LUKAS 7:41 - PERJANJIAN BARU NALCA YUBA

⁴¹ Dara, ”Nimi penya nang edya yoknya bedya rupiah enyek deblorek. Nimi ben hnonda denga yubaʾ lambadya rupiah ak deblomok dara, ben hnonda denga yubaʾ hnonok rupiah ak deblomok.

LUKAS 7:41 交叉參考

MATIUS 18:28

Wera ban wa wenaʾanya alda goboka yabok dara, onoʾ yok wa wenaʾanya bek alak an rupiah hnon deblomoknya bek eibuk. Wera benyek nganga weneb salawoka ol yabookanya, lebokja, Nadya rupiah deb lobnulumaʾ ara men deknenelem! hyok.

MATIUS 6:12

Yok nim eb malya ubdangamna nim eb memeldalamab sok, anda anaso uboka nunja malya unaʾ eneba doboka bobogeisilom.

MARKUS 6:37

Bok Yesus adya sikenek, ”Ugunja danyek, sikenek denaʾ eleganelum!” hyok. Bok alja yuba don nang edya alak, ”Wei, walaʾ sekbadya anaso dobneseng rupiah edya, ban nimi deng mandebnaʾ danyek, denaʾ denokaʾ aboka nidyaʾ sunuwoka dekoka elekna dak leblam de?” hyek.

LUKAS 11:4

Dara, nunda malya ubdangamna nim eb dara, memeldalamabaʾ anasa, ambabya nunjaʾ malya unaʾ era doboka bobogeisilom. Nuk sunulyamalesil pik sam boro dibnenggunusilim, aboka mololelulum,” hyok.

LUKAS 12:48

Bok alja wa dubnya bedya seinilamla ganya era elgom ululadyok, legebnaʾ deboka obnamso unaʾ enyek, welemla wa wenya bek ara, or mek domdigum soʾ obnamla. Anasa anam nauba unulumnenelem alenya bek ara, alja nauba lunuwoka molowanamla,” hyok.

LUKAS 13:4

Siloam aboka si simek e goumulumunaʾ dakoka, nimi sago daraʾ badya nang obsuk nim era hekaʾ hubek do? Ugunja dara, Yerusalem heikek ulumek nimi nauba bok, sikenek obsuk nimi dara, sikja malya unaʾ enyek nauba so adya obsuk senelelum de?

LUKAS 7:40

Dara Yesus adya Simon bek, ”Simon o, nadya yokaʾ don anak hnon wenyhenenggen,” hyok. Danyek Simon bedya Yesus ak, ”Yo, neyung o, or wenyhenelom e,” hyok.

LUKAS 7:47

Anasa nara anak wenyhenenggen, alja wanaʾ nauba unululanya nenesa, wera aljaʾ senenggom malya unaʾ unululanya nera nidyaʾ doboka bobogamla! Bok, malya unaʾ mekaʾ doboka boloklelanya bera, wanaʾ unaʾ anaba mek ok ulumla,” hyok.

ROMA 3:23

Anasa, nimi nidyaʾ ara seleb malya umeekanya, Imik Neyung adya aljaʾ senenggomaʾ si imik nenenaʾ ara, seleb sokol lonaʾ dangalamla,

ROMA 5:20

Bok meknenaʾ hwam ok dangalalul aboka, unuwanalum an yuba hnon makok. Dara, hanyagarek meknenaʾ hwam ok gong danggiga balamlaʾ ak ara, wera wanaʾ uboka eleksinaʾ ara, sounum-sounum abgiga balamla.