PILIPI 2:15 - PERJANJIAN BARU NALCA YUBA

^15-16 Ugunda ban nenyek unulumnelum dara, ugun nonga gegena mekaʾ ponaʾ orok uboka, perob ganya boboka, jong ganya ok deknewoka, yu hwam nim eb, malya ulumak nim ek, perob Imik Neyung mab ulumnelum. Ugunda sikenek embengaʾ eleklesil yuba leb eleganemun dara, ugun siksamba sokok an dilinaʾ yebel eleklamla wesaʾ eneso dangoka ulumnulum. Ugunda anasonya nenyek sunuwoka ulumun dara, Yesus Kristus yanamla sum era, nadya ganya eiya dabnenelaʾ gak ara an. Wera ban adya nadya duboka welemna wa nera salyaʾ lelem danganenaʾ loboka, doka yak dal senewanamna.

PILIPI 2:15 交叉參考

MATIUS 10:16

”Ugunda banyek pe beknelumaʾ ara: Nara ugunuk bei gam hnoum domba pam anasoʾ ak boknesin. Anasa ugunda bagaʾ adya geremsengaʾ ulumla sok hnon, yalma wining namen ulumla anasoʾ ak ulululum.

MATIUS 17:17

Dara, Yesus adya, ”Ugunda hyak hek nim ek ululum! Ugunda hyak meknewoka dib senenggululum nim ek gobdo ululum. Nara ugunub dara, li hekbadya ok goʾ siklewoka uldablemnemab do? Ban me nera anyagan bo yoululum!” hyok.

MATIUS 5:45

Anadya ugunda imik ululanya bedya mabo danalum. Anasa wera, Imik Neyung ara henga dingillilimla dara, hnonda pe ulumak nim emba hnon, onoʾ malya ulumak nim emba hnon, dingilamla. Dara moka yalamla dara, hnonda pe ulumak nim emba hnon, onoʾ malya ulumak nim emba hnon yalamla.

MATIUS 5:48

Ugunja neyung be imik heikek ululanya bera, hyak perob ok unulamla anasa, ugumbabya pe ganya kaboka perob ok unulumnulum,” hyok.

LUKAS 1:6

Dara sik nang penya era, Imik Neyung ganya ak pe hekel eleklereekanya, Imik Neyung adya oruksin yub eb, sobaʾ amba meemen yub eb dara, meknenaʾ orokaʾ anyek, pe unulurek.

LUKAS 6:35

Bok ugunuk dara, ugunja isaʾ nim ek wanaʾ ulumunukanya, sikenek pe unulumnulum. Ugunja bonaʾ yok nim ek seʾ elek lobmun dara, naba lunuwoka men elegonulul senen ganya bonggom. Ugunda nenesonya nenyek unulumun dara, ugunja deknaʾ imik heikek nauba uboka, ugunda Imik Neyung imik ululanya bedya mabo dibaʾ ulumnelum ara an. Al Imik Neyung ara, alda perob unaʾ elgom ulumak nim ek hnon, onoʾ perob aboka gibnenggulumak nim ek anaba, pe unulusilaʾ anasa, ugumbabya unulumnulum.

YOHANES 5:35

Yohanes Pembaptis bek, alda wesaʾ yebnaʾ dibaʾ ulumok. Dara alda yeblemok salek era, li hnonok perob senelum.

RASUL 2:40

Onoʾ Petrus bedya ban wenyaboka nauba wenewoka lelesuk, ”Ugunda wera Imik Neyung adya eimik obsunun aboka ubsil sokok anyeb orowek blebdangoka ulululum,” aboka sikenek lelesuk.

RASUL 20:30

Hnonda ugun gangganek an ululum nang enedya eimik era, boro doloknaʾ yub enyek lero yibinisak. Ban unuwanamaknya nera, anadya diriga ban nang enyek seklama dariyiwoka sikenek sam gliboka bo bisinob aboka ubnamak.

