LUKAS 24:39 - PERJANJIAN BARU NALCA YUBA

³⁹ Na nong anyek an okoka ulumnaʾ anasa ugunda ella dananulum! Ugunda nak an kendunululum. Bisaʾ ganya ara nong soub ab, yok ab dara unggulumlaʾ anasa, wera na nong ak ulunabok anasa, nadya soruka yana soruka salabyaawoka ubnululum,” hyok.

LUKAS 24:39 交叉參考

LUKAS 23:46

Danyek Yesus ara senenggomaʾ ngeboka lebnemokaʾ, ”Neyung o! Anjaʾ soruk lomok sam nadyaʾ embengaʾ unaʾ ganya era, elekdan!” hyok. Seleb wenyabgogowok dara, alda somogok.

LUKAS 24:38

Bok Yesus adya dara, ”Ugunda hekasa ganya eb menegoka, onoʾ lok ganya bololum do? Hekasa ugunja ganya lomok wili-wale alalum do?

LUKAS 24:40

Yesus ara wenyaboka alja soruk eb yan ab sikenek aawosuk.

YOHANES 20:20

Yesus adya ban seleb wenyaboka lebok dara, alja soruka paku bokomekaʾ ab, yaijaʾ ak gamaʾ dolugumekaʾ ab, wera an unuwanyekaʾ anyek, kendululum aboka sikenek amasuk. Dara, alja diriga ban nang era Wenelesilnya eiyimek dara, hyak nauba eiya dasuk.

YOHANES 20:25

Dara onoʾ, yok diriga ban nang, ”Nunja Wenelesilnya Yesus bek aldib eiyimab,” aboka lebek dara, Thomas bedya sikenek lebsukaʾ ara, ”Nara Yesus adya soruk ak paku bokomekaʾ diligaʾ ab heng yokaʾ bekoka eibnenggumnya dara, onoʾ nadya soruk enyek, alja gamaʾ yaijaʾ dolugekaʾ diligaʾ ak soruka dolongnaʾ orok dara, nara aldib senewanggunumna,” hyok.

YOHANES 20:27

Dara, Yesus adya, Thomas bek, ”Anja soruk era nak an dibmenekanya, nadya soruk ak an kendelom. Anda soruk okoka, nadya yaijaʾ lomok sam soruka doronggoka, wera nak ganya penya-penya loboka, alda wera nak dib senewanenelem,” hyok.

RASUL 1:3

Yesus ara, alda seleb somogoka embengaʾ suboka bukumokaʾ seleb dara, nara aldib embengaʾ subna bar aboka, alak diriga ban nang ek laga aabdangoka, dib nong beknaʾ gong elegosuk. Alda li denga hnonok ebdobnya mekbadya sum (empat puluh hari) sikenek aabdangdo amalasuukanya, Imik Neyung adya wenelemnesil yuba neikaʾ saboka ulumek.

1 TESALONIKA 5:23

Imik Neyung ara neikek hillilisilnya, al adya ugunuk gobdo hyak geisa nenewosulul. Nunja Wenelesilnya Yesus Kristus yanamla sum amba, ugunja ganya hnon, ugunja nong unaʾ hnon, ugunja nong eb hnon, nidyaʾ hiboka hyak perob nongnya nenyek bo ulusulul.

IBRANI 12:9

Dara nunjaʾ neyung be yokaʾ nong ok ab ban wenenaʾ ara dolomabakanya, sikda nunja dara, nunjaʾ neyung yab senelemab. Wera anaso dara, nunda embengaʾ dobnemab aboka dara, ganya bo usinnya neyung bek ara hyak pe keboka ganya ologoka ulumnamab.

1 YOHANES 1:1

Ban yub enyek nidyaʾ ara, nim embengaʾ unaʾ eleklesil yuba men youmaʾ ek moruwoka ulumokaʾ anyek momnya dobab. Nunja o kemoubukanya, heng eiyimouba. Nunja seleb okoka eiyiwoka onoʾ nunja soruk edya seleb salamouba.