LUKAS 6:19 - PERJANJIAN BARU NALCA YUBA

¹⁹ Wera nimi nidyaʾ ara, Yesus ara nimi hwesin migib alak ab goblomokaʾ adya, nimi nidyaʾ merellilisukaʾ anasa, sikda Yesus adyaʾ akleng ek soruka dibibya dara, merewananobaʾ anyaʾ senewoka dulumek.

LUKAS 6:19 交叉參考

MATIUS 14:36

Anya sikja, neyung o, nun dam nang anja akleng ek sam mekaʾ bebegananjab dara, merewanamab aboka Yesus ak molowek. Dara, nimi neiklemek nimi nidyaʾ ara, Yesus adya akleng ek bebegemek dara, sikda merewek.

MARKUS 3:10

Yesus ara nimi nauba merellilisukaʾ anasa, yok neiklemek nang edya dara, alak bebeganob senewoka, ol gogoldalamek.

MARKUS 5:30

Dara al neik salek enyek, Yesus adya alja migiba hnon goboka yabokaʾ ak eibdok. Dara, alda sam saaboka nimi hnoum, ”Heknedya nadya akleng ek ara, soruka bebeganel do?” aboka heibsuk.

MARKUS 6:56

Wera Yesus ulumnaʾ ak ara, or nauba heikek gom, mek heikek gom, nimi nauba sobaʾ neiklamna nanga beʾ gologoka, jaboka heik gasaʾ ak bo beillil yalamek. Anya, sikda Yesus adya akleng ek mekaʾ soruk dem adya bebeganobaʾ aboka dublemek. Dara, nimi Yesus adya akleng ek soruka bebegan nim era, nidyaʾ gobdo merelemek.

MARKUS 8:22

Wera Yesus ab, alja yuba doro diriga ban nang eb dara, Betsaida moka byik. Dara anyeganara, nimi heng umoknya ben hnon bo yeindeboka, sikda Yesus ak alja soruka diyiboka hweblulaʾ aboka, molowek.

LUKAS 5:17

Onoʾ yok sum enyek, Yesus ara anam neklesuk salek enyek, anyagan ara Parisi nanga hnon, Yahudi Imik Neyung yuba neklesik nanga hnon bulumek. Sikda Yerusalem ab hnon, Galilea sokok ab, Yudea sokok nimi heikek ab, nimi nidyaʾ yeilimek. Wenelesilnya bedya migib era, neiklemek nim ek hwebsululaʾ aboka, Yesus ak ulumok.

LUKAS 6:18

Dara sikda yalameknya nera, hnonda Yesus adya Imik Neyung yuba lelemokaʾ anyek kelenobaʾ aboka yalamek, hnon nim era, sik neiknaʾ neiklemekaʾ anyek hwebsululaʾ aboka yalamek. Dara onoʾ sik bisaʾ goloklesuk nim eneba bisaʾ yakoka merellilisuk.

RASUL 19:12

Dara anedya, soruk lubuldanaʾ gom, saramek noroldanaʾ akleng gom, Paulus bedya ongolamnaʾ beiblomna anyek doboka, neiknaʾ salamna nang ek bo yeilimek dara, sikda meremeekanya, bisaʾ gologosinaʾ ara goboka dengaboka baldolomek.

1 PETRUS 2:9

Bok ugun nim enyek dara, seleb orowek Imik Neyung adya weboka dobsuk nim ek ululum. Yuba lenaʾ gak nim ek uboka, geisa sokok nim ek ululum. Imik Neyung amba ok uboka, Imik Neyung alja mabo silibaʾ ululum. Imik Neyung adya ugunuk weboka doboka, gunaʾ lomok abaʾ ara, alja dilinaʾ ak sam yoululum aboka youbusukaʾ ara, alja senenggom ununaʾ enyek ugunja hyak nauba yok nim ek lero yibilulumaʾ aboka anara ubsuk.