RASUL 15:25 - PERJANJIAN BARU NALCA YUBA

²⁵ Anasa wera nenesa leboka, nunda anyagan ara yuba longowoka nauba saboka, wera perob or unuwanamab amabakanya, ugunuk sam nimi wenen nang bokol binimab aboka umab. Dara, ugunuk binilum hibya nang era, nunja wanaʾ ulusab nang Paulus beb, Barnabas beb yanggeirija dara, neikaʾ binok senewoka unumab.

RASUL 15:25 交叉參考

MATIUS 11:26

Ban unusulumaʾ ara, an dam nang orowek perob senelumaʾ adya unulum,” hyok.

LUKAS 1:3

Wera anasa, unulumoknya nidyaʾ ara, nadya anam men unub einimokaʾ abaʾ ara seleb pe lelewoka einiro yasakanya, nara neyung anak ban nidyaʾ ara pe yana lelewoka momnya doboka, beibgunun senewoka ulumna.

RASUL 1:14

Sikda nidyaʾ ganya hnonok hiboka, heng uboka Imik Neyung ak mololsinilimek. Dara, sikda gelewa nauba uboka, Yesus alja genong Maria geb, Yesus alja weisab eb, neikaʾ longowoka heng uboka lelemek.

RASUL 15:2

Bok Paulus beb, Barnabas beb dadya dara, nera sondaʾ lelelum aboka dogom aboka dukaʾ lolom-lolom aboka lelemek. Wenyabdanggiga balameekanya, wera Paulus beb, Barnabas beb, Antiokhia heikek Imik Neyung yuba dib domek nang eb, Yerusalem heikek bindiwoka Imik Neyung yuba lenaʾ gak nang eb, yuba dam nang eb, ban yub enyek sal binimab aboka, lebdangamek.

RASUL 15:22

Dara, Imik Neyung yuba lenaʾ gak nang eb, yuba dam nang eb, nidyaʾ Imik Neyung yuba donaʾ nim eb, mamagoka yuba saboka nimi wenen nang Barnabas Paulus ab neikaʾ Antiokhia heikek binok aboka bokol binimab aboka lemek. Dara, sikda yuba saboka, Silas beb, Yudas bok yok si nera Barsabas alameknya beblaboka, neikaʾ bokol bilisik. Dara ban penya nang dara, Imik Neyung mab adya sikenek hyak perob senesik nang ek sekiyisik.

RASUL 15:35

Dara onoʾ Paulus beb, Barnabas beb danaba, Antiokhia heikek sam uldablerek. Dara, sikda Antiokhia heikek sam ulumek Imik Neyung mabo nauba ab, hiboka Wenelesilnya bedya yuba nauba wenewoka lel eleklemek.

RASUL 15:6

Dara, yuba lenaʾ gak nang eb, yuba dam nang eb, ban yub enesa longowoka sabnob aboka longomek.

RASUL 2:1

Wera, Yahudi nim perob sum Pentakosta seleb oka yenemok dara, nimi nidyaʾ yuba dib senewoka men domek nim era neikaʾ ak mamagomek.

RASUL 2:46

Sikda hyak sobaʾ Imik Neyung e eremek longowoka yuba sobaʾ dolomek. Dara sikda ganya sokok nenebdangoka, ei-ei ganya boboka, sikja e pik dero yabalamek.

ROMA 16:12

Sik Imik Neyung amba hyak yongowoka welerak gelewa, Trifena geb, Trifosa geb, perob aboka gibsin. Al Imik Neyung amba hyak yongowoka welelanya, nadyaʾ wanaʾ ulunanya, Persis bek perob aboka alsamba gibna.

1 KORINTUS 1:10

Nadya hemyab o, nara nunjaʾ Wenelesilnya Yesus Kristus si sibuka, ugunda ganya bokoldanaʾ hyak loboka, hnonok ganya boboka, hnonok seininaʾ seiniwoka, hnonokaʾ ak hiboka ulululumaʾ aboka, neik so ganya ok yo aldalalulumaʾ aboka, nara ugunuk wenelesin.

GALATIA 2:9

Wera Imik Neyung adyaʾ wanaʾ uboka eleksinaʾ enera, nak eleganyokaʾ ak eibek dara, Yakobus beb, Petrus beb, Yohanes beb dadya dara, sikda yuba lenaʾ gak dub nang ulumekaʾ anasa, nab Barnabas beb soruka salawoka gibdanggogowouba dara, wera anara nunda neikaʾ kwebdangoka, ugunda Yahudi gom nim ek welemnerum bok, nuk dara, Yahudi nim ek welemnemab aboka ububa.

EPESUS 6:21

Imik Neyung wa bojam welelanya nunjaʾ hembe Tikhikus bedya, nadya ulumnakanya welemna wa nera, ugunda ella dolulumaʾ aboka, anaso aboka neknesil.

KOLOSE 4:7

Nak yokaʾ-yokaʾ unulunelnya nera, Imik Neyung wa bojam uboka neikaʾ welemabnya, nunjaʾ hem wanaʾ nongnya, Tikhikus bedya ugunuk neknesil.

KOLOSE 4:9

Alda ugun gangganeknya, be hnon bojam uboka wanaʾ ulumabnya, Onesimus beb neikaʾ binirum aboka orugeisin. Wera anyagan yokaʾ-yokaʾ nidyaʾ unulusilaʾ ara sikja neknesirik.

PILEMON 1:16

Wenyek dara alda ek wa wenya dangoka unaʾ ok unggululabok, alda perob wa wenya be hnon ulumla. Alda wera hnonda Imik Neyung yuba dolomabaʾ wanaʾ ulumabnya bek hnon ulumla. Alda wenera nak dara, nadya wanaʾ hemnya ulunelekanya, dara onoʾ anak dara nauba so wanaʾ ulunggel! Anasa alda wera nunjaʾ oruknaʾ wa wen danaba perobaʾ ak ulumlakanya, onoʾ hyak nauba ara Wenelesilnya bedya wa wenaʾ anaba hyak perobnya bek ulumla!

2 PETRUS 3:15

Imik Neyung ara men yangganggulumlaʾ ara, nuk blebsununaʾ ubokaʾ senewoka ugunda ganya enyek, pe boblulum. Nunjaʾ hem be hiboka wanaʾ ulumabnya Paulus bedya ugunuk wenyaboka momnya doboka beibsuk. Alda ugunuk momnya doboka beibsukaʾ ara, Imik Neyung adya alak geremseng eleklelanya nedya ubsuk.