5 Wenyaboka ban benera, alja neyung bedya wa welemok salek enyek, rupiah del lolomek nanga nidyaʾ ebmamagosuk. Dara mennya bek, anda nadya neyung bedyaʾ ara hekbadya deb loblum do? aboka heibuk.
Wera dubnya bera alja wa wen nang ek anda hekbadya rupiah anaso doboka deb loblum aboka yana lelelesuk sum era, hyak senenggom einiwamenggom rupiah gobdo deblomoknya bek bo yek.
Wera ban wa wenaʾanya alda goboka yabok dara, onoʾ yok wa wenaʾanya bek alak an rupiah hnon deblomoknya bek eibuk. Wera benyek nganga weneb salawoka ol yabookanya, lebokja, Nadya rupiah deb lobnulumaʾ ara men deknenelem! hyok.
Benedya dara, perob ngiknaʾ mek anyek senenggom gokna denga dombadya anaso deb lobsa. Dara wa wenaʾanya benedya, wera rupiah deb loblum momnya donaʾ era ban, anda bukoka, gokna denga penya aboka momnya doblom.
