PILIPI 4:6 - PERJANJIAN BARU NALCA YUBA

⁶ Ugunda yokaʾ-yokaʾ hekaʾ huwanamab do senewoka ganya daldom-daldom anggom, mem. Yokaʾ-yokaʾ dobnob senewanalum dara, anyek Imik Neyung ak elegeisilom aboka sobaʾ mololelulum. Ugunja nunda anyek dobsibya senelelumaʾ anyek si sibuka, Imik Neyung ak perob aboka giblemunukanya, mololelulum.

PILIPI 4:6 交叉參考

MATIUS 10:19

Bok ugunuk henga geregoka yana lelewanasab aboka, nimi yana lelesinaʾ ek sam bo binisak dara, ugunda hekaʾ huboka yuba sekdanamna do, yuba harsonya pe sabnamna senen ganya bonaʾ ak sam ara ugunda lok ganya bonggom, mem. Anasemba dara, ugunja yuba sabnemunaʾ damok ara, eleganesin senemlyaʾ sum eleganesululaʾ.

MATIUS 13:22

Alda yinaʾ giriknaʾ hnoum yama yinggilimoknya nera, damok ara, nim Imik Neyung yuba kelemak bok, denaʾ unuruwaʾ amba leboka, bonaʾ garana denaʾ garan amba gangganaʾ gokoldal yabanakanya, sikda bonaʾ dub nang ulusibya senen ganya edya, Imik Neyung yuba sikja seklama darawoka, sikjaʾ ganya lomok sam pe doka mounggulusil.

MATIUS 6:34

Anasa wera, ampum amba dara, ganya daldom-daldom anaʾ ara yok ubnelabok anasa, ugunda ampum amba ganya daldom-daldom anggom, mem. Sumen ok malya nauba dangalalanya nera yok anasa, onoʾ ampum amba ganya hnon daldom-daldom anggulumnesibya,” hyok.

MATIUS 6:8

Ugunda anam molowanggumna salek enyek, ugunja dobsibya senelelumaʾ ara, Imik Neyung ara anam danyek ella ulusilaʾ anasa, sikja mololemak sok ugumba ununggom, mem.

LUKAS 10:41

Danyek Wenelesilnya bedya lebokaʾ ara, ”Marta, Marta o. Anak dara, yokaʾ-yokaʾ ganya ok dokoka seiniro balalam.

LUKAS 12:22

Dara onoʾ Yesus ara alja yuba doro diriga ban nang ek, ”Ban nenesa nadya lelesinaʾ ara, Ugunja nong unaʾ enesa leboka ganya daldom-daldom aboka youmburaʾ debnaʾ ara, mem. Nunda hekaʾ denemab gom, hek akleng ongowanamab do aboka youmburaʾ debnenggom, mem.

LUKAS 12:29

Onoʾ, ugun gwaneng meka denemunaʾ anyek orok amba leboka, ganya daldom-daldom anaʾ ab, ganya soro-wara anaʾ ab dara ununggom, mem.

LUKAS 18:1

Ban nen wenyaboka lebgogowok dara, Yesus ara alja yuba doro diriga ban nang ek, sikda ganya mounduk-mounduk anaʾ loboka sobaʾ heng uboka mololenokaʾ aboka, yokaʾ ak sunuwoka neksuk.

LUKAS 18:7

Anasa wera, Imik Neyung ara alja mabo silibaʾ edya inimnek yubyek pik arawoka mala dobnesilim alamaknya nek ara, mala dobnenggunususo de? Imik Neyung adya sikenek sum enyek arawanasin aboka, gokgiga binimso de?

1 KORINTUS 7:21

Imik Neyung adya an yalom aboka enjok sum era, anda oruknanya ululum bok, eboka donjok dara, nara benyaʾ senewoka nenyek nauba seininggom. Bok, anda salyaʾ pe ululomaʾ aboka, li elegagelya dara, or elegagelyaʾ ak an dob salawoka ululom.

1 KORINTUS 7:32

Nadya senelamnaʾ ara, ugunda okna ulusil ak ab loboka, pe ulululum senelesin. Gela oroknya bera, alda Wenelesilnya bek ganya hekellilinun senewoka, Wenelesilnya bedya perob senelelanya nenyek, ganya dib beiliwoka ulumla.

2 KORINTUS 1:11

Ugunja nunsamba aboka, Imik Neyung ak mololesulum adya keboka, alda nuk blebnesilaʾ anyaʾ senelemab. Dara, nimi nauba Imik Neyung ak mololomak molonaʾ adya aralesak dara, nuk perobaʾ nauba eleklesil dara, nimi nauba Imik Neyung nunja molonaʾ keboka unulamla aboka, sikda Imik Neyung ak giblemnemak.

EPESUS 5:20

Or yok-yok damoka nidyaʾ ulumlaʾ amba leboka, nunjaʾ Wenelesilnya Yesus Kristus anasa leboka, neyung Imik Neyung ak hyak sobaʾ perob aboka giblelulum.

EPESUS 6:18

Dara, Imik Neyung Geisinya adya, ugun nonga bo ulusilaʾ adya, nidyaʾ salek enyek, yokaʾ-yokaʾ amba mololelulum. Dara, sobaʾ websiniwoka, munaʾ Imik Neyung mabo nidyaʾ amba bulugul lonaʾ loboka, mololsinilelulum.

KOLOSE 3:15

Ugunda hnonok nong unaʾ ulunok aboka, seleb youbosuk anasa, Kristus adyaʾ namen uboka neikaʾ hiboka un ganya anyek, ugunja ganya lomok sobaʾ orugoka bo ulusulul. Anya sobaʾ perob aboka giblelulum.

KOLOSE 3:17

Dara, ugunja yokaʾ-yokaʾ nidyaʾ, yuba sanaʾ adya gom, soruk adya wenaʾ gom, unuwanalum dara, ban nidyaʾ ara, nunja neyung Imik Neyung ak, al pik uboka perob aboka giboka, nunja Wenelesilnya Yesus bedya si sibuka unulululum.

KOLOSE 4:2

Heng uboka molonaʾ ak dara, bojam ulmoublululum. Anya, perob aboka giblemunukanya, pe diri uldalalalulum.

1 TIMOTIUS 2:1

Hyak men youbuka ugunuk, molonaʾ ab, heng uboka lenaʾ ab, nauba yokaʾ-yokaʾ dib nong amba hnon, nimi nidyaʾ amba Imik Neyung ak perob aboka molowoka giblelulumaʾ aboka, ugunuk wenewoka moloweisin.

1 TIMOTIUS 5:5

Nimi hnon aranaʾ orokaʾ anyek albeyok ulumlya youk gel gera, Imik Neyung alak ok seiniwoka, yubyek inimnek pik arawonulul senewoka alak mololsinilamla.

1 PETRUS 4:7

Yokaʾ-yokaʾ sidyaʾ daknamla sum era, wera seleb oka yalamlaʾ anasa, ugunda pe heng uboka molowoka ulululumaʾ aboka, ugunda keebdangoka pe diri uldalalulum.

1 PETRUS 5:7

Imik Neyung adya ugun nong ak wanaʾ ulusilaʾ anasa, ugunuk an ganya elesilaʾ nidyaʾ ara nunda unulusil aboka alak elegoululum.