LUKAS 2:36 - PERJANJIAN BARU NALCA YUBA

³⁶ Dara onoʾ al anyeganera, Asyer nang yilaʾ Fanuel manggel, alja si nera Hana, ununumnaʾ lelemok gel gek hnon ulumok. Alda neboka, seleb yamen dangamok. Anasa nenya dobok salek era, gibnaʾ sekbadyok alaʾ nenya ab neikaʾ ubdek.

LUKAS 2:36 交叉參考

LUKAS 2:35

Dara nimi nauba ganya lomok laga doululaʾ aboka, onoʾ anak dara, yok mal edya anja ganya nong ak doluganenggel,” hyok.

LUKAS 2:38

Dara neik salek enyek, albabya anyegan yeiniboka, Imik Neyung ak perob aboka gibookanya, me nenyek geklewoka, Yerusalem heik henga lobnaʾ amba bo yanamok sum amba diri ulumek nim ek, nauba wenyhusuk.

RASUL 2:18

Nadya wa wen nim, nengmab ab, gelewa ab, ban sum enyek, nadya geisa ganya era sikenek yeklingganesin. Sikda ununumnaʾ lelemnasak.

RASUL 21:9

Pilipus bedya ek alja dombadya gelmab dara, ununumnaʾ lelemek.

1 KORINTUS 11:5

Bok onoʾ saawoka, gela hnon heng uboka mololamla gom, Imik Neyung yuba nim ek lel elekleladyok, alda huk goulunaʾ goulunaʾ orok dara, alja gel genedya huk dubuk ululanya, alja nenya ek malya nenelamla. Dara, gel genera seleb honga sirikaʾ gugumna gel genesoʾ ak ulumla.

1 KORINTUS 12:1

Wenyek dara, Imik Neyung Geisinya adya wa wenaʾ migibaʾ yok-yok eleklesilaʾ ak lebnamna. Hemyab o, ban yuba damok enyek dara, hyak pe dibaʾ ella danasom senelamna.

1 TIMOTIUS 3:2

Dara, nimi bo usin wa welelanya bera, alda si gegena ponaʾ oroknya benyek, alda gela hnonoknya bek, ganya siklewoka pe diri uldalalanya benyek, pe seinililanya benyek, perob ok uboka memeldalalanya benyek, alja ek yanggan nimi perobaʾ leboka doro diyiwoka, albabya nimi pe nekoka ulusilnya bek ululul.

1 TIMOTIUS 5:9

Ban damumduk an lebnamna yub enyek, unulumeija gelewa enyek, ugunja dara, wera youk gelewa henelumukanya, momnya dobnelum ara, alja gibnaʾ era denga penya so leboka boklomso dara, hnonda gel genera nenya ara li hnonok doboka alaʾ nenya somogamso dara, or momnya dobnelum.

WAHYU 7:6

Asyer nang yilaʾ ek ab dara, denga yubaʾ ara, dua belas ribu nang beknaʾ en denesuk. Naftali nang yilaʾ ek ab dara, denga yubaʾ ara, dua belas ribu nang beknaʾ en denesuk. Manasye nang yilaʾ ek ab dara, denga yubaʾ ara, dua belas ribu nang beknaʾ en denesuk.