RASUL 1:14 - PERJANJIAN BARU NALCA YUBA

¹⁴ Sikda nidyaʾ ganya hnonok hiboka, heng uboka Imik Neyung ak mololsinilimek. Dara, sikda gelewa nauba uboka, Yesus alja genong Maria geb, Yesus alja weisab eb, neikaʾ longowoka heng uboka lelemek.

RASUL 1:14 交叉參考

MATIUS 12:46

Wera Yesus ara wenyaboka anyagan ulumek nimi mandebnaʾ eb anam yuba salamek sab-sab, alja genong geb, alja weisab eb yeilimek. Sikda beiyik sam sekoka, Yesus ab eibdangoka yuba sabsibya senewoka ulumek.

MATIUS 21:22

Anya ugunda al unuwanamlaʾ anyaʾ dib senewoka, ugunja heng uboka mololemnelumaʾ nidyaʾ ara, anera gigiwoka dobnelum,” hyok.

MATIUS 27:55

Wera neikek ara, gelewa nauba mok so ab uboka Yesus ak kemero seklemek. Ban gelewa danara, hnonda Yesus ak Galilea mok ebaʾ ara arawoka neikaʾ yabalamek gelewa.

MARKUS 15:40

Dra ono al neikek ara, gelewa wene nim mok ab sekoka, nidyaʾ an unulumokaʾ ara kemelemek. Wera gelewa gong dara, hnonda Maria Magdalena, hnonda mek Yakobus, Yoses eilin Maria, hnonda Salome ge hnon ulumek.

MARKUS 16:1

Wera sikja Sabat mem sum era seleb iniwok dara, Maria Magdalena geb, Yakobus eilin ge Maria geb, Salome geb dara, Yesus beʾ ngikil binimab aboka, perob song ngiknaʾ mek dekek.

LUKAS 11:13

Anasa wera, ugun malya unaʾ nang enyek babya, ugunja mab ek ara perobaʾ anyek eleklelum. Wera ugunja Imik Neyung imik heikek ululanya bera, wanok! Alda Geisinya elegeisilom aboka molowanamak nim ek ara eleganesil,” hyok.

LUKAS 18:1

Ban nen wenyaboka lebgogowok dara, Yesus ara alja yuba doro diriga ban nang ek, sikda ganya mounduk-mounduk anaʾ loboka sobaʾ heng uboka mololenokaʾ aboka, yokaʾ ak sunuwoka neksuk.

LUKAS 23:49

Nimi nidyaʾ Yesus ak eiyiboka ella ulumek nim era, Galilea mok ebaʾ Yesus ab neikaʾ ulumek gelewa eb dara, mok so seklemeekanya, nidyaʾ unulumokaʾ ara gobdo kemelemek.

LUKAS 23:55

Galilea mok ebaʾ ara, Yesus ab neikaʾ yeilimek gelewa dara, dilil yabok dara, neikaʾ biniboka dibek girik lom eneba seleb eibek. Al gelewa dara, Yesus adya beʾ ara girik ek sam hekaʾ huboka meiyiwoka dibakaʾ ara seleb okoka eibek.

LUKAS 24:10

Nidyaʾ unumokaʾ anyek, Yesus adya yuba doro diriga ban nang ek nekdo yeilimek gelewa dara, Maria Magdalena geb, Yohana geb, Yakobus alja genong Maria geb, ono sikeneb neikaʾ ulumek gelewa dadya, yok nim ek hnon nekdo yek.

LUKAS 24:33

Dara wenyek sikda sekoka onoʾ Yerusalem heikek yarek. Wera Yerusalem heikek ara, Yesus yuba doro diriga banaʾ goklombadya nang era, yok nang eb neikaʾ longomekaʾ ak eibsirek.

LUKAS 24:53

Anya sikda Imik Neyung ek sam wekoka, Imik Neyung ak sobaʾ perob aboka gibelsinilemek.

LUKAS 8:20

Dara nim adya alak, ”Neyung o, anjaʾ genong geb, anja weisab eb dara, sikda anab eibdanobaʾ aboka yeilimaakanya, beiyik ono seklemak,” hyek.

RASUL 2:1

Wera, Yahudi nim perob sum Pentakosta seleb oka yenemok dara, nimi nidyaʾ yuba dib senewoka men domek nim era neikaʾ ak mamagomek.

RASUL 2:42

Dara, hyak pe yeng uboka, nimi nauba yuba lenaʾ gak nang ek ab, yuba nauba doboka, yokaʾ-yokaʾ ara neikaʾ unuwoka, anya neikik deregoka, neikik molowoka ulumek.

RASUL 2:46

Sikda hyak sobaʾ Imik Neyung e eremek longowoka yuba sobaʾ dolomek. Dara sikda ganya sokok nenebdangoka, ei-ei ganya boboka, sikja e pik dero yabalamek.

RASUL 6:4

Anasa nuk dara, heng uboka molowoka, Imik Neyung yuba leboka unulumnamab ok,” hyek.

ROMA 12:12

Ganya we unaʾ ak ara eiyasaʾ we ululom, mekaʾ gebsinaʾ ak ara or malye sobaʾanya senelelom, anya heng uboka molonaʾ ak dara, ganya ologoka sobaʾ molololom!

1 KORINTUS 14:13

Ban nenesa, wera nimi yok-yok yuba salameija nim era, Imik Neyung adya migibaʾ elegesilya enyek, sikja salamak yuba damok enyek, anasa lelemab aboka neknemakaʾ anasa, Imik Neyung ak molowanok.

EPESUS 6:18

Dara, Imik Neyung Geisinya adya, ugun nonga bo ulusilaʾ adya, nidyaʾ salek enyek, yokaʾ-yokaʾ amba mololelulum. Dara, sobaʾ websiniwoka, munaʾ Imik Neyung mabo nidyaʾ amba bulugul lonaʾ loboka, mololsinilelulum.

KOLOSE 4:2

Heng uboka molonaʾ ak dara, bojam ulmoublululum. Anya, perob aboka giblemunukanya, pe diri uldalalalulum.