LUKAS 12:19 - PERJANJIAN BARU NALCA YUBA

¹⁹ Dara onoʾ nadya nong ek na damnya lebdananadya, Anak dara, pelelam! Yokaʾ-yokaʾ nidyaʾ ara anda deregoka bololamaʾ anjaʾ ulumlaʾ anasa, gibnaʾ gong-gong lelemlyaʾ anaba denghenggunumla. Anda dek-deka soldibilloklolom! Gwaneng meka deblaboka eiya hlaboka pero nonggo aro ululom! aboka lebdok.

LUKAS 12:19 交叉參考

LUKAS 12:18

Dara onoʾ alda ganya seiniwoka al damnya ganya ek lebdokja, Wera ban nenyek seiniwan, nadya masa beilin e nera onoʾ golowoka nauba sobgoknamna senewok. Unu sobnya ek an nadya gandum ab, nadyaʾ yok-yok bonaʾ eb dara anyagan beibnamna.

LUKAS 16:19

”Nimi ben hnon bonaʾ dubnya ulumok. Boksom ara hyak perob nong boksom ok ongowoka, denaʾ ara hyak sobaʾ perob denaʾ ok delsinilemok.

LUKAS 21:34

”Ugunda nimi dibaʾ me yanamla sum era, ugunda masa nauba youboka deregoka, serema salalesil meka salyaʾ deregoka, sumen yanamlaʾ ara ugunda elgom anasa, ugunuk nong unaʾ enesa ganya seiniro ulumunukanya, wene salek yalyek anasa, pe kemero uldalalulum.

1 KORINTUS 15:32

Nara Epesus heikek anara, nara yeiriwoka bei gama yakoka okoka obnenggununadyok sab losinimaʾ ara, nim amba bok salyaʾ lelem unuro yabalesinya dara, hekaʾ pewaneneso do? Dara seleb somoklomak nim enyek, suboka embengaʾ buknenggunuseng bok dara, wera ban lelemak yub enyek ubnesibya ara, ”Nunda ampum somokdowanamabaʾ anasa, sumen era pe bera seboka eiya hlaboka dero ulunob,” alamak.

PILIPI 3:19

Ban malya ulumak nim era, sikjaʾ ganya edya nunja nong emba pewosulul senen ganya boboka yeirilemakaʾ anasa, sik nong anaba malya uboka somoganamakaʾ ak ulumak. Sikda sokok an salyaʾ lelem perob dangalalanya nok senewoka seinilimak. Sikenek alya danasusonya nek perob senelemak.

1 TIMOTIUS 5:6

Bok nadya dobsinya bobsinya senelamna anyek nidyaʾ gigilamla youk gel gera, nong ak dara, anam embengaʾ ulumla senen bok, ganya ak dara, seleb somogamnaʾ anasoʾ ak ulumla.

1 TIMOTIUS 6:17

Anda sokok sam bonaʾ dub nim ek sobaʾ ulmoubnenggulumla bonaʾ emba leboka dengdang ganya boboka, bonaʾ ak ganya dib beiliwomunuk aboka, wenyaboka neklesilom. Bok saawoka, alda Imik Neyung nuk yokaʾ-yokaʾ nauba gigiwosulul senewoka, eleklesilnya bek ok ganya kweboka welenokaʾ aboka, neklesilom.

2 TIMOTIUS 3:4

Sikda yuba bo dil banaʾ ak perob senelemnemak, sikda imik nenebdangoka, ganya mok seinil banggulumnamak. Sikda Imik Neyung ak wanaʾ unya nera loboka, sokok an ununaʾ anyek wanaʾ nong ulumnamak.

YAKOBUS 5:5

Ugunda hyak unuruwaʾ garan orokaʾ anyek, pero-pero senenanya loboka, sokok an ulumlaʾ nidyaʾ damoka lelewoka dero dakdowolum. Ugunda youbnamna pam enesoʾ ak ugun damnya weildalalum.

1 PETRUS 4:3

Ugunda youmaʾ yuba dobnenggulum salek era, nim Imik Neyung yuba dobnenggom nim edya unulumak ununaʾ seleb ura dakdowolum. Ugunda hyak nauba malya ululum. Ugunda youmaʾ dara, yokaʾ-yokaʾ malya unuweisinya ganya adya hnon, gela salaweisinya ganya hnon, yu meka deregoka ganya uu asin meka delelum, malya unaʾ hwam adya goluwoka, bisaʾ nauba hyak pe giboka, henga kemenaʾ malya dangalamla malya unaʾ eneba unululum.

WAHYU 18:7

Hnonda alak ara, nauba perobnya benya anaʾ ab, dub dangoka pe ulumokaʾ sunuwoka, ganya okna danganaʾ ab, ganya soloma dabnaʾ ab, danyek alak eleganalam. Hnonda al nong anasa, sobaʾ leleladya, Nara nenya somogamna gel gomaʾ, nara wenewoka usin dub gel! Anasa nara ganya okna dabsinaʾ ara, hnon nak dobnenggunusinya, wenyaboka nonggo alamla.