RASUL 16:33 - PERJANJIAN BARU NALCA YUBA

³³ Dara, al neik inimnek enyek, wera nimi henga gereksinaʾ dubnya bera, Paulus Silas ak doboka bo biniboka sikja eneng menengaʾ mek elegoka ubsuk. Dara, al dubnya beb, alja ek nimi nidyaʾ eb, wene salek enyek meka dabsik.

RASUL 16:33 交叉參考

MATIUS 3:6

Anya, sikja malya unaʾ eib kweboka laga lelemek dara, Yohanes bedya Yordan mek ek dalasuk.

LUKAS 19:9

Dara onoʾ Yesus adya alak, ”Beneba Abraham nang yilaʾ ak anasa, sumen nong ak, e nenyek an Imik Neyung adya blebsilikanya, wenyek dib embengaʾ unaʾ elegeisil.

RASUL 16:15

Wera dara, Lidia geb alja ek nimi nidyaʾ meka dasik. Seleb Lidia gera meka dabgogomek dara, alda nuk nadya ek sam yanalum aboka e bilisuk. ”Hem yab o, ugunja nak alda Imik Neyung pik uboka Yesus ak dib domla senemun dara, wera ugunda nadya ek sam mabnelum,” aboka e bilisuk. Dara, alja nadya pe keboka unuwanok, lobijek senewoka dukaʾ lolom-lolom asukaʾ adya, yo amouba.

RASUL 16:23

Wera hyak nauba saboka obgogosik seleb dara, nimi henga gasa gobuka beilisin ek sam bobonggosik. Dara, nimi henga gereksinaʾ dubnya bek, ”Anda hyak pe yeiriwoka welesilom,” aboka orugumek.

RASUL 16:25

Wera inimnek dukdukanek enyek, Paulus beb Silas beb dara, Imik Neyung ak heng uboka molowoka, bera seboka giboka lelerek. Dara onoʾ yok anyagan henga geregoka beiyisik nang era sikenek kero ulumek.

RASUL 16:32

Wera, Paulus beb Silas beb adya, Wenelesilnya yub enyek, nimi henga gereksinaʾ dubnya bek hnon, nimi nidyaʾ al alja ek ulumek nimek leb elegesirik.

1 KORINTUS 1:16

Yo, hnon ban, Stefanus beb alja ek nim eb danyek hnon, nadya okoka meka dabsisa. Bok yoknya nek dara, nadya hnon meka damsaʾ ara an senewoka beknenggulumna.

GALATIA 5:13

Nadyaʾ hemyabo nim o, ugunda henga lob lomnaʾ anasoʾ ak ulululumaʾ aboka, Kristus ara ugunuk youbsuk. Ugunuk an lobsukaʾ ara, an unuwosukaʾ adya nunda yokaʾ-yokaʾ ak dara, ganya oka denaʾ adya salyaʾ lelem unulunok senenaʾ ara loboka, alda wanaʾ ubdangoka ugun moumen araldalalulum.

GALATIA 5:6

Nimi Kristus Yesus lomok ulumak nim era, bolaʾ garalamakaʾ, orokaʾ ara, hnon dib nong ak unggulumla. Alda dib senenaʾ ara, wanaʾ unaʾ adya welemla dara, nenyek dib nong ara an.

1 PETRUS 3:21

Ban youmaʾ unumokaʾ ara, sununaʾ dibaʾ ara wen an ugun blebsinaʾ damok ara, meka dalasak an. Ban meka dalasakaʾ adya, ugunja malya unaʾ ganya lomok ulusilaʾ nidyaʾ anyek doboka boloknenggulusak, alda ugunja Imik Neyung ak nara eimik saawoka hnon malya ub sounuwanggunumna, anya nenesa beknaʾ dibaʾ meka dalasak. Mek danaʾ adya nimi bleblesilnya nera, Yesus Kristus anyek malya unaʾ ak sam ab seleb somogoka suboka welewokaʾ adya ok bleblesil.