RASUL 12:5 - PERJANJIAN BARU NALCA YUBA

⁵ Anasa wera, Petrus bera anam nimi henga gereksin ek sam or ulumok bok, Imik Neyung yuba donaʾ nim era sob-sobaʾ Petrus bemba leboka, Imik Neyung ak heng uboka molol dibolloklomek.

RASUL 12:5 交叉參考

MATIUS 18:19

”Anya hnonda ban nenyek ella danalumaʾ ara, Sokok anyeb ugun gangganek sam nimi penya nanga, yokaʾ neiknya nemba leboka, Imik Neyung ak heng uboka molowananam aboka ganya hnonok ganya boboka adya mololerak dara, sikja molonaʾ era, nadya neyung be imik heikek ululanya bedya kebnesil.

LUKAS 18:1

Ban nen wenyaboka lebgogowok dara, Yesus ara alja yuba doro diriga ban nang ek, sikda ganya mounduk-mounduk anaʾ loboka sobaʾ heng uboka mololenokaʾ aboka, yokaʾ ak sunuwoka neksuk.

RASUL 12:12

Petrus bedya wenyaboka seleb seiniwoka ganya dibaʾ seleb yok dara, alda Yohanes bok yok si nera Markus alameknya bedya alja genong Maria gedya ek bilimok. Dara, al on ek ara nimi nauba longowoka Imik Neyung ak heng uboka mololemek.

RASUL 12:4

Wera, Petrus bek seleb salawoka henga goumek dara, nimi henga goubuka uka gasa beillilisik ek sam doronggoka beiyimek. Dara, Petrus be henga geregoka beiyimek ak ara yin bon nang yaknaʾ dombadya jam bokoka, onoʾ nimi nonga yin bon nang eneba dombadya nang pikik leboka welemek. Wera Yahudi nang edya welenaʾ orok roti gwaneng den sum era seleb debgogowoka ubije enyek, Herodes bedya dara, Petrus bek nimi hnoum yana lelewanamna senemok.

RASUL 12:6

Wera, Herodes bedya Petrus bek ampum nimi hnoum yana lelewanamna aboka mabok sum enyek, Petrus bera gasa henga penya adya goboka, yin bon nang penya ulurek gangganek okan beiyimek. Dara onoʾ, henga gereksin ek pik sindamak ara onoʾ yin bonaʾ nang nimi penya nang welerek.

1 KORINTUS 12:26

Yan ak oka del yabasin dara, wera nonga nidyaʾ ak oka dero lolosil. Soruk ak gom alda pelemla aboka gibel yaban dara, yok-yoknya neneba nidyaʾ perob aboka eiya hlalamak.

2 KORINTUS 1:11

Ugunja nunsamba aboka, Imik Neyung ak mololesulum adya keboka, alda nuk blebnesilaʾ anyaʾ senelemab. Dara, nimi nauba Imik Neyung ak mololomak molonaʾ adya aralesak dara, nuk perobaʾ nauba eleklesil dara, nimi nauba Imik Neyung nunja molonaʾ keboka unulamla aboka, sikda Imik Neyung ak giblemnemak.

1 TESALONIKA 5:17

Sob-sobaʾ molololulum.

IBRANI 13:3

Wera yok igina dolomak nim ulumak sok, ambabya sikeneblaboka neikaʾ ulumnaʾ anasoʾ ganya enyek boboka, anda sikenek beklesilom. Anya, sik yok nim edya malya nenelesak nim ek, anda sikeneblaboka neikaʾ unulusinaʾ anasoʾ ganya enyek boboka, anda sikenek beklesilom.

YAKOBUS 5:16

Anasa wera, ugunda merewanalum aboka dara, malya ulumunaʾ ara laga lebdangoka, onoʾ heng uboka mololdalalulum. Imik Neyung ak pelemak nim edya mololesak dara, senenggom migiba lanalamla.