RASUL 17:4 - PERJANJIAN BARU NALCA YUBA

⁴ Wera, Yahudi nimi wene nang yuba dib senewoka, Paulus Silas ak sam makal balamek. Anasonya neikik, Imik Neyung bek lok ganya bolomek Yunani nimi nauba hnon unulumek. Dara wera, onoʾ mengewoka dub ulumek gelewa gong hnon makoka ulumek.

RASUL 17:4 交叉參考

YOHANES 7:35

Dara, Yahudi nim sik moumen heibdangoka lelemekja, ”Na binyaʾ ak ara ugunda eiyiboka yanggunusom alasil dara, hekaʾ huboka eibnenggunusibyaʾ anasa lelemla do? Gom, Yahudi nim enyek, Yunani nim eblaboka mok sam soboka ulumak nim ek biniboka, Yunani nim ek neklesununaʾ aboka lelemla gom?

RASUL 13:43

Wera nimi nidyaʾ Yahudi nim edya yuba don ek longomek nang era gobek dara, Barnabas beb, Paulus beb barek pik, Yahudi nang eb, Yahudi nanga yokaʾ gom bok Yahudi Imik Neyung yuba dolomek nang eb dara, sikenek dobgiga bilisik. Dara, Barnabas Paulus adya ugunda hyak Imik Neyung adya wanaʾ uboka eleksinaʾ lomok sam pe ulmorulumnalum aboka, wenyaboka wenewoka lesirik.

RASUL 13:50

Bok, anyagan heik yokaʾ senenggom dub nang eb, Imik Neyung ak lok ganya boboka ulumek dub gelewa eb dara, sikenek Yahudi nang edya wenyaro doblesik. Wera danyek, sikda Barnabas Paulus ak isaʾ nang geboka oboka, ugun penya dara, nunja ak sam ab lo binirum aboka waboka yakasik.

RASUL 14:1

Wera Paulus beb, Barnabas beb, Ikonium heikek anaba Antiokhia heikek ulumok sok neik diligaʾ domok. Paulus beb, Barnabas beb dara, Yahudi nim edya yuba don ek biniboka, hyak pe sunuwoka Imik Neyung yuba lerek adya, Yahudi nimi yokaʾ ab, Yahudi gom nim eb, Yesus ak dib senewoka doromek.

RASUL 14:4

Bok, heik enyegan nimi sik moumen dukaʾ lolowoka bokdangoka, hnonda Yahudi nang ek sam bokoka makal balamek dara, hnonda Imik Neyung yuba lenaʾ gak nang ek sam mamagel bilimek.

RASUL 15:22

Dara, Imik Neyung yuba lenaʾ gak nang eb, yuba dam nang eb, nidyaʾ Imik Neyung yuba donaʾ nim eb, mamagoka yuba saboka nimi wenen nang Barnabas Paulus ab neikaʾ Antiokhia heikek binok aboka bokol binimab aboka lemek. Dara, sikda yuba saboka, Silas beb, Yudas bok yok si nera Barsabas alameknya beblaboka, neikaʾ bokol bilisik. Dara ban penya nang dara, Imik Neyung mab adya sikenek hyak perob senesik nang ek sekiyisik.

RASUL 15:27

Anasa wera, nunda Silas beb Yudas beb, ugunuk bokol yasab. Dara onoʾ, sik penya nang enedya anyagan momnya domab yub era, yuba sibamaʾ adya ok ab pe lebnesirik.

RASUL 15:32

Wera Yudas beb Silas beb dara, Antiokhia heik ubdaboka, al sik nong ara ununumnaʾ len nang ulurek adya wera, Antiokhia heik sikja hemyab ek ganya migib geboka, onoʾ pe wenewoka pe ululum aboka ganya kayiwoka lelesirik.

RASUL 15:40

Bok, Paulus bera alda Silas bek doboka boboka dara, Antiokhia heik Imik Neyung mab adya Wenelesilnya bedya wanaʾ uboka eleksinaʾ ak sam lobonggesik dara, Imik Neyung yuba lebgiga birik.

RASUL 16:3

Wera anyek eiyiwoka, Paulus bedya dara, nab neikik bininam aboka, Timotius bedya bolaʾ garamok. Ban unumoknya nera damok ara, anyagan Yahudi nang ulumeekanya, nidyaʾ ara Timotius alja neyung bera Yunani nang ulumla senelemek anasa umok.

