LUKAS 24:11 - PERJANJIAN BARU NALCA YUBA

¹¹ Bok yuba lero ban nang edya dara, gelewa danadya lebek yuba dara, or salyaʾ lelem sondaʾ amba miniwoka lebak gom senemek. Anya sikda gelewa danadya nekdo yek yub era dib senewanggumek.

LUKAS 24:11 交叉參考

MARKUS 16:11

Bok, sikda Yesus ara seleb suboka embengaʾ bukumlaʾ anyek, alja eiyimla an yuba kebek dara, sikda sondaʾ lelemla senewek.

MARKUS 16:13

Dara, ban penya nang era, nunjaʾ Yesus sublaʾ ak eibnam aboka, yok yuba donaʾ nang ek nekdo yarek bok, sikjaʾ anaba, sonda lelerak senewek.

MARKUS 16:14

Unubgiga balamokaʾ ara, Yesus ara alja yuba doro diriga ban nanga goklombadya nanga delemekaʾ hnoum aabdok. Dara, nimi yok nim edya Yesus ara seleb embengaʾ suboka bukumlaʾ eiyimab alamekaʾ kelemekjok, ganya gasa uboka, okoka dib senewanggumekaʾ anasa leboka, Yesus adya sikenek wabsuk.

LUKAS 24:25

Dara Yesus adya sikenek lebnesukaʾ ara, ”Ugunda hyak dongdang anaʾ nang ek ulurum! Ununumnaʾ lelemek nang edya ugunuk nidyaʾ lesikaʾ ara, ugunda okoka berra ganya dib senenggulurum nang ek ulurum!

LUKAS 24:41

Wera sikda hnon ganya era, anam lok gar-gadyaʾ uboka ei-ei ganya bobekaʾ adya, anam dib senewanggubek salek enyek, Yesus ara sikenek, ”Ugunda denaʾ hnon beiyilum gom?” aboka heibsuk.

RASUL 12:9

Dara wenyek, Petrus bera nimi gasa gouboka beilisin ek ab ara lero ablaboka neikaʾ goberek. Bok Petrus bedya dara, nera aldib kaboka okoka ulunam senenaʾ loboka alja dara, ononaʾ dib ulunam do, senemok.