KOLOSE 1:6 - PERJANJIAN BARU NALCA YUBA

⁶ ugunuk an seleb yousuk sok, mok soko nidyaʾ oboka lelewoka doka moru balamla. Dara neikek, ugun gangganek anaba, an yub enyek einilumukanya, Imik Neyung adya wanaʾ uboka perob eleksinaʾ anyek pe ella dangalum salek ek ab ara mouruwoka, doka moru balasil.

KOLOSE 1:6 交叉參考

MATIUS 24:14

Dara, Imik Neyung adya wenelemnesilaʾ perob lero yanggan yub era, yok-yok mok soko nimi nidyaʾ kebnokaʾ aboka, sokok me nidyaʾ men leb elegeijebok, wera sidyaʾ dagalongnaʾ ara, eimik daknamla,” hyok.

MATIUS 28:19

Anasa wera, ugunda nidyaʾ sokok biniboka, nidyaʾ yok-yok mok soko nim era, nadya yuba doboka diriga ban nanga dangiyiwanalum. Anya Neyung bek si sibuka, alja me nek si sibuka, Geisinya bek si sibuka, sikda meka dalamnalum.

MARKUS 16:15

Onoʾ, alda sikenek wenhyok, ”Ugunda yok mok soko me nidyaʾ biniboka, perob lero yanggan yub era, nimi nidyaʾ ak leb elekdo yabalemnelum.

MARKUS 4:8

Bok yinaʾ hnonda hyak pero mesaʾ delemok sokok sam malyinggyuk dara, yinaʾ era bongowoka nauba dangoka, doka moulumok. Dara hnonda denga hnonok so moulumok, hnonda denga penya so moulumok, hnonda denga dombadya so moulumok,” wenhyok.

YOHANES 15:16

Ugunda nak dobnenggunulum bok, nadya ugunuk weboka dosisa. Ugunda bindiwoka, sobaʾ ulmorulumnamla doka moulusululaʾ aboka, dosisa. Dara, nadya si sibuka, neyung bek ab yokaʾ-yokaʾ nidyaʾ elegesilom aboka mololomun dara, eleganesil.

YOHANES 17:19

Neyung o, sik nong anyek, munaʾ mem nimi danokaʾ aboka, na damnya anaba munaʾanya neneldalamna,” hyok.

YOHANES 4:23

”Bok eimik yanamla sum era, onoʾ al wen seleb ulumla sum eneba, Imik Neyung bek dib giblemak nim era, ganya adya gibnemak, Imik Neyung alba ulumla sok sunuwoka gibnemak. Ban anaso nimi ganya ara, Imik Neyung adya nak unu gibneneseng senelamla.

RASUL 11:18

Wera Yerusalem heikek ulumek Imik Neyung mab era ban yuba kemek dara, Petrus bek anda meknelelam aboka yuba lolowanggumek. Dara sikda Imik Neyung ak perob aboka giboka lelemekja, ”Yahudi nimi yuba donaʾ orok nim eneba Imik Neyung adya sikja malya unaʾ pik ab ganya dangawoka embengaʾ unaʾ dib dobnok aboka li eleklesil anasa, perob,” wenyaboka Imik Neyung bek giboka lelemek.

RASUL 12:24

Dara, Imik Neyung yub ara, mok soko neikaʾ ok oboka lelebgiga balamok.

RASUL 16:14

Dara, sik hnoum an bulumok gel gera alja si nera Lidia, alda Tiatira mok eb gel gek ulumok. Alda mouk dok akleng ek deknaʾ dekoka dolomok gel ulumok. Dara, alda Imik Neyung ak giblemok gel ulumok. Dara ban sum enyek, Paulus bedya neklesukaʾ ak pe keboka doblulaʾ aboka Wenelesilnya bedya alja ganya bakamok.

RASUL 26:18

Anja adya nimi yok soko nang edya sikja henga baknesilimeekanya, onoʾ sikenek gunaʾ ak ab ara doboka bo yeiniboka, dilinaʾ ak sam bo weknesilim. Anja adya, Satan migib adya lobaʾ nenelesilaʾ ak ab ara doboka, Imik Neyung migib arasinaʾ ak sam dangiyiwanesilim. Wera danyek, sikja malya unaʾ an memelesil, onoʾ sikda nak dib senenyekaʾ adya, Imik Neyung amba munaʾ gobdo un nimi danamak, anyok,” hyok.

ROMA 1:13

An nenyek ok gom, nadya hemyabo nang, alda nadya ugunuk younunaʾ ulumna damok enyek, ugunda ella danalum senelamna. Bok al danyek mouruwoka sumeneba, yok mok soko nim ek doka moulumlaʾ eillilamna sok, ugunuk doka ulumlyaʾ anyek eiblyek senewoka, yokaʾ adya salalenel.

ROMA 15:19

yok lok so beknaʾ migib adya hnon, yok senenggom lok so ununaʾ adya hnon, Geisinya migib adya na pik uboka, welemlaʾ anyek hnonok, nara asaʾ ganya boboka wenyaro yabalamnamna. Dara nara Yerusalem heik ab ara Ilirikum heik dongolamsa dara, nara Kristus bedya perob lero yanggan yub era hyak senenya loboka leb elekdo yibisa.

ROMA 15:28

Anasa nara ban wa nen seleb webdaknyakanya, yok mok soko nim edya sikja yeiriwoka eboka beiyirobaʾ anyek sikenek elekgogoweisinya dara, nara ugunuk pik ab uboka Spanyol moka binimna.

