RASUL 2:41 - PERJANJIAN BARU NALCA YUBA

⁴¹ Dara, Petrus bedya lelemok yub ek keboka dib senewoka domek nim ak meka dasik. Dara, nimi nidyaʾ ban sum Imik Neyung ak dib senewoka domek nim era hiboka denga salyeʾ obadya nang anaso, dangamek.

RASUL 2:41 交叉參考

YOHANES 14:12

”Heknedya nak dib senewanenel dara, nadya welemsa wa nera, alba unuru welemnamla. Dara, nara Neyung bek binimnaʾ anasa, alda nauba so welemnamla asinaʾ ara, dib lemna.

YOHANES 21:11

Wera, Simon Petrus bera mek ekla bunaʾ eilib welewoka, ikan akleng gliboka gemek bo beil yok. Nidyaʾ hadyaʾ ok deknero lomokaʾ adya, hadyaʾ nidyaʾ hiboka dara, denga hnab badya anaso ulumok bok, hadyaʾ oumaʾ akleng era hnon mekaʾ denewanggumok.

RASUL 1:15

Dara onoʾ yok sum enyek, yuba dolomek nim era, hiboka denga dombadya ebdobnya lindigin badya (seratus dua puluh orang) longomek dara, Petrus bedya yuba lebnun aboka sekoka yuba lemokja,

RASUL 13:48

Yahudi gom nim era, Paulus bedya ban wenyaboka lelemok anyek kemek dara, eiya uboka, Imik Neyung yub ak gigiwoka eiya hlalamek. Wera onoʾ, Imik Neyung adya embengaʾ unaʾ dobnemak senewoka orowek seiniwoka gegemok nimi nidyaʾ era, Imik Neyung yub ak dib senewoka domek.

RASUL 2:37

Wera nimi nidyaʾ Petrus bedya wenyaboka lelemok anyek kemek dara, nimi nidyaʾ ganya soldowoka obdangamek. Dara, Petrus bek hnon, yok yuba lenaʾ gak nang ek hnon, ”Hemyab o, wera nunda hekaʾ huwanamab do?” aboka heisik.

RASUL 2:47

Sikda hyak sobaʾ Imik Neyung ak giblemeekanya, nimi nidyaʾ sikenek perob senelesik. Dara, Wenelesilnya bedya yuba don nim ek yok bleblesuk nimi sob-sobaʾ sikenek bo maklesuk.

RASUL 27:37

Nunda nidyaʾ neik mek ekla bunaʾ ak ulumouba nang era hiboka dara, denga sagobadya uboka ebdobnya nera hnabbadya nim ulumouba.

RASUL 3:23

Wera anasa, ben hnon ban senenggom ununumnaʾ lenya bedya yuba pe kebnenggunulanya bera, alja heik nimi hogunguk ab garawoka orok nenewanamla, wenyaboka Musa bedya lebok.

RASUL 4:4

Bok, nimi nauba, sikja lelesirek yuba kemek nang era, dib senemek. Dara, sik Imik Neyung yuba dib senemek nim era, hiboka denga salyaʾ lambadya nang (lima ribu orang) dangamok.

RASUL 7:14

Wera danyek, Yusuf bedya alja neyung Yakub bek, neyung anja mab ek nidyaʾ Mesir sokok yoululum aboka yuba beiyimok dara, wera Yakub mabo silibaʾ ara Kanaan sokok abaʾ ara Mesir sokok nimi denga penya ebdobnya sekdigin nang yibilimek.

ROMA 13:1

Imik Neyung bek ab gom mok soko dub nang era hnon unggulumak anasa, nimi yok-yok aljaʾ imik uboka wa bolomak mok soko dub nang ek ara hyak pe kelelulum. Dara an wen ulumak mok soko dub nang era, Imik Neyung adya memewoka sekeldilisil.

1 TESALONIKA 1:6

Ugunda Imik Neyung adya ununaʾ hnon, nunja ununaʾ hnon diligaʾ doboka ululum. Ugunda hyak yokaʾ-yokaʾ adya geregoka igina nauba kwelesuk bok, nunja perob lero yanggan yuba ugunuk lero youb dara, perob ganya boboka eiyasaʾ dolum. Dara ban ei-ei ganya ara Imik Neyung Geisinya adya anara elegousuk.

1 PETRUS 3:20

Nera Nuh be ulumok salek, Imik Neyung ak keboka ununggulumek nim ek lel elegel byuk. Ban salek era Nuh bera anam mek ekla bunaʾ e solomok dara, Imik Neyung ara or siklewoka diri ulumokaʾ ara, seleb sobdakok sum era, nimi nidyaʾ seleb gobdo somogek bok, nimi linbadya nim ok blebsuk.

WAHYU 16:3

Onoʾ penenya lero era bindewoka, alja bomoknya nera, mek gwan eili yekok. An unuwok enyek, mek gwan ara, somogamna nim edya eneng enesoʾ ok dookanya, yokaʾ-yokaʾ mek gwanek uru yabalamlaʾ nidyaʾ ara somogok.