ROMA 16:19

Ugunja pe keboka unululumaʾ anyek, an unu ulumak an yub era nimi nidyaʾ ara kelemak. Wera anasa, nara ugunsamba leboka, hyak eiya dablenel. Bok nadya senelenanya nera, ugunda perobaʾ amba dara ganya pe ella uboka, malyaʾ ak dara sembejaʾ orokaʾ anyek ulunok senelamna.

1 KORINTUS 1:8

Dara, Wenelesilnya Yesus Kristus yanggalya sum era, ugunuk hnon gegena ponaʾ orokaʾ anyek eibsununaʾ aboka, Kristus adya lobongganggonggom, ugunja ganya kallilimnesil.

2 KORINTUS 6:17

Anasa wera, ugunda sik Imik Neyung ak elgom ulumak nimi gangganek ab bokdanalumukanya, ugunda malyaʾ ak unulyamanggom. Dara, wera ugunuk perobaʾ leboka dobnesin,” ara Wenelesilnya bedya lelemla.

EPESUS 5:27

Wera anadya, nim alja yuba donaʾ nim era, menengaʾ meiboka, si gegena ponaʾ orokaʾ anyek, geisa ganya boboka, si imik dangoka ulumnemaakanya, eimik era alja saramek doro beibsununaʾ aboka, Kristus al nonga siksamba doboka elekdangoka somogousuk.

PILIPI 1:10

Wera ban adya ugunda perobnya nenyek ella uboka welemunaʾ adya, Kristus yanamla sum era, ugunja nong unaʾ era, gegena ponaʾ loboka malya ulumak nim aboka yana kibsilyek anasa, mololesin.

PILIPI 3:6

Ban nenesa leboka, nauba yeirilamsakanya, Imik Neyung yuba donaʾ nimi nauba malya ura obsisa. Nak dara, unuwanalum an yuba donaʾ ak sam amba dara, nara hyak si gegena mekaʾ ponaʾ oroknya bek ulumsa.

1 TESALONIKA 5:23

Imik Neyung ara neikek hillilisilnya, al adya ugunuk gobdo hyak geisa nenewosulul. Nunja Wenelesilnya Yesus Kristus yanamla sum amba, ugunja ganya hnon, ugunja nong unaʾ hnon, ugunja nong eb hnon, nidyaʾ hiboka hyak perob nongnya nenyek bo ulusulul.

1 TIMOTIUS 3:10

Arasin nang danara, sikenek sunubyamadijebok, wera meknenaʾ orok nang enyek, or arasin nang aboka dibaʾ sekiyiwaneseng.

1 TIMOTIUS 3:2

Dara, nimi bo usin wa welelanya bera, alda si gegena ponaʾ oroknya benyek, alda gela hnonoknya bek, ganya siklewoka pe diri uldalalanya benyek, pe seinililanya benyek, perob ok uboka memeldalalanya benyek, alja ek yanggan nimi perobaʾ leboka doro diyiwoka, albabya nimi pe nekoka ulusilnya bek ululul.

1 TIMOTIUS 5:14

Nenesa leboka nadya perob senelamnaʾ ara, or goubenya bok youk gel ulumak nim era, nenya dobijekanya me yak dangoka, sikja ek pe wa weboka ulumeijaʾ adya, wera nunja isaʾanya nera al pik uboka nunja si malyaʾ neneweisilyek anasa, wera men nenya dobnok.

1 TIMOTIUS 5:20

Bok aldib sikda malya ubija dara, yok nim eneba lok ganya bobnok aboka, nimi nauba longolomakaʾ hnoum ab omoma leboka wabnok.

1 TIMOTIUS 5:7

Ban lebnanya nenyek, si gegena ponaʾ orokaʾ anyek pe ulunokaʾ aboka, sikenek pe wenelesilom.

