASUL 21:13 交叉參考

RASUL 20:24

Nara Imik Neyung adya nuk wana uboka aralesil perob lero yanggan yub enyek, laga lelemnesilim aboka elegenyok wa anyek, pe senenya loboka webdaknun senelamnaʾ adya, nadya nong ak dara, seininel danggulumna.

RASUL 20:37

Dara, Epesus nimi nidyaʾ ara, Paulus bek salab gweiliwoka giboka nauba engelemek.

RASUL 5:41

Dara, yuba doboka lelemek nang era, Yesus si amba leboka olosak, yokaʾ unulusak ara, perob aboka eiya daboka, yuba sanaʾ gak nang ek ab goboka bilimek.

RASUL 9:16

Dara nadya eimik era, Saulus bek nasamba leboka alak yokaʾ-yokaʾ nidyaʾ igina kwebnamla anyek elegoka aawanamna anasa, or bilom,” hyok.

1 KORINTUS 15:31

Nadya hemyab o, ugunja nunja Wenelesilnya Yesus Kristus ak seleb dib senelumaʾ anasa, perob senelamna sok, li sob-soba somoganesinya bok, or yeiriwoka wero yabalamna.

PILIPI 2:17

Nak dara, oboka dibnenyak dara, nadya eneng era ugunja Imik Neyung ak dib senelumaʾ adya, alak giboka perob eleknaʾ elegolumaʾ ak maknamna dara, nenesemba leboka Imik Neyung ak perob aboka giblamnakanya, nab ugunub perob senewanamab.

PILIPI 2:26

Alda ugunuk nidyaʾ berra eibsisinya ganya nauba bolomla, onoʾ alda hnon neiknaʾ salawok an yuba kelumaʾ anasa, igin ubsilyek aboka lok ganya bolomla.

KOLOSE 1:24

Anasa, nara wera ugunsamba leboka, igina dolomna dara, eiya dablenel. Wera, Kristus nong amba, alja yuba donaʾ nim emba leboka, alja nong enyek, igin kweboka buluk loboknya nera, nak an gigilamla.

2 TIMOTIUS 1:4

Nadya dara, ugunja ganya angwei senelelumaʾ ara seiniwoka mololesin. Ban nenesa leboka, nara anab hyak okoka eibdeisinimaʾ adya, nadya ganya hekneso senelamna.

2 TIMOTIUS 4:6

Nak anyagan ara, Imik Neyung amba somoganamna salek era, wera seleb oka dal. Maldabnaʾ loboka, mek anam soko enera lo binimna.

WAHYU 12:11

Dara nunja hemyab era, domba me eneng adya hnon, dib yub ak hnon, sikja laga lelemeknya nenedya, alak oblamagamek. Sikda sik nong anaba, or somogamnya anaba senewoka seleb unuru yabalamek nang.

WAHYU 3:10

Anda nadya yub ek dib senewoka pe siklewoka unululamaʾ anasa, nababya amba lunuwoka soko me nidyaʾ igina kwebnesil sum ek ab kemero ubnenggen. Ban unuwanamlaʾ ara soko nimi nidyaʾ ak sunuwanasil.”