MATIUS 8:3 - PERJANJIAN BARU NALCA YUBA

³ Dara Yesus adya benyek salawoka lebokaʾ ara, ”Nara or senewan. Anasa bokaʾ or dobgolul e!” hyok. Dara wene sab-sab gororomaʾ delemokaʾ ara dengaro lobok.

MATIUS 8:3 交叉參考

MATIUS 12:13

Dara onoʾ Yesus ara soruka darasam heimoknya bek, ”Anja soruk nginigalom,” hyok. Wera bera soruk nginigok dara, darasam eik soruk enesoʾ anyek eikaʾ dok.

MARKUS 1:41

Dara Yesus ara benyek an hyak angoo yadyek senewookanya, alda benyek an soruka diyiboka lebokaʾ ara, ”Nadya dara, merewolul senemnaʾ anasa, or bokaʾ doblom,” hyok.

MARKUS 4:39

Wenyek Yesus ara bukoka, kaboʾ unul yabokaʾ ak loblom aboka orugookanya, mek yaknaʾ yeiriwoka yabalamokaʾ ak lebokaʾ ara, ”Anda wera, gelegalom, namenaʾ danalam!” hyok. Danyek kaboʾ senenggomaʾ dolomokaʾ ara dengaboka, mek yaknaʾ anaba gobdo namenaʾ dok.

MARKUS 5:41

Wera Yesus adya gelma enedya soruka glib salawoka, ”Talita kum,” hyok. Nunja yub edya dara, ”Gelma enya o, nara anak buklom, hegen!” hyok.

MARKUS 7:34

Anya, Yesus ara imik sam keeb weininggoka, hina doboka, o ounugumoknya bek an lebokaʾ ara, ”Efata,” nunja yub edya dara, ”Wera, pika baklul,” andanasa lebok.

MARKUS 9:25

Wera Yesus ara, nimi nauba yeiniboka, alak aknelganagel yanggekaʾ eibuk dara, alda bisaʾ ak, ooma leboka wabokaʾ ara, ”Wei, anda o ounugoka yuba gom geblesilim bisaʾ o, nara anak lebnenggen, Anda me nenyek anyebaʾ gobnelam. Anya, onsok saaboka wekel yanggunulam!” aboka yakok.

LUKAS 4:27

Anya onoʾ ununumnaʾ lenya Elisa ulumok salek eneba, Israel sam ara nimi nauba bokaʾ ak gororomaʾ delesuk nimi hnon bok, sikda hnonok sibin anaba bokaʾ donaʾ orok bok, alda Siria nanga Naaman bek hnonok bokaʾ domok,” wenyaboka neksuk.

LUKAS 5:13

Dara, Yesus adya gororomaʾ delemoknya bek soruka diyiboka lemokja, ”Nadya dara, or merewolul senemnaʾ anasa, or merewalom,” hyok. Dara al wene salek enyek, gororomaʾ ara dengamok.

LUKAS 7:14

Wenyaboka somogomok me beʾ dam biniboka soruka salal yabok dara, nimi beʾ jaboka bo balamek nang era sek lobek. Dara Yesus ara, Wei, goubenya me o, nara anak wenyhenenggen, anda buklom, hyok.

YOHANES 11:43

Ban nen seleb wenyabgogomok dara, Yesus adya Lazarus soko lokomeknya bek, ”Lazarus o, wera anda goboka yabalom,” aboka bii aboka lelemok.

YOHANES 15:24

Yok nim edya hyak ununggulusengnya nek, sik gangganek ununggulusinya dara, sikja malya unaʾ unggulususo bok, wenera, nadya unulamnaʾ eillilimak bok, nak lek senelenyaakanya, neyung beneba lek senelemak.

YOHANES 5:21

Anasa wera, neyung beneba somogamna nim embengaʾ bukiyiboka sikenek embengaʾ unaʾ eleklesil sok, alja me neneba neikso, nadya embengaʾ elegonun senewan nim ek embengaʾ eleklesil.