PILIPI 4:1 - PERJANJIAN BARU NALCA YUBA

¹ Nadya wanaʾ ulusin hemyabo nim o, wera anasa ugunda Wenelesilnya bek hyak dib senewoka ganya ologoka ubmoublulum. Nara ugunuk hyak eibsisinya senen ulusin. Ugun nong anyek, nadya ganya hekoka nadyaʾ deknaʾ dibaʾ nim ululum.

PILIPI 4:1 交叉參考

MATIUS 10:22

Ugunda nadya si nenesa leboka, nimi nidyaʾ ara, ugunuk hyak lek senelemnesak, bok pe sekmouboka ulumlyaʾ ara sidyaʾ dagalongnaʾ salek ubnelanya bera blebnamla.

YOHANES 8:31

Dara, onoʾ Yesus adya Yahudi nang alak dib senemek nang ek lebokja, ”Ugunda nadya lelesin yub ek salabmoubmun dara, aldib, ugunda nak diriga yalalum nim ulumnulum.

RASUL 11:23

Wera, Barnabas bera seleb Antiokhia heikek yeiniboka, Imik Neyung adya nimi ganya lomok yokaʾ-yokaʾ nidyaʾ pe arawoka unulumokaʾ eiyimok dara, alda hyak eiya damok. Dara, Barnabas bedya Antiokhia nim ek, ugunda hyak Wenelesilnya bek pe ganya dib ologoka kweboka ululum aboka wenewoka lesuk.

RASUL 14:22

Wera men balarek sum enyek, Imik Neyung yuba leb elekgiga bilirek heik dara, yanggan sam era on pik yanggarek dara, Imik Neyung yuba doro diriga ban nim ek, dib senenaʾ ak mel-mela salabmoboka ulunokaʾ aboka wenebgiga yalarek. ”Nim Imik Neyung bedya wenesin heikek weknemak ara, sokok an igin yakaʾ hnon sum kwellilimnesil bok,” aboka wenebgiga sik yalarek heik pik era yeilirek.

RASUL 2:42

Dara, hyak pe yeng uboka, nimi nauba yuba lenaʾ gak nang ek ab, yuba nauba doboka, yokaʾ-yokaʾ ara neikaʾ unuwoka, anya neikik deregoka, neikik molowoka ulumek.

ROMA 2:7

Wera an unuwanesilaʾ ara, sik pe ganya gouluwoka perobaʾ digumaʾ ak unulumakaʾ ara, perobaʾ senenggomaʾ ak elemakaʾ hnon, si imik nenenaʾ ak hnon, giginaʾ elemak nim ek hnon somoganggunumlaʾ digumaʾ ak elemakaʾ hnon, anasa sik an nim ek ara, embengaʾ unaʾ ak eleganesil.

1 KORINTUS 15:58

Hemyabo nadya wanaʾ ulusin nim o, anasa wera, ugunda ganya kaboka migibaʾ anyek ulululum. Ugunja Wenelesilnya bemba nidyaʾ welelum wa nera, salyaʾ lelem danggunusil anasa, ugunda Wenelesilnya bemba yeiriwoka welelulum.

1 KORINTUS 16:13

Ugunda hyak yuba dib senelemak nimi geknebaʾ pe keebmouboka ganya kaboka pe ulululum. Asaʾ ganya boboka, migibaʾ anyek unulululum.

GALATIA 5:1

Nuk ara seleb lobsuk nang geknebaʾ ulunokaʾ aboka, Kristus adya dara, unuwanalum an yub ek ab, seleb gobdo lobsuk. Ugunda oruknaʾ wa wen nang saawoka domunuk aboka, pe keeboka seklelulum.

PILIPI 1:27

Yo, anasa wenyek dib nong ara, ugunda Kristus amba lebokaʾ perobaʾ Imik Neyung adyaʾ perob lero yanggan yub enyek, sunuwoka ugunda pe ulumnelum. Ban unu ulumunaʾ adya, yub ok kebnamnaʾ anaba, Imik Neyung adyaʾ perob lero yanggan yub ek ganya dib senewoka un danasa duboka hnonok nonga dangoka ulunobaʾ aboka, yeirilemak anaʾ hnonok ella ubnamna.

PILIPI 1:8

Nara Yesus Kristus lomok uboka, wanaʾ uboka, ugunuk hyak eibsisinya senewoka ulusinya nera, Imik Neyung anaba alda ella ulunel.

PILIPI 2:26

Alda ugunuk nidyaʾ berra eibsisinya ganya nauba bolomla, onoʾ alda hnon neiknaʾ salawok an yuba kelumaʾ anasa, igin ubsilyek aboka lok ganya bolomla.

KOLOSE 4:12

Hnonda ugun gangganek abnya be hnon, Kristus Yesus amba wa wenya, ugunsamba mel-mel aboka seklemeijikanya, ganya kanaʾ nang dangoka Imik Neyung adya senelamlaʾ nidyaʾ anyek, ganya munaʾ gobdo olowoka ella ulumak nim ek ulunok senewoka, ugunsamba sobaʾ yeiriwoka mololosilnya, Epafras bedya hnon ugunuk gibisil.

1 TESALONIKA 3:13

Wera anadya Wenelesilnya Yesus ara nimi nidyaʾ aljaʾ yokaʾ dangalamak nim eb yanamak sum era, Wenelesilnya bedya ugunja ganya migiba gebiyiwanesilaʾ adya, nunjaʾ neyung Imik Neyung saramek sam, nuk dara geisaʾ anyek uboka, si gegenaʾ pona orokaʾ ak dangiyiwanesil.

2 TESALONIKA 2:15

Hemyabo nim o, wera anasa nunja ugunuk momnya donaʾ pik uboka gom, yuba sibamaʾ adya laga nekesuba yub enyek, pe sekoka salabmoubuka ulululum.

2 TIMOTIUS 2:1

Nadya me Timotius o! Kristus Yesus ak pik uboka Imik Neyung adya wanaʾ uboka eleksinaʾ adya, anda migib nongaʾ dangoka ululom.

IBRANI 10:23

Imik Neyung ara aldib alda bojamnya ulumlakanya, alja perobaʾ eleganesin hyokaʾ ara aldib eleganesilaʾ anasa, nunja aldib perobaʾ dobnemab aboka dib senen ganya boboka, nebom alamabaʾ ara gasa salalmoublenob.

IBRANI 3:14

Nunja men youmaʾ ek mouruwoka dib senemoubaʾ anyek, pe gasa salabmouboka ulumeibyaʾ ara, sidyaʾ daknamla dara, aldib Kristus ab seleb neikaʾ un nimi douba.

IBRANI 4:14

Anasa wera, Imik Neyung saramek sam seleb byuknya, Imik Neyung bedya me Yesus ara, nunja senenggom yuba wa gakaʾ dubnya nunsamba ulusilaʾ anasa, nunda Imik Neyung yuba dib dobab amoubaʾ ak pe salabmouboka diri ubdanob.

2 PETRUS 3:17

Nadya wanaʾ ulusin hemyabo nim o, ugunuk dara, wenyhenya nera seleb orowek ella dangalum. Anasa, nimi malya ulumak nim edya ugunuk gliboka bo bisijaʾ ak malya nim ulumakaʾ ak malya domunuk anasa, anya migibnya bek malya nenebdomunuk anasa, keeboka diri uldalalulum.