RASUL 12:21 - PERJANJIAN BARU NALCA YUBA

²¹ Dara, onoʾ yok sum orowek sumen unuwanamna aboka Herodes bedya gegemok sum enyek, Herodes bera sik senenggom dub nang akleng ongowoka, perob mek alakdobaʾ dub nang bun ekla bunaʾ ak bukoka, nimi nidyaʾ mamagiyiwoka, nara anyek unuwanamna aboka wenewoka lelemok.

RASUL 12:21 交叉參考

MATIUS 27:19

Wera Pilatus bera nimi yana lelesin ek anam bulumok salek, alja gel gedya momnya donaʾ beibukaʾ ara, ”Nara alsamba hnon omom so lendara enyek manabok anasa, anda malya unaʾ oroknya bemba yub enyek, neikaʾ denewoka sanaʾ ara mem loblom,” hyok.

RASUL 12:20

Tirus nim eb, Sidon nim eb, Herodes bera sikenek yu ganya bosuk anasa, sikda hiboka Herodes bek hogunga bo amal yeilimek. Men dara, Herodes be ulumok heik damnya Blastus bedya sikenek mala dobsulul aboka, alak yuba sal yeilimek. Dara, alda keboka mala dosuk dara, sikda dena unuruwaʾ ara, Herodes bedya mokeb ok ganya welemek anasa, sikda Herodes bek biniboka ganya neikaʾ hekoka hibnob aboka molol yeilimek.

RASUL 12:22

Dara, nimi nidyaʾ longol yeiniboka kelemek nim edya, Herodes bemba geklewoka lelemekja, ”Anara nimi sirikaʾ yub adya lenggulumla, alda nunja dib gibnaʾanya bedya lelemla,” aboka lelemek.

RASUL 24:1

Wera lambadya sum seleb maboka gwelegok dara, Yahudi yuba wa gakaʾ dubnya Ananias beb, Yahudi yuba dam nang eb, bera unuwanamla anya, bedya alja si nera Tertulus beb neikaʾ yeilimek. Sikda Feliks mok soko damnya bek hogung ak yeiniboka, Paulus bek yanamek damok ara alak nekel yeilimek.

RASUL 25:23

Wera ampum maboka gwelegok dara, Agripa beb, Bernike geb dara, yin bonaʾ dub nang eb, heik dub nang eb, hyak nimi nauba wekoka, boksom glaboka giboka ulumekaʾ hnoum, Paulus bedya lel yabalya yub enyek kebnom aboka yeilirek. Dara, Festus bedya Paulus beneba or doboka bo yoululum aboka orugusuk dara, bo yek.