LUKAS 2:26 - PERJANJIAN BARU NALCA YUBA

²⁶ Dara alda Imik Neyung Geisinya adya orowek alak men, anda Imik Neyung adya nimi blebsinaʾ dubnya, Wenelesilnya bedya sekiyiwoknya Mesias benyek, anam eibnenggumem bok dara, anda men somoganggunulam.

LUKAS 2:26 交叉參考

MATIUS 2:12

Dara, Imik Neyung adya, Herodes bek saaboka binggunulum aboka lendar pik wenewosuk dara, sikda yok pik uboka sikja mok byik.

LUKAS 2:29

”Anasa wera Wenelesilimnya Imik Neyung o, anja wa wenanya bera, anja yuba lelemlaʾ sunuwoka, or pe ganya senenya loboka bindiwoululaʾ aboka or senewanalam.

LUKAS 9:27

Nara ugunuk lebnesin, Ugun ban ublum nang enera, hnonda Imik Neyung adya wenelemnesilaʾ eibnenggumeija bok dara, somoganggunulum nanga hnon ululum,” hyok.

YOHANES 1:41

Alda men unumokaʾ ara, alja dong Simon be eboka alak wenhyok, ”Nunda Mesias seleb eiyimab,” hyok. (Kristus anasa lebok).

YOHANES 20:31

Bok, ban nidyaʾ anyagan momnya dorobnya nera, ugunja Yesus ara aldib Kristus nimi blebsinaʾ dubnya uboka, Imik Neyung me dibaʾ senewoka seiniwolulumaʾ aboka, dara alak dib senelemunaʾ adya, alja si nenesa leboka, ugunda embengaʾ unaʾ dibaʾ dobnelum aboka, ban yub era momnya dorob.

YOHANES 4:29

”Ugunda nak yokaʾ-yokaʾ nidyaʾ nadya unulunanya nidyaʾ laga nenelnya benyek kemel yoululum. Alda nimi blebsinaʾ dubnya Kristus ulumla do?” hyok.

YOHANES 8:51

Nara ugunuk dib lebsin, nadya yub ek dib senewoka unululanya bera, alda somoknaʾ hyak loboka ulmoublumnamla,” hyok.

RASUL 10:38

Imik Neyung adya Nazaret mok ebnya Yesus ak sekiyiwoka alak Geisinya ab, migib ununaʾ ab, alak elegemok ara ugunda seleb ella ululum. Dara onoʾ, onya Yesus bera Imik Neyung migib alak gologomokaʾ adya, alda yokok sam yokok sam perob ok unuro yabalamok. Dara, al neiknya bera nimi nidyaʾ bisaʾ gologesin nang merellilisuk ara, ugunda seleb ella ululum,” hyok.

RASUL 17:3

Wera Imik Neyung yuba momnya doboka anyek sunuwoka, Paulus bedya Imik Neyung adya nimi blebsinaʾ dubnya eleganesin amoknya Kristus bera somogalyekanya onoʾ li winilinya sum era embengaʾ suboka buknamla aboka nekesuk. ”Imik Neyung adya nimi blebsinaʾ dubnya eleganesin wenyamoknya bera, Yesus aboka nadya ugunuk lero yalasin an,” hyok.

RASUL 2:36

Anasa wera, Yesus ugunja oboka gal ak glablumnya bera, aldib Imik Neyung adya or ban Yesus anyek, nimi wenesinaʾ ab blebsinaʾ ab, dubnya Kristus jaboka sekiyimok, ara Israeli nimi nidyaʾ pe ella danasom,” hyok.

RASUL 9:20

Dara nenyek moruwoka, Yahudi nim edya yuba don e pik biniboka, nimi yok nang ek, Yesus ara aldib Imik Neyung bedya me dibaʾ aboka lel eleklesuk.

IBRANI 11:5

Dara Henokh bera alja ganya dib senenaʾ adya, alda somogalyek aboka Imik Neyung adya gamyakaʾ do welewokaʾ adya alda eibnenggubek. Anasa alda anam do welewanggom dara, alda Imik Neyung ak ganya hekellilemok.