ROMA 16:26

Hnon gunuwok bok, wenera Imik Neyung ulmoubnaʾanya bedya orugosukaʾ sunuwoka, yok-yok mok soko nimi nidyaʾ ara sikda ganya dib senewoka pe kenaʾ ak bo binok aboka, ununumnaʾ lelemek nang momnya dobokaʾ pik uboka seleb wenyalasukaʾ ara, wera seleb laga dok.

2 KORINTUS 10:14

Nunda pelemak alamab ara hwiboka lenggulumab. Ugunuk lero yanggusuba dara, hwiboka lelemak henesiseng bok, nunda Kristus perob lero yanggan yub era ugunuk lero yeilisubaʾ anasa, orok.

2 KORINTUS 6:1

Nunda neikaʾ welemab nang edya, Imik Neyung adya ugunuk wanaʾ uboka eleknaʾ dololumaʾ anyek, salyaʾ lelem domunuk aboka dukaʾ lololosab.

EPESUS 3:2

Ugunuk perob dangasin danasa, Imik Neyung ara, alja yuba lero yaban wa nera nak eleganyokaʾ ara, ugunda seleb kelelumaʾ anyaʾ senelamna.

EPESUS 4:21

Ugunda aldib alja yuba kelumukanya, al lomok ara dib yub ok ulumlaʾ sunuwoka nekesik dara, anasoʾ ununaʾ ella dangoka dobnenggulum.

EPESUS 4:23

Ugunja ganya eb, anyek unuwanamna senen ganya wenyoknya perobnya nok bobnobaʾ aboka doblum.

EPESUS 5:9

Anasa Imik Neyung dilinaʾ ak ab lanalamlaʾ ara, perob ganya bonaʾ ab nimi yok nim ek pe ununaʾ ab, yok-yok dib yub era lanalamla.

PILIPI 1:11

Dara, ugunja nong unaʾ enyek, perob unaʾ adya ok, Yesus Kristus adya pe deknelesilya dara, wera Imik Neyung si ak imik nenewoka, alak sobaʾ giblemnemak.

PILIPI 4:17

Wera nera nak dara, ugunja beibnulumaʾ anyek ganya dibyooka donaʾ ok dob lobnun senen ganya bonggulumna. Alda nadya dara, nim Imik Neyung yuba doboka ulumak nong unaʾ enyek ugunuk sam nauba dosulul senelamna.

KOLOSE 1:10

Dara, alja senelamla anyek pe ella ubmun adya, ugunja ululumaʾ ara, al saramek ab dom digum ulumla adya or unu ulunok senewanemlakanya, yokaʾ-yokaʾ unululumaʾ nidyaʾ ara perob senewanamla. Nunda heng uboka mololosab ara, ugunda yok-yok perob wa weboka doka moulumnelumukanya, Imik Neyung ak ella danganaʾ nauba danggiga balalul aboka mololosab.

KOLOSE 1:23

Ugunda ugunja ganya dib senelumaʾ lomok sobaʾ ubmouboka, wirring-warreng anaʾ loboka, mel-mela sekoka, anya perob lero yanggan yuba kelum adya ganya wenaʾ ak ab goknenggunusak dara, al saramek anaso beibnesil. Ban blebsin yub ulumlaʾ ara, im damumduk yangawokaʾ nidyaʾ ak seleb wenyaro yabalamak. Anya, na ban Paulus bera, an yuba wa wenya seleb dasa.

1 TESALONIKA 1:5

Nunda ugunuk perob lero yanggan yuba lelemoubaʾ ara, sibamaʾ adya ok lenggulumouba. Alda migib adya, Geisinya adya, ban yub enera hyak dib nong senewoka leb elegesuba. Ugunuk pewosululaʾ aboka, nunda ugun gangganek ara, hekaʾ huboka ulumoubaʾ ara, ugunda pe ella ululum.

1 TESALONIKA 2:13

Ugunja hnonok pe unululumaʾ anyek nunda eiyiwoka Imik Neyung ak sobaʾ giblemab. An wenyhenaʾ ara, nunja ugunuk Imik Neyung yuba leb elegesuba sum enyek, ugunja keboka dolumaʾ ara, nimi sirikaʾ yub anaso ganya boboka dobnenggulum, alda Imik Neyung nong adya yub dib senewoka dolumaʾ nong amba Imik Neyung giblemab. Wera ugun Kristus dolum nimi gangganek an wen welesilnya nera ban Imik Neyung yub enedya welesil.

2 TESALONIKA 2:13

Nunjaʾ hemyab Imik Neyung adya wanaʾ ulusil nim o! Anasa, Imik Neyung ugunuk blebnesin senewoka weboka dosuknya nenesa leboka, nunda sobaʾ Imik Neyung ak perob aboka giblemab. Ban unusukaʾ ara, Imik Neyung Geisinya adya, Imik Neyung adyaʾ geisa mabo nenewoka, ugun nong adya Imik Neyung ak ab perob nong yuba hnon dib senelumaʾ adya ubsuk.

1 PETRUS 5:12

Nadya ban burum momnya donaʾ beibsinaʾ anara, Silas benya arawoka beibsinem. Nadya dara, Silas bera nunjaʾ hem be yuba donaʾanya bojamnya bek ulumla. Nadya ban weboka beibsinaʾ anara, Imik Neyung adya perobaʾ eleklesilaʾ dibaʾ anyek, ugunuk unuwaneseng senewoka, unuwanalumaʾ anyaʾ aboka beibsin. Ugunda ban unu eleklesilaʾ anyek pe salabmoubuka ulululum.