LUKAS 17:25 - PERJANJIAN BARU NALCA YUBA

²⁵ Bok men dara, wen ulumak nim edya nimi dibaʾ me donaʾ loboka, alda igina kweboka nauba gweknamla.

LUKAS 17:25 交叉參考

MATIUS 16:21

Ban sum enyek moruwoka, Yesus ara alja yuba doro diriga ban nang ek, nara Yerusalem heikek binimnekanya, Yahudi dub nang eb, Imik Neyung yuba wa gakaʾ dub nang eb, yuba neksin nang edya nauba igin kweiyiwoka, oboka dibnenyak dara, winilinya sum era, embengaʾ suboka buknamna aboka laga poboka leb einiwousuk.

MATIUS 21:42

Danyek Yesus adya sikenek, ”Ugunda Imik Neyung yuba momnya dobokaʾ ara hnon mekaʾ eininggululum de? E sonaʾ nang edya, loboka e songgulumak girik era, men perob girika dangamok. Anera Imik Neyung adya unusukaʾ ara an, perob nongaʾ senelemab e! aro momnya dobok,” hyok.

MARKUS 10:33

An alja neksukaʾ ara, ”Ugunda pe kebnelum. Nunda wenera Yerusalem heikek balamab. Dara Yerusalem heikek ab dara, nimi dibaʾ me nera doboka, Imik Neyung yuba wa gakaʾ dub nang ek hnon, yuba neksin nang ek hnon, elegeija dara, wera sikda yuba saboka obnok aboka, Yahudi gom nim ek doboka eleganamak.

MARKUS 12:10

Ugunda ban yub en Imik Neyung yuba momnya dobokaʾ ara, hnon eininggululum de? Nim e son nang edya lorob girik era, men beiyiboka sunun girika dangoka ulumla.

MARKUS 8:31

Nen seleb dara, Yesus ara alja yuba doro diriga ban nang ek, ”Nimi dibaʾ me nera hyak nauba oka deregoka gweknamla. Anya Yahudi dub nang eb, yuba wa gakaʾ dub nang eb, yuba neksin nang eb dadya, alak malya gebija dara, dibaʾ obnemak, bok winilinya sum era embengaʾ suboka buknamla,” aboka neksuk.

LUKAS 18:31

Yesus ara alja yuba doro diriga ban nang ek sikbeyokaʾ ak mamagiyiwoka lebsukaʾ ara, ”Ugunda pe keblulum! Nunda wenera Yerusalem heikek balamab. Dara, Yerusalem heikek ab dara, ununumnaʾ lelemek nang edya nimi dibaʾ me nemba leboka momnya dorobaʾ nidyaʾ ara, gigiwoka unuwanamla.

LUKAS 18:33

lika winilinya sum era, alda embengaʾ suboka buknamla,” hyok.

LUKAS 24:46

Onoʾ hnon Yesus adya sikenek, ”Imik Neyung yuba bukuk lomok sam ara lero momnya dobokja, Kristus, nimi blebsinaʾ dubnya bera nauba igina kweboka gweknamlakanya, winilinya sum era somoklomakaʾ ak ab onsok embengaʾ suboka buknamla.

LUKAS 9:22

Anya Yesus ara lebokja, ”Nimi dibaʾ me ara, nauba gweknamlaʾ ara, Yahudi dub nang eb, Imik Neyung yuba wa gakaʾ dub nang eb, yuba neksin nang eb dadya, malya nenewanamak. Alda hyakaʾ obnemak bok, winilinya sum yenewalya dara, onoʾ embengaʾ subnamla,” hyok.

YOHANES 1:11

Aljinya nek yeilimok bok, alja meneng mok nim edya dara, alak perobaʾ leboka dobnenggumek.

YOHANES 12:38

Yahudi nim edya Yesus ak dib senenggulumekaʾ damok era, Imik Neyung yub orowek ununumnaʾ lelemoknya Yesaya bedya momnya dobokaʾ anyek gigiwolulaʾ aboka, unumek. Momnya domok yub era, ”Wenelesilimnya o, nunja lelemab yub era, heknedya dib senemla do? Hnon Imik Neyung migib ara heknyek laga amamla do?” aboka dobok.