LUKAS 22:19 - PERJANJIAN BARU NALCA YUBA

¹⁹ Seleb dara Yesus ara roti gwaneng doboka, Imik Neyung ak perob aboka giboka molobgogowok dara, roti gwaneng neikaʾ delemek nang ek soboka elekgogowosuk dara, lebokja, ”Nadya nong ugunsamba doboka elegeisinaʾ ara an. Ugumba ban unu delemnelumaʾ adya nak beklemnenulum.”

LUKAS 22:19 交叉參考

MATIUS 14:19

Wera Yesus adya nimi nauba ulumek nim ek, ”Holaʾ eilib buklulum,” hyok. Dara Yesus adya lambadya roti gwaneng eb, penya hadyaʾ eb dara, imik keeboka, Imik Neyung ak perob aboka giboka molowok. Seleb molobgogowok dara, roti gwaneng era Yesus adya soboka alja yuba doro diriga ban nang ek, nimi nidyaʾ ak boknelum aboka elegosuk.

MATIUS 15:36

Anya Yesus ara roti gwaneng sekbadyaʾ anyeb, hadyaʾ danyeb doboka, Imik Neyung perob aboka giboka molowok. Seleb dara, roti gwaneng ab hadyaʾ ab dara, soruk adya soboka, alja yuba doro diriga ban nang ek elegosuk. Dara nang enedya nimi nidyaʾ bukumek nim ek boksik.

LUKAS 22:17

Ban nen wenyabgogowok dara, Yesus ara alda mek hmeiya doboka Imik Neyung ak perob aboka giboka molowok dara, delemek nang ek lebokja, ”Ugunda banyek dobmunukanya, bokdangoka denelum e.

LUKAS 22:20

Anaso neikek seleb debgogowek dara, meka gweboka beiyimokaʾ ara neikaʾ delemek nang sikenek lebokja, ”Ban mek enedya wenyok unuwanamna anaʾ era pik mourunaʾ dibaʾ yarawal. Nadya eneng edya, mek eneng enera ugunsamba leboka yeksin,” hyok.

LUKAS 24:30

Wera neikaʾ bukoka delemeekanya, Yesus ara gwanenga doboka, Imik Neyung ak perob aboka giboka molowok dara, gwaneng era alja soruk adya soboka, sikenek bokoka elegosuk.

YOHANES 6:23

Bok, onoʾ yok mek ekla bunaʾ hnon Tiberias heikek ab yeiniboka Yesus gwanenga soboka Imik Neyung ak molomok enyek demek oulyang berem mal yalamek.

YOHANES 6:51

Imik heikek ab embengaʾ unaʾ gwaneng yinggyukaʾ ara, na nong ulumna. Anasa, heknedya ban gwanenga delenya bera, hyak sob-sobaʾ or ulmoublumnamla. Ban gwaneng era nadya nong ek lemna. Nadya nong ek, ban soko nim emba, nim embengaʾ ulunokaʾ aboka, eleganamnaʾ ak lemna,” hyok.

1 KORINTUS 10:16

Nunda beknaʾ meka delemab sum enyek, Imik Neyung ak perob aboka giblemab dara, wera nunda Kristus alja eneng adya, hnonok nonga dangiyisukaʾ ak sunulumab de? Dara onoʾ, gwanenga soboka elekdangoka delemabnya nera, Kristus ab neikaʾ hnonok nong seleb danggumoubaʾ ak sunulumab de?

1 KORINTUS 10:4

onoʾ al neik ganya mek enyek delemek. Sikeneb neikaʾ bo balasuk Imik Neyung girik ek ab meka delemek. Ban girik era, Kristus nong yokaʾ ak ulumok.

GALATIA 1:4

Nunja malya unaʾ enesa leboka, wen malya unaʾ sokok an ulumabaʾ ak anyeb, blebsununaʾ aboka, nunja Wenelesilnya Yesus Kristus, al nong elekdok. Ban unuwokaʾ ara, nunja neyung Imik Neyung bedya seinimokaʾ sunuwoka unuwok.

GALATIA 4:25

Ban Hagar gera, Arab sokok ab Sinai meinik ak sunumok. Alda alja mab eb yok nang edya wa wenaʾ nang ulumnemekaʾ anasa, alda Yerusalem moka wen ulumla anasoʾ ak sununaʾ era an.

EPESUS 5:2

Kristus nonga somogokaʾ ara so meklaʾ song anasoʾ ak, Imik Neyung ganya hek elegoka, al nong ara nusamba beibdangoka somogosuk sok, ugunda wanaʾ ganya boboka unura yabalelulum.

1 TESALONIKA 5:18

Yesus Kristus mab ululumaʾ anasa, nidyaʾ ulusilnya nemba, giblelulum. Imik Neyung ara nenyek perob senelesil.

TITUS 2:14

Nuk malya unaʾ nidyaʾ ak ab blebsununaʾ aboka, al nong anyek nunsamba leboka elegosuk. Anadya wera alja mab ok nenewoka, malya unaʾ mekaʾ unggom nimi neniyiwoka, perobnya nenyek, yeng ganya boboka ulunokaʾ aboka, ubsuk.

1 PETRUS 2:24

Nu nong anyek malya unaʾ adya gobuka ulusukaʾ anyek bleboka perobaʾ nenewosununaʾ aboka, anadya Imik Neyung adya unu ubseng senelelanya sunuwoka ubnokaʾ aboka, nunja malya unaʾ gong dara, Kristus adya huka boboka gal ak somogok, Kristus adya eneng menengaʾ edya ugunuk ara bleboka hwebsuk.