RASUL 13:36 - PERJANJIAN BARU NALCA YUBA

³⁶ ”Dara, Daud bera Imik Neyung adya anyek senenanya loboka weblul senemok anyek, seleb senenya loboka webgogobok sum era, alda seleb somogok dara, alja neyung yab youmaʾ nanga sik diyisik ak sam neikaʾ ak dibik. Dara, Daud be nong diyimek ara, seleb nidyaʾ bloboka yaabok bok,

RASUL 13:36 交叉參考

MATIUS 25:16

Wera lambadya rupiah lemoknya bedya dara, alda biniboka, onoʾ yok lambadya rupiah dek sounuwoka dobok.

YOHANES 11:39

Yesus adya, ”Diblum girik era demegolulum,” hyok. Dara, Lazarus somogomoknya alja weis Maria gedya, Yesus ak, ”Wenelesilimnya o, dibub salek era li dombadya mabokaʾ anasa, songa lelemla bar,” hyok.

RASUL 13:22

Dara onoʾ eimik enyek, Imik Neyung adya Saul bera doro bobogoka, Daud bek Israeli nang dubnya lunuwoka sekiyimok. Dara benesa leboka, Imik Neyung adya lebok ara, ”Isai bedya me Daud bedya, alda hyak nadya ganya pe angawoka hekellilinelnya eiyimna. Daud bedya eimik nadya unuwaso senelamna nidyaʾ ara pe unuwananel.

RASUL 2:29

”Anasa, hemyab o, wenyek or nunja neyung Daud benesa geklewoka, yuba laga poboka sablul senewananulum. Alda seleb somogok dara, seleb soko lokorob bok, soko lokorob ak ara nun gangganek or ulumla.

RASUL 7:60

Dara onoʾ, hnon komo lumugoka Imik Neyung ak yuba bii aboka lemokja, ”Wenelesilimnya Imik Neyung o, ban unulumak malya unaʾ era sikenek lunuwoka gwirib lobsimenek lobnelam,” aboka molobgogomokaʾ seleb dara, alda dib somogomok.

RASUL 8:1

Saulus bera anyagan ulumok ara, Stefanus bek obek dara, perob senemok. Dara al neik sum enyek, men obadya nang Imik Neyung yuba lenaʾ gak nang enyek orok bok, yok Yerusalem heikek sam ab yuba donaʾ nim ek, doluwoka yaklanawoka doboka olosik dara, doluwoka bokdangoka hnonda Yudea sam hnon, hnonda Samaria sam hnon, doknol balamek.

1 KORINTUS 15:18

Wera nenera, yuba don nimi bok Kristus lomok seleb somogorob nim eneba, eimik era blebnenggunususo.

1 KORINTUS 15:6

Ban nen seleb dara, onoʾ yok nimi denga lindaraʾ badya nim ek (500 nim) seleb subna aboka aabdangamok. Ban unusuk nim era, nauba so ara seleb somogorob bok, hnon nim era weneba or eikaʾ ulumak.

1 TESALONIKA 4:13

Na kabo nim o, seleb somogek nim era hek so ulumak do aboka ella danasom senelemab. Sikenek perob danganaʾ unggulumak nim era, nauba engelemak sok unuwanggunusom.