RASUL 10:47 - PERJANJIAN BARU NALCA YUBA

⁴⁷ ”Wera ugunda kendululum! Nuk men youmaʾ Imik Neyung adya Geisinya domoba sok, sikbabya dobakaʾ kendululum. Anasa wera, sikenek meka dabnesibya dara, yok nim edya, mem loblulum heneseng de?” hyok.

RASUL 10:47 交叉參考

RASUL 10:44

Dara wera, Petrus bera anam yuba wenyaro lelemok salek enyek, longowoka kelemek nang era sikda nidyaʾ Imik Neyung Geisinya adya yingginiboka deknesuk.

RASUL 2:4

Wera dara, sikda nidyaʾ Imik Neyung ganya adya deknesuk dara, Imik Neyung Geisinya adya anyek sabnok senewoka elegesukaʾ adya, sikda yok-yok yuba nidyaʾ saro yabalamek.

RASUL 8:12

Bok, Pilipus bedya sik Samaria nim ek, Imik Neyung yuba leboka, nimi blebsinaʾ dubnya si Yesus Kristus adya, eimik wenelemnesil aboka lelemok dara, Samaria nim era Pilipus bedya lelemok yub ek dib senemek. Dara, sikda gelewa anaba, nengmab anaba, nidyaʾ meka dalasuk.

RASUL 8:36

Wera sik penya dara, pikik anam balareekanya, wera meka ulumokaʾ ak sam yok sam birik. Dara, Etiopianya bedya, ”Wera, mek ara an ulumla anyek kendelom. Anasa wera, nak ara hekaʾ mekso ulunel anasa, meka danenaʾ ara lobnenelem do?” hyok.

ROMA 10:12

Wera dara, Yahudi nim ab, Yunani nim eb dara, yok-yok gebeldan damok era hnon unggulumla. Anasa ban hnonok Imik Neyung enedyok nidyaʾ nim amba wenesinya ulumlakanya, alak bii alamak nim nidyaʾ ak perobaʾ nenelesil.

ROMA 4:11

Dara, alda anam bolaʾ garawanggumek bok, alja ganya dib senenaʾ adya alak perobaʾ nenemokaʾ ara, seleb ulumokaʾ anasa, ban bolaʾ garanaʾ ara, beknaʾ dibaʾ momnya donaʾ ak dib denenaʾ anasoʾ ak ara, dobok. Wera anasa, alda nimi nidyaʾ bolaʾ garasinaʾ orok dib senelemak nang edya sikjaʾ neyung be dok, anedya ban perobaʾ nenesinaʾ ara sikbabya dobnok aboka unuwok.