RASUL 16:25 - PERJANJIAN BARU NALCA YUBA

²⁵ Wera inimnek dukdukanek enyek, Paulus beb Silas beb dara, Imik Neyung ak heng uboka molowoka, bera seboka giboka lelerek. Dara onoʾ yok anyagan henga geregoka beiyisik nang era sikenek kero ulumek.

RASUL 16:25 交叉參考

LUKAS 22:44

Yesus ara alda ganya ak nauba igina berewoka gweklemokaʾ anasa, alda hyak ganya dib beiliwoka nauba Imik Neyung ak mololomok. Dara hwin ara eneng anasoʾ anyek sokok sam debom-deboma belega yanggalamok.

RASUL 15:22

Dara, Imik Neyung yuba lenaʾ gak nang eb, yuba dam nang eb, nidyaʾ Imik Neyung yuba donaʾ nim eb, mamagoka yuba saboka nimi wenen nang Barnabas Paulus ab neikaʾ Antiokhia heikek binok aboka bokol binimab aboka lemek. Dara, sikda yuba saboka, Silas beb, Yudas bok yok si nera Barsabas alameknya beblaboka, neikaʾ bokol bilisik. Dara ban penya nang dara, Imik Neyung mab adya sikenek hyak perob senesik nang ek sekiyisik.

RASUL 16:19

Dara, gel dam nang edya, ek wa weboka ununumnaʾ lelemla adya rupiah nauba dolomab bok denghelaʾ senemek dara, sikda Paulus beb, Silas beb salawoka, deknaʾ gasaʾ ak sam gliboka bo biniboka henga geregoka dub nang ek sam bo bilimek.

RASUL 16:33

Dara, al neik inimnek enyek, wera nimi henga gereksinaʾ dubnya bera, Paulus Silas ak doboka bo biniboka sikja eneng menengaʾ mek elegoka ubsuk. Dara, al dubnya beb, alja ek nimi nidyaʾ eb, wene salek enyek meka dabsik.

RASUL 5:41

Dara, yuba doboka lelemek nang era, Yesus si amba leboka olosak, yokaʾ unulusak ara, perob aboka eiya daboka, yuba sanaʾ gak nang ek ab goboka bilimek.

ROMA 12:12

Ganya we unaʾ ak ara eiyasaʾ we ululom, mekaʾ gebsinaʾ ak ara or malye sobaʾanya senelelom, anya heng uboka molonaʾ ak dara, ganya ologoka sobaʾ molololom!

ROMA 5:3

Anya nenyek ok gom. Alda nunda ganya igina daboka unaʾ ara, ganya gouluwoka unaʾ damoka bo lanalamlaʾ ara, seleb ella ulumabaʾ anasa, nunda nunja ganya okna dablesilaʾ anaba bolboloklemab.

2 KORINTUS 6:10

Nunda igin ganya bolomab bok, onoʾ sobaʾ ei-ei ganya bolomab. Nuk bonaʾ garan ulumab bok, nunja yok nim ek ara bonaʾ dub nimi nenelemab. Nuk dara, yokaʾ-yokaʾ garan ulumak senen bok, hyak yokaʾ nauba ulusil nang ek ulumab. Dara ban yokaʾ-yokaʾ nidyaʾ ak, perob wa wen nang beknaʾ dangalasululaʾ aboka laga amalamab.

EPESUS 5:19

Alda ugun yuba saldalamunaʾ ak ara, Mazmur bera hnon, Imik Neyung ak gibna bera hnon, yok-yok Imik Neyung bera hnon, seblemnelum. Anya, ugun ganya lomok anaba, Wenelesilnya bemba seblemnelum.

PILIPI 2:17

Nak dara, oboka dibnenyak dara, nadya eneng era ugunja Imik Neyung ak dib senelumaʾ adya, alak giboka perob eleknaʾ elegolumaʾ ak maknamna dara, nenesemba leboka Imik Neyung ak perob aboka giblamnakanya, nab ugunub perob senewanamab.

KOLOSE 1:24

Anasa, nara wera ugunsamba leboka, igina dolomna dara, eiya dablenel. Wera, Kristus nong amba, alja yuba donaʾ nim emba leboka, alja nong enyek, igin kweboka buluk loboknya nera, nak an gigilamla.

IBRANI 5:7

Yesus ara anam sokok an ulumok salek era, al nonga somoknaʾ ak ab blebnemoknya Imik Neyung bek, bii aboka engelemookanya, aralenelom aboka mololomok. Wera Imik Neyung ak hyak pe ganya sokok nenebdangoka giblemokaʾ adya, alja molonaʾ era Imik Neyung adya pe kelemok.

YAKOBUS 1:2

Hemyabo nim o, ugunuk yokaʾ-yokaʾ damok adya nauba sunulusil dara, ban ara perobaʾ ak ulusil senewoka pe eiya daboka ulululum.

YAKOBUS 5:13

Ugunda nimi ben hnon alda ganya ebnamla dara, men Imik Neyung ak molowolul. Nimi ben hnon alda perob ganya boblya dara, alda men Imik Neyung ak bera seboka giblelul.

1 PETRUS 4:14

Ugunda Kristus adya diriga ban nim ululumaʾ amba leboka yok nim edya walasak dara, wera anara Kristus adyaʾ Geisinya imik ululanya, Imik Neyung Geisinya bera ugunuk an seleb ulusil beknaʾ ulumlaʾ anasa, pe ululum.