LUKAS 11:36 - PERJANJIAN BARU NALCA YUBA

³⁶ Ugunja nonga nidyaʾ ara dilinaʾ ok yeblesil dara, anya nong ganggana hnon gunaʾ unaʾ orok dara, wera ugunja nonga nidyaʾ ara, wesaʾ dilinaʾ yeblamla anasoʾ ak yeblesil,” hyok.

LUKAS 11:36 交叉參考

MATIUS 13:52

Dara onoʾ Yesus adya hnon lebokaʾ ara, ”Al nenesa aboka, nimi nidyaʾ yuba neksin nimi bok, Imik Neyung adya wenelemnesilaʾ ak ella dangamek nim era, e damnya benyek alja wenyok bonaʾ ab, youmaʾ bonaʾ ab, beilinaʾ ek ab doboka beiyik sam laga bo yalalanya benesoʾ ak ulumak,” hyok.

MATIUS 5:15

Nimi hnon wesaʾ diniwoka mek gokna hmeiya lomok sam goʾ doknowoka beilinggulumak. Alda nim e lomok sam ulumeija nimi nidyaʾ yeblesululaʾ aboka laga diniwoka beillilimak.

LUKAS 11:35

Anasa wera, ugun an ulusil dilinaʾ era, gunaʾ deisilyek anasa, keeboka ulululum.

LUKAS 11:37

Wera Yesus ara seleb yuba sabgogowok dara, Parisinya ben hnonja nadyaʾ ek neikaʾ denenam aboka e byuk. Dara Yesus ara e nenyek an del bilimok.

2 KORINTUS 4:6

Imik Neyung adya leleladya, ”Gunaʾ lomok ab dilinaʾ yeblul,” alamla Imik Neyung enedya, nunjaʾ ganya lomok dilinaʾ yeblesil. Al Imik Neyung adya alja nong senedyaʾ ella dangasin dilinaʾ yeblulaʾ aboka unulusil. Dara Kristus aljaʾ asok pik uboka dilinaʾ yeblesil.

EPESUS 4:14

Anasa, mek mab edya ganya windong-wandong alamak sok, nunda yok-yok damoka neksin yub edya giliwoka bol goknenggulumnesil. Hnon nang era meknewoka bobnenewoka leboka, henga weboka youlosak bok, sikja yuba keboka ununggulumnemab.

KOLOSE 3:16

Wera Kristus adya yub enyek, ugunuk sobaʾ sounubgiga balasulul. Dara, yokaʾ-yokaʾ munaʾ gobdo geremsengaʾ adya, ugunda yok nang ek nekoka, wenebdangoka ulululum. Anya, mazmur ber adya hnon, yok giboka sebnaʾ ber edya hnon, yub donaʾ ak geklen ber edya hnon, ugunda Imik Neyung ak perob aboka bera danedya seboka giblelulum.

IBRANI 5:14

Bok gasa denaʾ ak dara, nimi ganya karob nim edya, sobaʾ sunuwoka eillilimakaʾ adya, nenera perobaʾ, nenera malyaʾ senewoka, ella dangalamak nim emba ulumla.

YAKOBUS 1:25

Bok, Imik Neyung adya unuwanalum an yub era, nimi blebsinaʾ migib damok ara an ulumla. Anasa nimi nidyaʾ yuba keb loboka hibigal henggonggom pe doboka einiwoka pe keeboka unulumak nim era, alja yok-yok wa welemlyaʾ ara, Imik Neyung adya alak aralamnamla.

2 PETRUS 3:18

Nunjaʾ Wenelesilnya uboka, nunjaʾ blebsinaʾ dubnya Yesus Kristus adya perobaʾ eleklesilaʾ hnon, alak ella unaʾ hnon ak dara, nebgiga balalulum. Imik Neyung ak ara alja migib unaʾ emba leboka, wenyek hnon uboka, sobaʾ alak ok giblenok! Amin.