LUKAS 5:20 - PERJANJIAN BARU NALCA YUBA

²⁰ Bo yeilimek nang edya, Yesus adya hwebnamlaʾ anyaʾ dib senen ganya bomekaʾ ak eibsuk dara, heimoknya bek an, ”Hem o, anja malya unaʾ era seleb doboka bobogagen,” hyok.

LUKAS 5:20 交叉參考

MATIUS 9:2

Heik enyek anara, nimi ben hnon esonaʾ adya yangawoka bo yeilimek. Bo yeilimek nim edya dib senenaʾ ara, Yesus adya eiyisuk dara, alda neiknaʾanya bek, ”Najab o, or anja ganya hekgulul! Anja malya unaʾ era seleb anak ab memenggen bar!” hyok.

MATIUS 9:5

Wera har nerek pe yongona lebnesom: Malya unaʾ seleb memenggen, anaʾ ak gom, Sekoka balom, an danyek gom?

MARKUS 2:5

Yesus adya kemelemok enyek, hwebnamlaʾ anyaʾ senewoka, dib senen ganya enyek eiyisuk dara, Yesus adya nonga heimokaʾ bo yeilimeknya bek, ”Najabo, anja malya unaʾ ara, anak ab seleb meewagen,” hyok.

LUKAS 7:48

Dara onoʾ Yesus ara gel genyek an, ”Anja malya unaʾ dara, anak ab seleb memenggen,” hyok.

YOHANES 2:25

Yesus ak dara, alda hyak nimi ganya ak orowek ella ulusilnya bek anasa, nim adya bera ban anaso ulumla aboka, nak neknenok senewanggumok.

YOHANES 5:14

Wera onoʾ eimik enyek, meremoknya bera Yesus ara Imik Neyung ek sam eibuk dara, Yesus adya benyek, ”Wera anda seleb merewalamaʾ anasa, onoʾ hnon sounuwoka malya unggom mem. Onoʾ malya ubmen dara, hyak nauba so malya dagelyek bar,” hyok.

RASUL 11:23

Wera, Barnabas bera seleb Antiokhia heikek yeiniboka, Imik Neyung adya nimi ganya lomok yokaʾ-yokaʾ nidyaʾ pe arawoka unulumokaʾ eiyimok dara, alda hyak eiya damok. Dara, Barnabas bedya Antiokhia nim ek, ugunda hyak Wenelesilnya bek pe ganya dib ologoka kweboka ululum aboka wenewoka lesuk.

RASUL 14:9

Dara alda bera, Paulus bedya Imik Neyung yuba lelemok dara, pe kero bulumok. Wera danyek, Paulus bedya alak ngekluboka, bera dib senemokaʾ eibookanya, Imik Neyung adya hwebnamso senemok dara,

2 KORINTUS 2:10

Ugunuk an malya ubsilinya bek, ugunja meewanalum dara, nababya neikek unulamna. Wera heknyek unulamnaʾ ara, ugunuk meewanalum danasa, Kristus saramek sam ab anara unulamna.

KOLOSE 3:13

Dara neikek, hnonda nimi be hnon yok nim ek alba dirigonun senewanamla dara, or meewanasil dara, malya ubdangamunya nera, meebdanalum. Imik Neyung adya ugunuk malya unaʾ meewousuk sok, ugumbabya neiksonya nenyek unulululum.

YAKOBUS 2:18

Ugunja hnon lebnesomja, ”Nimi hnonda yuba dib senenaʾ ak sam ganya diboka ulumak dara, nimi hnonda pe ununaʾ ak sam ganya diboka ulumak.” Nadya ugunuk lebnesinaʾ ara, ”Nimi hnon pe ununaʾ orokjok, yuba dib senelemakaʾ anyek, nak an aawonululum, dara onoʾ nadya nong unaʾ edya ugunuk yuba dib senelamnaʾ ara aawanasin,” henemso.