TITUS 1:6

Nimi yuba dolomakaʾ gaka bo usinnya bera, si gegena ponaʾ oroknya bek ululul. Alda gela hnonok domlyekanya, alja mab era Kristus ak dib senewoka, onoʾ nauba blekoka, salyaʾ yiri-yoro al giriknaʾ orok mabo yaknya bek ululul.

TITUS 2:10

Hokaʾ donaʾ anaba hyak mem. Sikda pe uboka, wa bojam welemak senen hogung enyek laga geknelenok. Wera ban unulumeija hogung enyek, yok nim edya eiyiwoka, sikda nunja blebsinaʾ dubnya Imik Neyung bedya yub ek gigilenokaʾ aboka, unulunok.

TITUS 2:15

Anda hyak loksonya benyek ulumenekanya, anja yuba kelenggija nim ek, ban nidyaʾ lebnanya nera, hyak pe wenewoka ooma leboka neklesilom. Anak yok nim edya dara, alda or maly, mek goubenenya benyaʾ, seneweigejek anasa, mem!

IBRANI 7:26

Anasa wera, yuba wa gakaʾ dubnya bera, banasonya benyek, nunda alak aboka, anera, alda meknenaʾ orokaʾ ak, malya unaʾ sibin ara, alak mekaʾ unaʾ orokaʾ anyek, geisa nongaʾ ok ulumlakanya, malya unaʾ nimi gangganek ara unggululanya, anya imik heikek ara hyak imik ululanya.

1 PETRUS 2:12

Ugunja nong unaʾ era nimi yuba donggulumak nimi gangganek ara, hyak pe ulululum. Anadya sikja ugunuk ara malya aboka wabnesak bok, ugunja pe ulumunaʾ anyek eibija dara, sikbabya anyek eiyiwoka, Imik Neyung yanamla sum era, Imik Neyung ak gibnemak.

1 PETRUS 2:9

Bok ugun nim enyek dara, seleb orowek Imik Neyung adya weboka dobsuk nim ek ululum. Yuba lenaʾ gak nim ek uboka, geisa sokok nim ek ululum. Imik Neyung amba ok uboka, Imik Neyung alja mabo silibaʾ ululum. Imik Neyung adya ugunuk weboka doboka, gunaʾ lomok abaʾ ara, alja dilinaʾ ak sam yoululum aboka youbusukaʾ ara, alja senenggom ununaʾ enyek ugunja hyak nauba yok nim ek lero yibilulumaʾ aboka anara ubsuk.

2 PETRUS 3:14

Anasa wera, nadya wanaʾ ulusin hemyabo nim o, ugunda Imik Neyung yanamna amok sum enesa diri ululum salek era, ugunja unaʾ era, mekaʾ gegenaʾ ponaʾ loboka, hyak geisaʾ nongaʾ anyek dibaʾ pe ulululum. Imik Neyung ab ugunub neikaʾ pe kwebdangoka unaʾ ara, hyak pe bo uldalalulum.

WAHYU 2:5

Anasa wera ban nenesa leboka, anda hekmok ab malyinggulumaʾ nong anyek pe beknelam! Anja malya unaʾ ak ab wen ganya dangawoka, youmaʾ pe unululum ununaʾ enyek onoʾ unub einiwanalam. Nenyek pe unuwanggunulam dara, nara anak an yeiniboka anja uk dininaʾ era al ulumlaʾ ak ab gwenewoka dobnamna.

WAHYU 3:9

Dara nimi nidyaʾ bisaʾ dubnya Satan bedya bisaʾ mab silibaʾ ulumak nang era, Yahudi nang yokaʾ gom bok, sondaʾ anasa nunda Yahudi nang enyaʾ aldalamak nang era, nadya anjaʾ saramek sam yeiniboka gibgenokaʾ aboka unuwanok senen ganya enyek eleganesin. Anedya sikda, nara anak wanaʾ ulunggenaʾ ara gobdo ella danamak.