RASUL 17:10

Dara al unuweisik sum inimnek enyek, Tesalonika heikek nim edya Paulus beb Silas bebdak, ugunda Berea heikek sam binirum aboka orugeisik. Wera Paulus Silas ara, seleb Berea heikek birik dara, Yahudi nim edya yuba don ek sam bilirek.

RASUL 17:12

Dara, Berea Yahudi nim era hyak nauba Yesus ak dib senewoka domek dara, wera Yunani nanga nong ak dara, men mengewoka dub dangoka gelewa hnon, nengmab anababya, nauba Imik Neyung ak dib senemek.

RASUL 17:14

Dara wene sab-sab enyek berra aboka, Berea heikek Imik Neyung mab adya, Paulus bek senenggom mek gwan gemek or bulul aboka orugomek. Bok alda Silas beb, Timotius beb danyek ok, heik enyegan or loboka ulurek.

RASUL 17:17

Anasa wera, Paulus bera Yahudi nim edya yuba don ek sam Imik Neyung bek lok ganya bolomek Yahudi gom nang eb, anyagan Yahudi nang yokaʾ ulumek nang eb, ganya amomaʾ ubdangoka ulumek. Anasonya neikik onoʾ deknaʾ gasaʾ pik uro balamek nang eblaboka Paulus bera sob-sobaʾ neikaʾ pe ganya amomaʾ ubdangoka uro balamok.

RASUL 17:34

Bok, sik gangganek ara nimi hnon nang era bokoka Paulus bek sam mala doboka, sikda Yesus ak dib senemek. Ara men unumek nang era hnonda, Dionisius bera alda Areopagus meinik sam longomekaʾ dubnya bera an, gel si hnon Damaris gen hnon uboka, onoʾ yok nanga hnon anaso unumek.

RASUL 18:4

Bok Paulus Sabat mem sum hen dara, wa welemna ara loboka, Yahudi nim edya yuba don ek sam biniboka, sikenek hnon onoʾ Yunani nang ek hnon, nidyaʾ Yesus ak dib senewoka dobnok aboka yuba dukaʾ saawoka lel eleklesuk.

RASUL 19:10

Paulus bera ban unuwoka unulumok salek era, gibnaʾ penya gobdo lemok dara, Yahudi nang yokaʾ babya, onoʾ Yahudi gom nang eneba, nidyaʾ sikda Asia moka ulumeknya nera, gobdo Yesus yuba nidyaʾ kemek.

RASUL 2:44

Nimi nidyaʾ Imik Neyung ak men dib senewoka domek nim era, neikaʾ ganya hnonok ganya boboka, sikja yokaʾ-yokaʾ bonaʾ ulumok ara, neikaʾ hiboka bolomek.

RASUL 21:28

wenyamek, ”Wei Israeli nim o, aral yousululum o. Wera benedya nidyaʾ yok-yok mok soko biniboka, nunja mok nang ek malya nenesinaʾ damoka neklesilnya bera an. Hnonda Musa bedya unuwanalum an yub ek blekoka, onoʾ Wenelesilnya bedya ek malya e aboka bleklelanya bera alan. Anya onoʾ Yunani nang en Paulus bedya Imik Neyung adya geisa ek an aboka bo yalamla anasa, malya ullilimla hnon,” aboka lelemek.

RASUL 28:24

Wera Yahudi nang edya dara, hnon darasam nang era sondaʾ lelemla senewoka dib senewanggumek dara, hnon nang era dib senewoka ganya ologomek.

RASUL 4:23

Petrus beb, Yohanes beb, seleb henga lob lobsik dara, ek biniboka yok yuba domek nim ek, sikenek Yahudi yuba wa gakaʾ dub nang eb, yuba dam nang eb dadya, ugunda wen yokaʾ-yokaʾ unuwanggunurum mem aboka lemekaʾ nidyaʾ ara, sikja hemyab ek nekdo bilirek.

2 KORINTUS 8:5

Nunja dara, anasoʾ ak eleganemak senewanggumoubnya nenyek unumek. Sikda Imik Neyung adya seinilamlaʾ sok, men dara, sik nong anyek Imik Neyung ak elegekjok, onoʾ nuk hnon sik nong elegeisik dara, yok aranaʾ era elegemek.