PILIPI 2:26 - PERJANJIAN BARU NALCA YUBA

²⁶ Alda ugunuk nidyaʾ berra eibsisinya ganya nauba bolomla, onoʾ alda hnon neiknaʾ salawok an yuba kelumaʾ anasa, igin ubsilyek aboka lok ganya bolomla.

PILIPI 2:26 交叉參考

PILIPI 1:8

Nara Yesus Kristus lomok uboka, wanaʾ uboka, ugunuk hyak eibsisinya senewoka ulusinya nera, Imik Neyung anaba alda ella ulunel.

EPESUS 3:13

Ugun nong anyek, na pik uboka perobaʾ nenewosuknya nenesa leboka, nak an igina kweboka malya nenelenelaʾ anara, ugunuk si perobaʾ dolulumaʾ aboka ulumnaʾ anasa, ugunda angwei senewoka, ganya hmenga neneldanaʾ hnon ara, mem aboka moloweisin.

ROMA 12:15

Eiya ganya bolomeija nang eb dara, neikaʾ eiya hlalalulum, bok engelemeija nang eb dara, neikaʾ engelelulum!

PILIPI 4:1

Nadya wanaʾ ulusin hemyabo nim o, wera anasa ugunda Wenelesilnya bek hyak dib senewoka ganya ologoka ubmoublulum. Nara ugunuk hyak eibsisinya senen ulusin. Ugun nong anyek, nadya ganya hekoka nadyaʾ deknaʾ dibaʾ nim ululum.

ROMA 9:2

Ara nara hyak ganya lomok soloma dablenelekanya, sobaʾ ganya angoo senelamna.

MATIUS 26:37

Dara Petrus beb, Zebedeus bedya mabo moumenaʾ penya uboka bo busuk. Anya Yesus ara ganya igina berewoka, engenaʾ ganya beibuk.

MATIUS 11:28

”Ugunda nidyaʾ hmeng uboka, igina yakaʾ adya igina kwelesil nim era, nadya ugunuk jakmana gibiyiwanasinaʾ anasa, nak an yanalum.

1 PETRUS 1:6

Dara, ugunda wenyek dara, yokaʾ-yokaʾ nauba seʾ amba bobgeregoka sunulusil bok, ban amba bekoka ei-ei ganya bololum.

PILIPI 1:3

Nara ugunuk seiniweisin dara, Imik Neyung ak sobaʾ perob aboka giblamna.

GALATIA 6:2

Ugun moumen yok nim edya igin ulumlaʾ anyek, arawoka bobdangoka unulululum. Dara, Kristus adya unuwanalum an yuba pe unululumaʾ beknaʾ dangalamlaʾ ara an.

2 KORINTUS 9:14

Dara Imik Neyung adya ugunuk perobaʾ unulusilnya nenesa leboka, sikda ugunuk wanaʾ uboka Imik Neyung ak mololomnasak.

1 KORINTUS 12:26

Yan ak oka del yabasin dara, wera nonga nidyaʾ ak oka dero lolosil. Soruk ak gom alda pelemla aboka gibel yaban dara, yok-yoknya neneba nidyaʾ perob aboka eiya hlalamak.

ROMA 1:11

Hnonda kemel yanggubsisa salek era nauba mandewok anasa, ugunuk yanakanya, Imik Neyung amba wa wen migib nenenaʾ amba perob ganya eleknaʾ enyek, hnon eleganasin senelamna.

RASUL 21:13

Bok Paulus bedya lebok ara, ”Ugunda nenera hekasa engelelum adya, nadya ganya soldol meneklenulum do? lemok. Nara Yerusalem heikek ab salawoka henga gereganenok aboka ok bununaʾ aboka unggulumna. Alda Wenelesilnya Yesus si amba leboka somogonun aboka ulumna,” hyok.

PILIPI 2:25

Nunja hem be Epafroditus bera nak anyagan aralenululaʾ aboka bokol yeililumnya bera, nadya saawoka ugunuk bokol yanamna senelamna. Albabya nadya welemna wa nek neikaʾ arawoka, duboka yeiriwoka welenel.

PILIPI 2:27

Nera aldib alda neiknaʾ nauba salamookanya somok lobok. Bok Imik Neyung adya alak angoo yadyek senewoka arawok, nera or alak ok gom, alda nak anaba nauba solom ganya boboka engewalyek aboka neikaʾ angoo yadyek senewoka arawanyok.