LUKAS 3:12 - PERJANJIAN BARU NALCA YUBA

¹² Dara mok sok amba leboka rupiah molowoka dosin nanga hnon, meka dabsululaʾ aboka yeilimeekanya sikda Yohanes Pembaptis bek, ”Neyung neklesilimnya o, nuk dara, hekaʾ ak huwanesibya do?” wenyaboka heimek.

LUKAS 3:12 交叉參考

MATIUS 5:46

Anasa ugunda ugunuk an wanaʾ ulusak nim ok numbabya wanaʾ ulunob senelelum dara, hekasa Imik Neyung ara ugunja unululumaʾ sunuwoka perobaʾ eleganesuso do? Anaso ganya era mok soko amba rupiah molowoka dolomak nang eneba ganya en boboka unulumak.

LUKAS 18:13

Bok mok soko amba rupiah molowoka dolomoknya bera, alda mok sam sekoka, imik sam kemel weiningnaʾ anaba loboka, saraʾ sibuka obdangoka lero mololemokja, Wei Imik Neyung o, nak malya unaʾanya bek an angoo yadyek senewoka arawanelom e, aboka mololemok,” hyok.

LUKAS 3:10

Wenyek nimi nauba alak heilimekaʾ ara, ”Wera anaso dara, nunda hekaʾ ak hubnamab do?” wenyaboka heilemek.

LUKAS 3:13

Dara, Yohanes Pembaptis bera sikenek lebsukaʾ ara, ”Ugunuk dara, unu dolomnelum aboka lerobnya nera sikleb loboka, onoʾ ugunja nauba so gokoka donggom mem,” hyok.

LUKAS 7:29

Nimi nidyaʾ nim, mok soko amba rupiah molowoka dolomek nang eb danaba, Yesus adya ban wenyaro lelemok yuba kemek nim era, Imik Neyung adya unulululum hyok yuba perob senemek nim era sik nong anyek, anya Yohanes bedya meka dasuk nim era Imik Neyung adya peldisinaʾ anyek dib senewek.

RASUL 2:37

Wera nimi nidyaʾ Petrus bedya wenyaboka lelemok anyek kemek dara, nimi nidyaʾ ganya soldowoka obdangamek. Dara, Petrus bek hnon, yok yuba lenaʾ gak nang ek hnon, ”Hemyab o, wera nunda hekaʾ huwanamab do?” aboka heisik.