LUKAS 12:48 - PERJANJIAN BARU NALCA YUBA

⁴⁸ Bok alja wa dubnya bedya seinilamla ganya era elgom ululadyok, legebnaʾ deboka obnamso unaʾ enyek, welemla wa wenya bek ara, or mek domdigum soʾ obnamla. Anasa anam nauba unulumnenelem alenya bek ara, alja nauba lunuwoka molowanamla,” hyok.

LUKAS 12:48 交叉參考

MATIUS 13:12

Nimi nidyaʾ orowek nauba bolomak nim era, sikenek nauba elek maknesil dara, hyak nauba bolomnemak. Bok yokaʾ-yokaʾ hnonda boldonaʾ orok nim era, sikenek an wen mekaʾ ulusilnya nera, sikenek ab dobnamla.

MATIUS 23:14

Ugunda yuba neksin nang eb Parisi nim eb dara, hyak omom nongaʾ ak uboka sene bol nenesinaʾ hwam nim ululum. Ugunda nenya orok gelewa ek sondaʾ leboka, sikja ek ulumlaʾ doluwoka dololumukanya, yok nim eibsinokaʾ aboka, ugunda heng uboka waranaʾ mololelum. Ban unululumaʾ adya ugun nong anyek hyak nauba obnesil.

LUKAS 12:41

Wenyek Petrus bedya Yesus ak, ”Wenelesilimnya o, anja lel eleklesilim sununaʾ yuba danara, nimi nidyaʾ nim ak lelesilim gom, nun ok lelesilim gom?” aboka heimok.

LUKAS 12:49

”Nara sokok anyek uka singinaʾ damoka bo yeilimsa. Uk anyek seleb singiwoka denemso dara, perob senewanasinya.

LUKAS 16:2

Anasa dubnya bera rupiah beiyiboka memelemoknya bek e yeiniboka lebokja, hekaʾ ak nara ansamba yub era kemna do? Wenera nadya wa welenelemaʾ anyek, nara unu pe welemna aboka nidyaʾ lelewoka neknenelem. Anda sum enyek moruwoka eimik era, nadya rupiah salawoka bo unya unggulumnunelem, hyok.”

YOHANES 15:22

Nak yanggusinyekanya, ban sikenek wenyanaʾ orok dara, malya unaʾ sikenek unggulumnususo bok, wenyek dara, sikja malya unaʾ orok senen lebnengguneseng.

RASUL 17:30

Nunja youmaʾ dongdang alamoubnya nera, Imik Neyung adya seleb hekiyiwosuk bok, wenyek dara, nimi nidyaʾ mok soko me ulumak nim ek, ugunda ganya dangawoululum wenyalasil.

1 TIMOTIUS 1:11

Imik Neyung adya ugunuk youbsukaʾ ara pe weisin senelesululaʾ aboka ugunja dib senenaʾ ak anyek pe sunuwoka, nauba perob danggiga balasululaʾ aboka, sobaʾ ara nunda ugunsamba mololesab.

1 TIMOTIUS 1:13

Men dara, nara alak dib senewanggumsaʾ adya, nadya alak malya lelemsa, alja mab olomsa, yu ganya boboka ulusebok, elgom adya unulamsaʾ anasa, nak angoo yadyek senewoka arawanyookanya, ban wa nen welelom aboka elegenyok.

1 TIMOTIUS 6:20

Timotius o, nidyaʾ anak welelom aboka lenjok wa nera, hyak pe keeboka diri ululom. Anak dara, nimi yok-yok yuba salamakaʾ anyek, perob gomnya nek hnon, malya uboka doluwoka gangganaʾ gok menegoka, si ara el danganaʾ alamak ak ab ganya walabdangoka ululom.

TITUS 1:3

Dara wera, perob sum en unuwanamna senemok sum enyek, yuba lelelulaʾ aboka orugomokaʾ adya, laga dangiyimok. Anadya wera, alja yub era, nak an anja lelelom aboka lobongganyok. Dara, nara nunja Imik Neyung bleblesilnya bedya orugonyok yub ek, sunuwoka lero yabalamna.

YAKOBUS 3:1

Na kabo nim o! Ugunda banyek ella danalum, yok nim era or mek so bok, nunda neksin nang dangalamab nang enyek, eimik era hyak gasaʾ anyek nauba yana lelewanasil bok anasa, nauba neksin nang danamab senenaʾ ara mem.