LUKAS 21:16 - PERJANJIAN BARU NALCA YUBA

¹⁶ Ugunuk ara, ugunjaʾ genonga neyung adya hnon, ugunja weisab edya hnon, ugunjaʾ meneng ek nim edya hnon, ugunjaʾ hem yab edya hnon, obsululum aboka yuba dil binisak. Ugun nong ara hnonda sikja obnesak.

LUKAS 21:16 交叉參考

MATIUS 10:21

”Nimi nidyaʾ nadya weis ek obnelum aboka, yok nim ek lebdangdo yibinemak salek hnon yanamla. Neiksonya nera hnonda eili bedya alaʾ me ak gom, alja me nedya eili bek gom unubdangdo yibinemak. Meneng mab edya, sikjaʾ genong neyung ak yok nang ek obnelum aboka yuba dibdangdo yibinemak.

MARKUS 13:12

Nimi be hnon aljaʾ meneng hem benyek, yok nang ek or obnelum aboka dob eleganamla. Dara neikik, be hnonja alaʾ me ak unuwanamla. Hnonda meneng mab edya, sikja genonga neyung ak obdangoka yuba dil balameija dara, hnon dibaʾ olomnemak.

LUKAS 12:53

Neyung bedya alja me neb mala webdanarak dara, onoʾ alja me nedya eili beb mala lanabdanarak. Dara gel adya alja gelma ek mala lanawanamla dara, onoʾ gelma adya eiling gek mala lanawanamla. Anya alja soumun gedya alja gelma edya gelma eb mala lanawanamla dara, onoʾ saaboka gelma adya gelma enedya aljaʾ soumun gek mala lanawanamla,” hyok.

LUKAS 21:15

Ugunjaʾ isaʾ nang edya, ugunuk malya nenewoka obneboka, ugunja lebnemun yub era sondaʾ amba lebak senen dalyek aboka, nadya ugunuk sabnemun yub eb, ella dangan geremseng eb eleganesin.

LUKAS 21:17

Ugunda nadya yuba donaʾ nang dibaʾ ulumunaʾ anasa leboka, nimi nidyaʾ ugunuk lek senelemnesak.

RASUL 12:2

Dara al onoʾ Herodes bedya orugosuk adya Yohanes bedya alja weis Yakobus bera waren gabo adya omek.

RASUL 7:59

Wera Stefanus bera girik adya anam saboka olomek salek, Imik Neyung ak molowoka lelemokja, ”Wenelesilimnya Yesus o, nadya ganya an doboka beibnelom,” al yabok.

WAHYU 12:11

Dara nunja hemyab era, domba me eneng adya hnon, dib yub ak hnon, sikja laga lelemeknya nenedya, alak oblamagamek. Sikda sik nong anaba, or somogamnya anaba senewoka seleb unuru yabalamek nang.

WAHYU 2:13

Nara anda har sam ululamaʾ, nara seleb ella ulumnaʾ ara, anda bisaʾ dubnya Satan bedya dub heikek sam ululam. Anyek bok, anak dara, nadya si nek hyak pe bojam ulunelem. Nadya bojam unenya Antipas be ugunja heikek obek sum eneba, anja dara, nara Yesus ak dib senenggulumna aboka gunuwoka lebnenggublum.”

WAHYU 6:9

Dara domba me ara lamnya beknaʾ denenaʾ bakal yabok dara, nara sik Imik Neyung yub amba hnon, laga pe lenaʾ sikja boboka lelemeknya nenesa leboka, seleb osik nang edya, sikja ganya era, uka daboka gibnaʾ oulyang damumduk sam eibsa.