LUKAS 2:48 - PERJANJIAN BARU NALCA YUBA

⁴⁸ Wera aljaʾ neyung genong ara, Yesus adya ban unulumok anyek eiyirek dara, hyak ganya lok dasuk. Dara alja genong gedya Yesus ak, ”Anda hekasa nuk ara anaso unulusilim do? Anja neyung beb, nab dara, nunda anak ilil ganya boboka elenggenem bar,” hyok.

LUKAS 2:48 交叉參考

MATIUS 12:46

Wera Yesus ara wenyaboka anyagan ulumek nimi mandebnaʾ eb anam yuba salamek sab-sab, alja genong geb, alja weisab eb yeilimek. Sikda beiyik sam sekoka, Yesus ab eibdangoka yuba sabsibya senewoka ulumek.

LUKAS 2:49

Yesus adya sikenek lebsukaʾ ara, ”Ugunda hekasa nak elenurum do? Nara nadyaʾ neyung bedyaʾ e lomok sam ulumnesinya ara, ugunda elgom ulurum de?” hyok.

LUKAS 3:23

Yesus ara sokok an alja wa web einiwok salek era, alda gibnaʾ ara denga hnonok ebdobnya winilya lebok bok, web einiwok. Dara, nimi yok nim edya senelemekaʾ ara, Yesus ak dara, Yusuf bedya me ulumla senelemek. Yusuf bera alda Eli bedya me ulumok.

LUKAS 4:22

Anya nimi nidyaʾ ara alak pe lelemla senemeekanya, alja lero balamok yub enyek hyak perobja senewoka, ganya salya ura lelelanya senemek. Anasa sikja lelemekaʾ ara, ”Benera Yusuf bedya me bok lelelaba,” abdangdo yabalamek.

YOHANES 1:45

Pilipus bedya Natanael be eiyiboka alak, ”Musa bedya unuwanalum an yub sam alak weboknya bera, ununumnaʾ lelemek nang alak wemeknya bera, eiyimab. Nazaret heik nang Yusuf bedya me Yesus alak eiyimab,” hyok.